Тәрбие – тал бесіктен. Қазақ тілі, 6 сынып, сабақ жоспары.

Ұзақ мерзімді жоспар бөлімі: Ұлттық және отбасылық құндылықтар

Мектеп:

Күні:

Мұғалімнің аты-жөні:

Сынып: 6 Т1

Қатысқан оқушылар саны:

 Қатыспағандар:

Сабақтыңтақырыбы

Тәрбие – тал бесіктен

Осы сабақ арқылы жүзеге асатын оқу мақсаттары

6.2.5.1 мәтіннен негізгі және қосымша ақпаратты, көтерілген мәселені анықтауға бағытталған нақтылау сұрақтарын құрастыру

 Сабақтың мақсаттары

Мәтіндегі негізгі және қосымша ақпараттарды табу;

Мәтінде көтерілген мәселені анықтау;

Сұрақтар құрастыру білу.

 Бағалау критерийлері

Мәтіннің негізгі және қосымша ақпаратын белгілейді;

көтерілген мәселені анықтайды;

мәселені анықтауға бағытталған нақтылау сұрақтарын құрастырады.

Тілдік мақсаттар

Пәнге тән лексика мен терминология:

Бесік, тартпа, түбек, төсеніш, жабу, қарапайым сұрақ, нақтылаушы сұрақ, нақыл сөз

Диалог пен жазу үшін пайдалы сөздер мен тіркестер:

Біздің пікірімізше...

Мәтінде ... мәселесі көтерілген

…екені рас па?

Егер мен дұрыстүсінсем, ...

Құндылықтарды игерту

Тақырып аясында берілген мәтін негізінде оқушылар ұлттық құндылықтардың отбасы өмірінде алатын орнын бағдарлайды, тәрбиенің халық өміріндегі мәнін түсінеді.

Пәнаралық байланыс

Әдебиет

Осыған дейін меңгерілген білім

Оқушылар негізгі және қосымша ақпарат, мәтін мәселесі деген ұғымдармен таныс болулары қажет.

Жоспар

Жоспар бойынша орындалуы тиіс іс-әрекеттер

Оқушылар «Бесік жырын» тыңдайды. Сабақтың тақырыбын болжайды.

• Бұл ән кімге арналған?
• Ән не туралы?
• Әннің атауы қандай?
• Әннің маңызы қандай?

Оқушыларға суреттер таратылады. Бірдей суреті бар оқушылар бір топқа бірігеді.

ТЖ. Оқылымалды тапсырма.

Оқушылар мәтінмен танысады. Мәтін тақырыбына қатысты негізгі, қосымша ақпаратты табады, мәтінде көтерілген мәселені анықтайды. Сұрақтар құрастырады.

Тапсырма:

Мәтінді мұқият оқыңдар. Мәтін тақырыбына қатысты негізгі, қосымша ақпаратты, мәтінде көтерілген мәселені анықтаңдар. Сұрақтар құрастырыңдар.

 Қалалық жерде де баласын бесікке бөлейтін ата-ана аз емес. Бірақ «бесік зиян…» дейтіндер де бар. Кешегi кеңестiк дәуiрде мединституттың оқытушылары шәкірттеріне бесікті жамандап оқытатын арнайы тапсырма болған. Ол заманда жек көрген нәрсеңізді «ескіліктің қалдығы» десеңіз жетіп жатыр. Дәлелдің қажеті жоқ. Сөйтіп, бесікті қазақтың өмірінен сырып тастағысы, керексіз қылып тастағысы келді. Бірақ жүздеген ғасыр сынақтан өткен бесікті пайдасыз деп кім айтады? Оның ұрпақ үшін пайдасы ұшан-теңіз.

 Айталық:

 Біріншіден, қол-аяғын ербеңдетіп бос жатқан сәбидің ұйқысы тыныш болмайды. Ұйқысы қанбаған баланың зердесі толық жетілмейді.

 Екіншіден, баланың мазасыздығы ананың психологиясына әсер етедi. Бұндай жайсыздық сүт арқылы сәбиге беріледі. Сондықтан бесікке жатпаған бала болашақта сабырсыздау болады.

 Үшіншіден,баланы бесiктен шешкен кезде сәби керiлiп-созылып, рахаттанады. Денесінің әртүрлі күйде болуы оған демалыс сыйлайды.

 Төртіншіден, сәбидің тұлабойы таза болып, тазалыққа бойы үйренеді.

 Бесіншіден, бесіктегі баланың денесіне дымқыл, сыз дарымайды. Құрғақ болады. Ол мықты денсаулық кепілі. Әрі қол-аяғы сыптай болып өседі.

 Алтыншыдан, бесік белгілі бір ритммен ғана тербетіледі. Баланың жүйкесі бір жүйе, тәртіпке түседі.

 Жетіншіден,бесіктегі балаға ана әлдиі әбден сіңеді. Қайырымды мінез қалыптасады. Бесік жырын тыңдаған баланың қанына ұлттық қасиет дариды.

 Сегізіншіден, бесік сәбиді сырттан келетін кері энергия немесе тiл-көзден сақтайды.

 Бұлар бесіктің толып жатқан пайдасының бір парасы ғана. Бесікті пайдаланбау арқылы қаншама ұлттық дәстүрімізден айырылып жатырмыз. «Бесікке салу», «Тыштыма», тағы да басқа салт-дәстүрлер, жол-жорағылар жоғалды. Заңғар жазушы Мұхтар Әуезов «Ел болам десең, бесігіңді түзе!» дегенді тегін айтпаған шығар.

Дескриптор:

• Мәтіндегі қосымша ақпаратқа қатысты қарапайым сұрақ құрастырады.
• Мәтіндегі негізгі ақпаратқа қатысты нақтылаушы сұрақ құрастырады.
• Мәтінде көтерілген мәселеге қатысты нақтылаушы сұрақ құрастырады.

Оқушыларға қарапайым, нақтылаушы сұрақтар туралы ақпарат беріледі. Берілген ақпаратты қолдана отырып, оқылым тапсырмасын орындайды.

«Сұрақтар қоржыны» әдісі.

Топ оқушылары өз сұрақтарын қағазға жазып, қоржынға салады.

Қоржыннан әрбір топ кезек-кезек сұрақтарды алып, сұрақтың қандай ақпаратты анықтауға қатысты қойылғанын анықтайды және жауап береді.

Тапсырма:

Сұрақтың қай ақпаратқа қатысты қойылғанын анықтаңдар. Жауап беріңдер.

Дескриптор:

• Сұрақтың қай ақпаратқа қатысты қойылғанын анықтай алады.
• Сұраққа дұрыс жауап береді.

ТЖ. Оқылымнан кейінгі тапсырма.

Оқушылар мәтінде берілген М.Әуезовтің сөзін топта талқылайды.

Өз пікірлерін білдіреді.

Тапсырма:

«Ел боламын десең, бесігіңді түзе» деген нақыл сөзді қалай түсінесіңдер?

Осы пікірге қатысты ойларыңды білдіріңдер.

Дескриптор:

• Нақыл сөздің мағынасын түсіндіреді.
• Сөзге қатысты өз позицияларын көрсетеді.
• Өз пікірлеріне дәлел келтіреді.

Рефлексия

«Футбол» әдісі.

Оқушылар сабақ нәтижесі бойынша берілген суретте қай адамның кейпінде екенін белгілейді және неліктен екенін түсіндіріп жазады.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Қарапайым, нақтылаушы сұрақтар туралы берілген ақпарат оқушылардың мақсатқа жетуіне қолдау көрсету тәсілі болып табылады.

«Сұрақтар қоржыны» әдісі кезінде, топтық жұмыста қауіпсіздік ережелерін сақтаулары қажет.

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.