Жануарлар қалай көбейеді. Жаратылыстану, 2 сынып, сабақ жоспары.

Пән: Ғылымға кіріспе

Ұзақ мерзімді жоспар бөлімі: 2-бөлім: Тірі табиғат. Жануарлар

Мектеп: Талдықорған қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Сарыева А.Т.

Сынып:

Қатысқандар саны:18

Қатыспағандар саны: 0

Сабақтың тақырыбы

Жануарлар қалай көбейеді

Оқу мақсаты

2.3. Жануарлар.

 Сабақтың мақсаттары

2.2.2.4 жануарлардың көбею жолдарын түсіндіру

 Бағалау критерийлері

Жануарлардың төлдеу, жұмыртқалау, уылдырық шашу арқылы көбею жолдарын түсіндіреді

 Тілдік мақсат

Оқушылар таныс емес «уылдырық», «төлдейтіндер», «жұмыртқалайтындар», «уылдырық шашатындар» тірек сөздерді меңгереді. Сөздерді қолданады.

 Құндылықтарды дарыту

Жануарларға  қамқорлық  жасау керектігін ұғындыру

Алдыңғы білімдер

Жануарлардың негізгі сипаттамаларын біледі, үй жануарлары мен жабайы жануарларды ажырата алады. Өсімдіктер мен жануарлардың ұқсастықтары мен айырмашылықтарын біледі.

Сабақ барысы

Сабақтағы жоспарланған іс-әрекет

(Ұ) Ұйымдастыру кезеңін өткізу.

Өткен тақырыпты қайталау. Суреттерді ұсынып, омыртқалы және омыртқасыз жануарларды анықтату. (Көртышқан, шегіртке, бүркіт, шұбалшаң, медуза, қоян, піл, жылқы, құмырсқа.) Жануарлардың ішінен үй жануарларын атату. Сабақтың мақсатын қою

(Ұ) -Үй жануарлары адамға не береді?

Ойын ұйымдастыру: сүттің суретін көрсетіп, оны қандай жануардан алуға болатыны туралы сұрау. Үй жануарларының пайда болуы туралы баяндап беру. Үй жануарларының туралы бейне материалды ұсыну. Тағы да қандай жануарларды үй жағдайына үйретуге болатыны жайлы сұрау. Болашақта тіршілікті сақтап қалу үшін адамдарға не қажет екендігі туралы ойланып көруге ұсыныс жасау.

Ойлан. Оқушыларға екі суретті салыстырту. «Ұшып бара жатқан құс пен ұшақтың арасында қандай ұқсастық бар? (Дене қалпы, сүйірлігі.)

- Шегіртке мен тікұшақ бір-біріне ұқсай ма? (Сыртқы түрі, қанаттары пропеллерге ұқсас.)

- Жолбарыс жемтігін ұзақ уақыт бойы торуылдап, шап беріп ұстап алады. Адам баласы мұндай тәсілді қайда қолданады?

- Жабайы жануарлардың пайдасы бар ма?

- Қандай жануарлардың адам баласының жаңалық ашуына түрткі болғаны туралы ойлануға тапсырма беру. Ежелгі дәуірде адамдар өмір сүру үшін аң аулауға мұқтаж болғандығын айту.

-Қазіргі кезде аң аулаудың қажеттілігі бар ма?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Төлдейтіндер және жұмыртқалайтын жануарларды топтастыруды ұсынғанда кейбір оқушыларға суреттердің жанындағы дөңгелектерді бояуды, ал қалғандарына кестеге жануарлардың аттарын жазуды ұсынамын.

Сабақ барысында мадақтау сөздер айту арқылы бағалау. Оқушылардың жауаптарын, іс-әрекеттеріне бақылау жүргізіп, түртіп алу арқылы бағалау. Кері байланыс беру арқылы бағалау.

Сергіту сәтін өткізу