Мәтінді есептер: Берілген қатынаста бөлуге арналған есептер шығару. Математика, 6 сынып, дидактикалық материал.

А деңгейінің тапсырмалары

1.Туристер 32 км жаяу жүрді, 104 км машинамен жүрді, 64 км өзенмен жүзіп өтті.

a) Барлық жолдың қандай бөлігін туристер жаяу жүріп өтті?

b) Жаяу жүрген жол өзенмен жүзген жолдан неше есе кіші?

c) Машинамен жүрген жол барлық жолдың қандай процентін құрайды?

2.Екі санның айырмасы 28,27, ал олардың қатынасы 8:2 қатынасындай. Осы сандарды табыңыз.

В деңгейінің тапсырмалары

Компьютерде теруші бірінші күні шығарманың 30% - ін, қалғанын екінші және үшінші күндері терді. Оның екінші күні терген бет санының үшінші күні терген бет санына қатынасы 5:2 қатынасындай. Компьютерде теруші екінші күні үшінші күнге қарағанда 27 бет артық терді. Шығармада барлығы неше бет бар?

С деңгейінің тапсырмалары

Туристер межелеген жерге үш күнде жетті. Олардың үш күнде жүрген жолдарының қатынасы 6:5,6:4,4 қатынасындай. Туристер бірінші күні үшінші күнге қарағанда 64 км артық жүрді. Туристер межелеген жерге жету үшін қанша километр жол жүрді?

А деңгейінің тапсырмалары

В деңгейінің тапсырмалары

С деңгейінің тапсырмалары

Есептің шартында маған неге назар аудару керек?

Есептің шарты бойынша мен қандай математикалық модель құрастыра аламын?

Шешімі

Есепті шығара алдың ба?

Қандай қателер болды?

Қандай қиындықтарды сезінесің?

Осындай қателер бұрын болып па еді?

Осы қатені қайтадан неге жібердің?

Осы қате бойынша кімнен көмек сұрадың?

Олар көмектесе алды ма?

Осындай қателер жібермеу үшін келесі жолы не істейсің?

Осы тақырыпты сыныптастарыңа түсіндіріп бере аласың ба?

Неліктен олай ойлайсың?