Қисықсызықты қозғалыс кинематикасы. Шеңбер бойымен бірқалыпты қозғалыс. Физика, 10 сынып, қосымша материал 2.

Центрге тартқыш үдеу. Есептер шығару

• Дене шеңбер бойымен тұрақты жылдамдықпен қозғалады. Шеңбер радиусын 4 есе арттырғанда, ал жылдамдықты 2 есе азайтқанда центрге тартқыш үдеу қалай өзгереді?
• Егер 5 с уақытта бұрыштың ығысуы 3,14 тең болса, дене қандай бұрыштық жылдамдықпен қозғалады?
• Дене радиусы 50 м шеңбер доғасы бойымен қозғалады. Егер бұрыштық жылдамдығы 3,14 рад/с болса, дене қозғалысының сызықтық жылдамдығы қандай?
• Дененің бұрыштық жылдамдығы 62,8 рад/с болса, дененің айналу жиілігін және периодын анықта.
• Жылдамдығы 72 км/сағ, ал доңғалағының айналу жиілігі8 с^-1 автомобильдің жерге тиіп тұрған доңғалақ нүктелерінің центрге тартқыш үдеуін анықтау керек.
• Бу турбинасына қарағанда гидротурбинаның жұмыстық қалақтарының радиусы 8 есе артық, ал айналу жиілігі 40 есе кем. Турбина қалақтарының сызықтық жылдамдықтары мен үдеулерін салыстырыңдар.
• 0,05 рад/с бұрыштық жылдамдықпен айналып тұрған карусельдегі баланың сызықтық жылдамдығының модулі неге тең? Айналу осі мен бала арасындағы қашықтық 10 м.
• Радиусы 10 см доңғалақ 3 рад/с бұрыштық жылдамдықпен айналады. Дөңгелектің құрсауындағы нүктелердің сызықтық жылдамдығын табыңыз.
• Диск секундына 25 айналым жасаса, дискінің бұрыштық жылдамдығы қандай?
• Сағаттың секундық тілі 5 рет айналғанда оның минуттық тілі қандай бұрышқа бұрылады?
• Бірқалыпты айналатын дөңгелектің жиегіндегі нүкте 5с ішінде оның центріне қатысты 60⁰қа бұрылады. Дөңгелектің бұрыштық жылдамдығы мен айналу жиілігін табыңыз
• Дене тік жоғары 10 м/с бастапқы жылдамдықпен лақтырылған. Дененің көтерілу биіктігін табыңыз.
• Дене тік жоғары 30 м/с жылдамдықпен лақтырылған. Қозғалыс басталғаннан кейін 5 с өткенде дененің жылдамдығы қандай болады?