1.Қазақ тілі_3-сынып_2-бөлім Жақсыдан үйрен, жаманнан жирен_№1 сабақ Жақсы мен жаманды айыра білемін_ҚМЖ

Пән:Қазақ тілі

Тыңдалым және айтылым:

Бөлім: Жақсыдан үйрен, жаманнан жирен

Сабақ тақырыбы: Жақсы мен жаманды айыра білемін

Мектеп:

Мұғалімнің аты-жөні :

Күні:

Сынып: 3

Қатысқандар:

Қатыспағандар саны:

Осы сабақта қол жеткізілетін оқу мақсаттары (оқу бағдарламасына сілтеме)

3.1.1.1 тыңдаған материал бойынша тірек сөздерді белгілеу, ашық және жабық сұрақтарға жауап беру

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау

3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету.

Сабақ мақсаттары

Бағалау критерийлері

• тыңдаған материал бойынша тірек сөздерді белгілейді, ашық және жабық сұрақтарға жауап береді;
• өз бетінше мәтіннің тақырыбын қояды, негізгі ойды мұғалімнің көмегімен анықтайды;
• кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі шапшаң жазады.

Тілдік мақсаттар

Пәндік сөздер

Мәтін және оның түрлері, ат қою, негізгі ойды табу. Сұрақтар құрастыру.

Сабақта диалог /жазу үшін пайдаланылатын тіл:

Талқылау үшін сұрақтар:

• Данышпанның қорытынды сөзінен қандай ой түйдің?

Адамдар тірі табиғатсыз өмір сүре ала ма? (саралау)

Құндылықтарды дарыту

Жаманнан жиреніп, жақсыны үйренуге баулу;

Оқушыларды тазалыққа, адалдыққа, жанашырлыққа тәрбиелеу

Пәнаралық байланыстар

Жаратылыстану

Алдыңғы меңгерілген білім

Мәтін, мәтін және оның түрлерінің сипаттамасын, құрылымдық ерекшеліктерін ажырата біледі.

Сабақ барысы

Сабақта жоспарланған іс-әрекет

І. Ұйымдастыру кезеңі.

(Ұ, Ж, қ) «Жағымды тілектер алқасы» әдісі

Жағымды әуен арқылы барлық қатысушылар бір шеңберге топтасады. Мұғалім қолындағы жіптерді көрсетіп:

«Менің қолымда түрлі-түсті, ұзын-қысқа жіптер бар. Шын мәнінде, бұлар жай жіптер емес, біздің шығармашылығымыздың ұшқындары. Аңызға сүйенсек, егер таза жүректі адамдар бір жерге жиналса, бұл ұшқынды әдемі алқаға айналдырады екен.

Қазір ұзын жіптерді әрқайсысын алып, өз мойындарыңа тағып, ұшын байлауларыңды сұраймын. Содан соң түрлі-түсті қысқа жіптен алып бір-біріңнің мойындарыңдағы алқаға жағымды тілек айтып байлау керек. Осылайша қысқа жіптер алқамыздың моншақтарына айналады.»

(Барлығы байлап болған соң, осы күннен естелік ретінде сақтап қою ұсынылады)

І1. Негізгі бөлім

(МК, Ө) Көркем жазу. Әріп элементтерін жазу:

Кең жолды дәптерге жазу үлгісін көрсету.

Дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазады

(МК; ӨТ; Қ) Оқылым. Өлеңді оқы.

Бос торкөздерге сандардың тұсындағы әріптерді орналастырып, тақырыпты оқиды.

1 2 3 4 5 6 7 8

Ж М С Е Қ А Н Ы

Мұғалім бөлім тақырыбы мен, сабақ тақырыбын таныстырады.

Өлеңді оқып береді.

Жақсы мен жаман

Абдрахман Асылбеков

Сұрақтар:

• Өлең не туралы?
• Бұл өлең неге «Жақсы мен жаман» деп аталған?
• Өлең мазмұнында қандай жақсы, қандай жаман қылықтар айтылған?
• Осыдан өзің қандай қортынды шығарар едің?

(ӨЖ) Шығармашылық сәт.

Көп нүктенің орнына тиісті сөздерді қой.

Жақсы деген ... ... ,

Жаман деген ... ... .

Жақсы өмір ... ,

... боп күлгенің.

Өзара бағалау

Бағалау дескрипторы:

• өлең не туралы екенін анықтайды;
• сұрақтарға жауап береді;
• жақсы мен жаман қылықтар туралы топта талқылайды;
• тақырып мазмұнын ашатын мақал-мәтел тауып айтады;
• жақсы мен жаманды айыра алады;
• тапсырманы қатесіз, бас әріп пен кіші әріптің биіктігін сақтай отырып, жазады;

(Ұ, Т, ӨЖ) Тыңдалым. «Данышпанның жауабы» тақырыбындағы мәтінмен жұмыс.

Мәтінді мұқият тыңдап, мағынасын түсінбеген сөздерді түртіп алу керектігі айтылады.

(Ж, Т, қ) Оқылым. «Данышпанның жауабы»

Мәтінді өз бетінше түсініп оқып, кестені толтыр.

Мәтін мазмұны бойынша ашық және жабық сұрақтарды әр топ 2 сұрақтан құрастырады. Топтар бір бірінің сұрақтарына жауап жазады. Әр топ өз сұрақтарына алған жауаптарын бағалайды.

Орфографиялық сөздікпен жұмыс.

«Ел кезуші», «дәруіш қария», «даңғой», «күншіл», «көзсіз ерлік» сөздерінің мағынасын ашу

Бағалау дескрипторы:

• мәтінді тыңдайды;
• түсініксіз сөздерді түртіп алып, мағынасын ашады;
• мәтінді түсініп оқып, негізгі ойды табады;
• мәтін бойынша сұрақтарды құрастырады, оларға топта жауап жазады;
• кестені толтырады;
• қарамен жазылған сөздерге назар аударады;

ТЖ) Нақыл сөздің мағынасын аш.

Мақсаты: Адам өз өмірінің сәтінен өмірдің жақсы жақтарын көре алса, әрқашан жақсылық жасауға бейім болатынын ұғындыру.

• Жақсылық жасауды қайдан, қалай үйренуге болады?

Жақсы ой мен жақсы сөз

Жақсы істерге жетелейді...

Ы. Алтынсарин

(Ө,Ж, Қ) Шығармашылық диктант.

Көп нүктенің орнына б-в, п-ф әріптерінің тиістісін қойып жаз.. Оқушылар соңында дәптерлерін алып өзара тексереді.

1.Аулада …онтан бар. 2. Бұл – темір жол …окзалы. 3. …арида …ерғанада тұрады. 4. Аяқ киім …абрикасы қала шетіне орналасқан. 5. Менің анам …ермада істейді. 6. Сендер …елосипедтің қандай түрлерін білесіңдер?

Бағалау дескрипторы:

• мақал мағынасын ашып, пікір алмасады;
• көп нүктенің орнына б-в, п-ф әріптерінің тиістісін қойып жазады;
• бас әріп пен кіші әріптің биіктігін сақтап, дұрыс, біркелкі жазу;

Сергіту сәті «Көңілді күн»

(Т; Ұ, қ) Суретпен жұмыс

Мақсаты: Сурет бойынша мәтіннің тақырыбы және негізгі ойды анықтау

Оқушыларға сурет көрсетіледі. Берілген суретке қарай отырып, мәтіннің негізгі ойын анықтау керектігі айтылады.

• Суретке қандай тақырып қоюға болады?
• Арман мен Болаттың іс әрекеттеріне қандай баға берер едіңдер?
• Өздеріңнің құстарға қамқорлық жасаған кездерің болды ма?(саралау сұрағы)

(Топта оқушылар өзара пікіралмасып негізгі ойларын таныстырады.)

Бағалау дескрипторы:

• суретке зер салып қарайды;
• мәтіннің негізгі ойын анықтайды;
• ойын жеткізе алады;
• жақсылық жасаудың маңыздылығын түсінеді;

Рефлексия:

Үй тапсырмасы. Жағдаяттағы өз іс-әрекетіңді жаз.

Кеше досыңмен келіскен уақытта аулаға шықтың. Ал досың болса, кездесуге келген жоқ.

Сен не істер едің?

Саралау– оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Топтық тапсырмаларды саралау бойынша беру.

Мәтінмен жұмыста ұжыммен, және сурет бойынша оқушылар білімі сараланды. Қабілеті жоғары оқушыларға одан әрі дамуы үшін,қабілеті төмен оқушыларға қайта түсіндіру арқылы қолдау көрсетіледі.

Топта бірі-бірі тыңдау. Сыныпта қауіпсіздік ережелерін сақтау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта дифференциация дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

Сабақты жақсарту үшін қандай өзгеріс енгізуге болады (оқыту туралы да, оқу туралы да ойланыңыз)?

1:

Сабақ барысында сынып туралы немесе жекелеген оқушылар туралы нені білдім, келесі сабақтарда неге көңіл бөлу қажет?