Радиобайланыс. Физика, 11 сынып, дидактикалық материал.

А тобы

• Электромагниттік толқын арқылы неге су астында жүзіп жүрген сүңгуір қайықпен радиобайланыс жасалмайды?
• Мұхитта белгілі бір тереңдікте жүзіп жүрген екі сүңгуір қайық арасында радиобайланыс орнату мүмкін бе?

В тобы

• Алматыдағы Көктөбеде орналасқан телемұнараның биіктігі 372м , ал қабылдау антеннасының биіктігі 10м . Көктөбенің өзінің биіктігі 250 м болса, телехабарлар қандай қашықтықта қабылданады?Жердің радиусы 6400 км.
• Радиолокатордан жіберілген импульстің нысанға барып және одан шағылып кайтып келу ұзақтығы 0,0001 с болса, нысанға дейінгі қашықтық неге тең

С тобы

• Кеме радиолокаторы теңіз бетінен 25 м биіктікте орналасқан.Осы радармен теңіз бетіндегі құтқарушы нысанды қандай ең алыс қашықтықтан көруге болады? Осы кезде импульстер қандай жиілікпен шығарылады?
• Ғарыш кемелерімен радиобайланыс қашықтығын 3 есе арттыру үшін неліктен таратқыштың қуатын 9 есе арттыру керек? Радиолокация қашықтығын 3 есе арттыру үшін таратқыштың қуатын неше есе арттыру керек?Екі жағдайда да радиотолқындардың көзін нүктелік деп есептеңдер.Радиотолқындардың таралуы кезіндегі энергияның жұтылуын ескеріңдер.