Рационал сандарды координаталық түзудің көмегімен қосу. Математика, 6 сынып, сабақ жоспары.

Ұзақ мерзімді жоспар бөлімі:6.1В Рационал сандар және оларға амалдар қолдану

Мектеп:

Тараз қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Каражигитова К.Е.

Сынып: 6

Қатысқандар саны:

Қатыспағандар саны:

Сабақ тақырыбы

Рационал сандарды координаталық түзудің көмегімен қосу

Осы сабақта қол жеткізілетін оқу мақсаттары (оқу бағдарламасына сілтеме)

6.1.2.10

бүтін сандарды координаталық түзу көмегімен қосу және азайтуды орындау.

Сабақ

мақсаты

Оқушылар:

• координаттық түзудің көмегімен рационал сандарды қосу мен азайтуды үйренеді.

Бағалау критерийі

Оқушы:

• координаталық түзуді пайдаланып сандарды қосу және азайту ережесін біледі және пайдаланады.

Тілдік

мақсаттар

Оқушылар:

• рационал сандарға қосу және азайту амалдарын орындауда түсінік береді.

Пәнге тән лексика мен терминология:

• рационал сандар; координаталық түзу; бірлік кесінді; санақ басы;

оң бағыт; теріс бағыт.

Диалог пен жазу үшін пайдалы сөздер мен тіркестер:

• жазуын «а мен b-ның айырмасының модулі» деп оқимыз;
• жазуын «а саны мен b санының модульдерінің қосындысы» деп оқимыз;
• таңбасы бірдей сандарды қосу үшін … керек;
• таңбалары әртүрлі сандарды қосу үшін ... керек.

Құндылықты

дарыту

Оқушылар жұптық жұмыстан қандай нәтиже күтілетінін түсінеді (басқалардың пікірлеріне құрметпен қарау, өз ойларын және пікірлерін талқылау үшін ортаға салу, сұрақ қоя білу және сұраққа жауап беру). «Кездесу» жұптық оқыту әдісі арқылы азаматтық жауапкершілікті қалыптастыру.

Пәнаралық

байланыстар

Координаталық түзуде берілген нүктелердің координаталарын салыстыру кезінде негізі қаланған білімдерді оқушылар 7-сыныпта физика пәнінен өтетін «график осьтерінің координаталарын және кестелерде өлшем бірліктерін дұрыс белгілеуді білу» оқу мақсатын өткенде қолдана алады.

Бастапқы білім

Координаталық сәуле туралы ұғымды білу. Ондық және жай бөлшектерге арифметикалық амалдарды орындай алу. Жай және ондық бөлшектерді координаталық сәуледе кескіндей алу.

Сабақ барысы

Сабақтағы жоспарланған іс-әрекет

• Амандасу. Сыныпты түгелдеу. Оқушылардың сабаққа дайындығын тексеру.
• Үй тапсырмасын тексеру.

Үй жұмысында оқушылар жіберген қателер олардың есінде сақталып қалмау үшін оны түзету, қиындық туғызған есептерге нұсқау жасау, уақытылы кері байланыс беру.

Жаңа сабақты түсіну.

Сыныппен жұмыс:

Психологиялық ахуал. Сабақтың тақырыбымен таныстыру, мақсатын айқындау.

Оқушыларға қажетті білім мен дағдыларды актуалдандыру.

Өтілген материал бойынша оқушылардың алған білімдерін тексеру үшін теориялық сұрақтар, сонымен қатар ойлау мен шапшаңдықты тексеру..

Жеке тақталардың (парақтардың) көмегімен жұмыс.

Әр оқушыға шағын тақталар немесе парақтар таратылады.

Мұғалім оқушыларға бірнеше сұрақтар ұсынады, оқушылар жауаптарын жекелеген шағын тақталарына жазып, топ болып жауаптарын мұғалімге көрсету қажет.

Ұсынылатын сұрақтар:

• Мына сандардың арасында қандай бүтін сан бар:

• Өрнектің мәнін табыңыз:

а)

б)

в)

г)

д)

е)

• Салыстырыңыз:

а)

б)

в)

Мұғалім оқушылардың берген жауаптарын бақылау арқылы оқушылардың барлығының жауаптарының дұрыстығын және өтілген материалды білетіндіктері туралы қорытынды жасайды. Әрбір жауаптан кейін бір оқушы тұрып дауыстап дұрыс жауапты айту міндетті, бұл олардың есту арқылы еске сақтау дағдысына көмектеседі.

Жаңа сабақты меңгеру.

Жұптық жұмыс:

«Бүтін сандарды сандық түзуде қосу» тақырыбында видео қарау. https://bilimland.kz/ru/#lesson=11193

Тақырыпты талқылау. Мұғалім оқушылармен бүтін сандарды сандық түзуде қосуды талқылайды және оқушыларды жетелеу арқылы қорытынды шығарады.

Қорытынды:

Бүтін сандардың қосындысы.Бүтін сан + Бүтін сан = Бүтін сан

Екі бүтін санның қосындысы бүтін сан.Оң бүтін сандардың қосындысы.Оң бүтін сан + Оң бүтін = Оң бүтін

Екі оң бүтін санның қосындысы оң бүтін сан.

Теріс бүтін сандардың қосындысы.Теріс бүтін сан + Теріс бүтін = Теріс бүтін

−a+(−b)=−(a+b)

Екі теріс бүтін санның қосындысы теріс бүтін сан.

Оң және теріс бүтін сандардың қосындысы.

Оң және теріс бүтін сандардың қосындысы оң немесе теріс бүтін сан немес ноль болуы мүмкін.Мысалдар:(−24)+89=89−24=6524+(−89)=−(89−24)=−6524+(−24)=(24−24)=0

Таңбалары әртүрлі бүтін сандарды қосу үшін модулі үлкеннен модулі кішісін азайтып алдына модулі үлкен санның таңбасын қоямыз.

«Бүтін сандарды сандық түзуде азайту» тақырыбында видео қарау. https://bilimland.kz/ru/#lesson=11193

К

Тақырыпты талқылау. Қорытынды:

a−b=a+(−b)a−(−b)=a+b(−a)−b=(−a)+(−b)а бүтін санынан b санын азайту  –b және а сандарын қосу сияқты орындалады.Бүтін сан – Бүтін сан = Бүтін санМұғалім оқушылардың диалогтарға қаншалықты қатысатындығын бақылау жолымен бағалайды.

Жаңа сабақты бекіту.

Жұптық жұмыс:

«Көз түйістіру».

Қатысушылар шеңбер бойына тұрып, төмен қарайды. Мұғалімнің бұйрығымен олар көздерін ашып, біреумен көз түйістіруге тырысады. Егер бұл іске асса, онда сол жұп шеңберден шығады.

Ойын барлық жұптар құрылғанша жалғасады.

№ 1020. Координаттық түзудің көмегімен сандарды қосуды орындаңыз:

а) -1 және 2;

б) 3 және -4;

в) -3 және 6 ;

г) 1 және -5;

д) -5 және 6 ;

е) -3 және -2;

Дескрипторлар:

• Координаттық түзуде нүктелерді дұрыс бейнелейді;
• Координаттық түзуде сандарды қосуды дұрыс орындайды.

№1091

Координаттық түзудің көмегімен сандарды азайтуды орындаңыз:

а) 10-(-3);

б) 12-(-14);

в) -21-(-19);

г) 9-(-9);

Дескрипторлар:

• Координаттық түзуде нүктелерді дұрыс бейнелейді;
• Координаттық түзуде сандарды азайтуды дұрыс орындайды.

Презентациядағы дайын жауаптар бойынша өзін-өзі тексеріп, дескриптор боынша өзін бағалайды.

Сабақты қорытындылау:

Рефлексия.

Тіркесті толықтырыңыз:

«Бүгін мен сабақта ... білдім»

«Бүгін мен сабақта ... үйрендім»

«Бүгін мен сабақта ... таныстым»

«Бүгін мен сабақта ... қайталадым»

«Бүгін мен сабақта ... бекіттім»

Үй тапсырмасы

п.31, № 1039, 1032, 1040, 1042(а).

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы. АКТ-мен байланыстар

Оқушылар сабақ бойы жеке және жұппен жұмыс жасайды.

Жұптық жұмыста өз-өзіне сенімсіз оқушылар анағұрлым өздеріне сенімді оқушылармен жұмыс істеу барысында, тапсырманы орындау жолдарын бақылап, үйренеді. Ашық сұрақтар беріледі, себебі білімі жоғары оқушылар оларды кең ауқымды мағынада түсінеді.

Оқушылардың тапсырмаларды орындауға және диалогтарға қаншалықты қатысатындығын бақылау жолымен бағалау.

Прогресс, жұппен жұмыс кезіндегі жауап реакциясы әр оқушының үлесін бағалау .

Жұптар бір-бірін бағалайды , яғни өзара бағалау болады және өзін-өзі бағалайды.

Сабақты бекіту кезеңінің алдында «көзді демалдыру жаттығуы» жасатылады.