Ұлықбек Есдәулет «Біз түркілерміз» өлеңі. Қазақ әдебиеті, 10 сынып, презентация.

Сабақтың тақырыбы:

Оқу мақсаты:

Сабақ мақсаты:

Бағалау критерийлері:

Ұлықбек Есдәулет «Біз түркілерміз» өлеңі

10.1.4.1 - көркем шығармалардан алған үзінділерді шығармашылық жұмыстарда қолдану.

Шығарма үзінділерін шығармашылық жазба жұмысын жазу барысында қолдану.

Жазба жұмысында өлеңнің сөз тіркестерін міндетті түрде қолданады.

1-тапсырма.

Оқушылар Abai.kz ақпараттық порталынан Рамазан Құрманбаевтың «Итке итаяғы, бөріге бостандығы қымбат» тақырыбындағы мақаласынан үзінді оқиды.

Ерте заманнан жеткен аңызда: «Көрші елдермен болған алапат соғыста жаулары түркілерді тегіс қырып салады да, жараланған бір баланы қасқырдың ұрғашысы асырап алып, бала аман қалады». Сөйтіп түз тағысы ұлттың сақталып, ұрпақтың жалғасуына себепші болған екен. Сондықтан түркі тектес халықтар өздерін Көк Бөріден тарағанбыз деп, қасқырды кие тұтып, қасиетті аң санайды.

Нағыз көкжал қасқыр қауіп төнгенде ұяластарын құтқару үшін: «Құтылу маған серт, құтқармау саған серт» деп қуғыншылармен іштей серттесіп, аңшыларға көріне жортады екен, сабаз. Басқа аңдардың бәрі тамақ берген адамның дегеніне көніп, құлқынның құлына айналады. Тек қасқырлар ғана қолға үйренбейді. «Итке итаяғы бөріге бостандығы қымбат» деген содан қалған. Әртүрлі аңыздар -өрлігіне ерлігі сай келіп, күштіге бас имейтін, төзім мен ептілігі қатар жүретін, әділетсіздікке төзбейтін, ешкімге кегін жібермейтін қасқырдың қасиеттері ұрпағына жұғысты болса екен деп тілеген бабаларымыздың арман-қиялынан туса керек.

Ұлықбек Есдәулеттің «Біз түркілерміз» өлеңінің алғашқы шумағы туралы түсініктерін айтады, оқылған мақаламен байланыстырып пікір білдіреді. Қазақтың мінезді, сертіне берік, ержүрек жігіттері туралы әңгімелеседі.

Біз - түркілерміз...

Көк аспандай жарқылдап, күркірерміз,

Көк аспанның бұлтындай сілкінерміз,

Көк бөріден туғанымыз рас болса,

Көк тәңірден қуат ап, бір түлерміз.

Дескрипторлар:

1. Мақаланы түсініп оқиды, пікір білдіреді;

2. «Біз түркілерміз» өлеңімен байланыстырады.

2-тапсырма.

Сіз «Астана» концерт залында отырғаныңызды елестетіңіз. Сахнаға бір жас жігіт шығып, Ұлықбек Есдәулеттің «Біз түркілерміз» өлеңін оқыды. Концерт залының атмосферасынан, өлең оқыған жігіттің мәнерінен алған сезіміңізді жеткізіңіз. Жазба жұмысында өлеңнің сөз тіркестері міндетті түрде қолданылуы шарт.

Дескрипторлар:

1. Тапсырмада шығармашылық тәсілдемені өте жақсы қолданады, аудиторияны толық тарта біледі;

2. Құрылымы сәйкес және қатаң сақталған;

3. Оқырманға ерекше әсер ету мақсатында көркем тіл құралдарын өте жақсы қолданады.

Кері байланыс

«Не жақсы?»

Сіз өз жұмысыңыздың «жақсы» екенін анықтай аласыз ба?

Сіз әрқашан бұдан әрі қарай не істеу қажет/не туралы ойлау қажет екенін білесіз бе?

Нені «жақсы» жұмыс деп айтуға болады?