Рационал сандарды координаталық түзудің көмегімен қосу. Математика, 6 сынып, сабақ жоспары.

Ұзақ мерзімді жоспар бөлімі:

6.1В Рационал сандар және оларға амалдар қолдану

Мектеп: НЗМ ХББ Атырау қаласы

Күні:

Мұғалімнің аты-жөні: Шамеденова Л.Х.

Сынып: 6

Қатысқандар саны:

 Қатыспағандар саны:

Рационал сандарды координаталық түзудің көмегімен қосу.

6.1.2.10

бүтін сандарды координаталық түзу көмегімен қосу және азайтуды орындау

Оқушылар:

• - координаталық түзуде бүтін және рационал сандарды кескіндеу және салыстыру;
• - координаталық түзуде кесіндінің ұзындығын табу;
• - рационал сандарды қосуды және азайтуды орындау.

Оқушылар:

• . координаталық түзуде бүтін және рационал сандарды кескіндей алады және салыстырады;
• - координаталық түзуде кесіндінің ұзындығын таба алады;
• - рационал сандарды қосуды және азайтуды орындайды.

Оқушылар:

• берілген бөлімнің математикалық терминологиясын қолданады;
• координатасы рационал сан түрінде берілген нүктелерді координаталық түзуде кескіндеуін сипаттайды.

Пәнге қатысты лексика мен терминология:

• оң сан;
• теріс сан;
• бүтін сан;
• қарама-қарсы сандар;
• рационал сан;
• бүтін сандар жиыны;
• рационал сандар жиыны;
• координаталық түзу.

Диалогқа/жазылымға қажетті тіркестер:

• а санының модулі деп ... аталады;
• координаталық түзуде үлкен (кіші) сан ... кескінделеді;
• екі теріс санның ішінен ... үлкен;
• A(-3) жазуын «координатасы минус 3 болатын А нүктесі» деп оқимыз;
• C(2,6) жазуын «С нүктесінің координатасы екі бүтін оннан алтыға тең» деп оқимыз.

Топтық, жұптық тапсырмаларды орындағанда академиялық әділдікті сақтау, ынтымақтастық құндылықтарын дарыту. және қолдау, өзара жауапкершілікті қалыптастыру.

Бұл бөлімде алынған білім оқушыларға практикалық есептерді сонымен қатар рационал сандарға амалдар қолдану дағдыларды қажет ететін пәндерді жетік меңгеруге ықпал етеді.

Оқушылардың ActiveBoard белсенді тақтаны қолдану дағдыларын қалыптастыру, жетілдіру.

Координаталық сәуле туралы ұғым. Ондық және жай бөлшектерге арифметикалық амалдарды орындай алу. Жай және ондық бөлшектерді координаталық сәуледе кескіндей алу.

Сабақ барысы

Сабақтағы жоспарланған іс-әрекет

Ұйымдастыру кезені.

Бірлескен оқу ортасын құру.

Оқушылармен бірлесе бүгінгі сабақтың тақырыбын, мақсаттарын анықтаймыз.

Үй тапсырмасын тексеру.

Жауабы:

№1. Координаталық түзудің көмегімен

а) С және В нүктелерінің координаталар қосындысы

0 тең;

б) С және А нүктелерінің координаталар қосындысы

- 2 тең.

Алған білімдерін жүйелеу.

1) Нөлмен оң сан қалай салыстырылады?

2) Нөлмен теріс санды қалай салыстыруға болады?

3) Оң мен теріс сандары қалай салыстырылады?

4) Екі теріс санды қалай салыстыруға болады?

5) Координаттық түзу көмегімен сандарды қалай салыстыруға болады?

6) Қандай түзуді координаттық деп атаймыз?

Өзара бағалау.

Сыныппен жұмыс.

Оқушыларға «Шыбынды қуалау» ойынын ұсыныңыз. Ол үшін әр оқушы өз дәптерінде координаталық түзуді кескіндейді. Мұғалім жүргізушіні таңдайды. Жүргізуші координаталық түзудің қандай нүктесінде «шыбынды» орналастыру керектігін нұсқайды.

Жүргізуші амалдарды орындауды ұсынады. Мысалы:

(-3) - ті қосыңыз;

(2) - ні азайтыңыз;

(12) - ні қосыңыз;

(-4) - ті азайтыңыз.

Осылайша, оқушылар «шыбынды» координаталық түзуде әрі-бері жылжытады.

Тапсырма соңында оқушылар өз нүктелерінің координатасын – жүргізуші «шыбынның» координатасымен салыстырады.

№1. Сурет бойынша есептеулерді жазыңыз:

1 + (-4) =-3; 1 + 4 = 5.

-5 + 3 = -2.

-1 + (-4) = -5.

-4 + 7 = 3.

5 + (-5) = 0.

-2 + 0 = -2

№ 2. Сөйлемді аяқтаңыз.

А) Егер оң таңбалы санды қоссақ, онда қосынды ...

Б) Егер теріс таңаблы санды қоссақ, онда қосынды ...

В) Егер нөл санын қоссақ, онда қосынды ...

Г) Қарама-қарсы сандардың қосындысы ... тең.

Жауабы: артады; кемиді; өзгермейді; нөл.

№3. Термометр координаттық түзу болады ма? Оны қалай орналастыру қажет: қай жағында теріс мәні

«–» аяз болады, ал қай жағында оң мәні «+» жылы болады?

Жауабы: иә; вертикаль; төмен, жоғары.

Қатар отырған оқушылар дәптерлерін ауыстырып, бірін – бірі бағалауды жүргізеді.

Жұптық жұмыс.

Дидактикалық ойын « Математикалық лото» 

Өз бетімен жұмыс.

1) Термометр -20⁰С көрсетіп тұр. Температура көрсеткіші қандай болуы мүмкін, егер + 50⁰С өзгеру болса?

2) Термометр 30⁰С белгіленіп тұр. Температура көрсеткіші қандай болуы мүмкін, егер - 50⁰С өзгеру болса?

3) Термометр - 20⁰С көрсетіп тұр. Температура көрсеткіші қандай болуы мүмкін, егер - 30⁰С өзгеру болса?

№ 4. Координаталық түзу арқылы сандардың қосындысын табыңыз:

Мұғалім бағалау жүргізеді.

Көзге жаттығу ұйымдастыру.

Жеке орындауға тест тапсырмасын ұсыну

1. Н нүктесінің координатасын 8 бірлікке өзгерткенде қай нүктеге көшеді?

1.N; 2. L; 3. R; 4. K.

2. Координаталық түзуде С нүктесіінің координатасын табыңыз, егер А(4 + а ); В(4 + (-а)) және С нүктесі АВ кесіндісінің ортасы болса.

1.4; 2. 8; 3. -4; 4. 0.

3. Бастапқыда ауа температурасы 8⁰С, соңынан -5⁰С-қа өзгерсе, ауа температурасының мәнін табыңыз.

1.3; 2. -3; 3. 13; 4. -13.

4. К(-3) нүктесін координаталық түзуде 3 бірлікке, сосын тағы да 5 бірлікке өзгертсе, онда К нүктесі қалай орналасады?

1.оңға қарай 8 бірлік; 2. солға қарай 8 бірлік; 3. оңға 5 бірлік; 4. солға 3 бірлік.

5. Сәйкестікті табыңыз:

0 - 13 + (-27) + 40

-29,8 -12,1 + ( -3,3) + (-14,4)

-1

-13,9 -8 +

6. Координаталық түзуде – 100,5 және нүктелерінен бірдей қашықтықтағы санды табыңыз.

1. -99,35; 2. -99,7; 3. -99,5; 4. -99,45.

Жауаптары: N; 4; 3; оңға қарай 8 бірлік; -99,35.

Оқушылар дайын жауап арқылы өзін – өзі бағалайды.

Сабақты қорытындылау:

• . координаталық түзуде бүтін және рационал сандарды кескіндеу және салыстыру;
• - координаталық түзуде кесіндінің ұзындығын табу;

- рационал сандарды қосуды және азайтуды орындайдау.

Үй тапсырмасы.

№1. Термометр координаттық түзу болады ма? Оны қалай орналастыру қажет: қай жағында теріс мәні

«–» аяз болады, ал қай жағында оң мәні «+» жылы болады?

Рефлексия.

«Светофор» әдісі (қызыл, сары, жасыл түстер) бойынша әр оқушы өз жұмысына баға береді:

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

Оқушының ойлау қабілетін шыңдау барысында өз бетімен орындалатын тапсырмалар ұсынылады.

Жұптық жұмыста бірін-бірі бағалау,өзін өзі бағалау, мұғалімнің бағалауы. Әр жұмыстан кейін кері байланыс жасап отыру.

Көзге жаттығу жүргізу.