Рационал сандарды координаталық түзудің көмегімен қосу. Математика, 6 сынып, сабақ жоспары.

Ұзақ мерзімді жоспар бөлімі:

6.1В Рационал сандар және оларға амалдар қолдану

Мектеп: НЗМ ХББ Атырау қаласы

Күні:

Мұғалімнің аты-жөні: Шамеденова Л.Х.

Сынып: 6

Қатысқандар саны:

 Қатыспағандар саны:

Рационал сандарды координаталық түзудің көмегімен қосу.

6.1.2.10

бүтін сандарды координаталық түзу көмегімен қосу және азайтуды орындау

Оқушылар:

• координаталық түзуде бүтін және рационал сандарды кескіндеу және салыстыру;
• координаталық түзуде кесіндінің ұзындығын табу;
• рационал сандарды қосуды және азайтуды орындау.

Оқушылар:

• координаталық түзуде бүтін және рационал сандарды кескіндей алады және салыстырады;
• координаталық түзуде кесіндінің ұзындығын таба алады;
• рационал сандарды қосуды және азайтуды орындайды.

Оқушылар:

• берілген бөлімнің математикалық терминологиясын қолданады;
• координатасы рационал сан түрінде берілген нүктелерді координаталық түзуде кескіндеуін сипаттайды.

Пәнге қатысты лексика мен терминология:

• оң сан;
• теріс сан;
• бүтін сан;
• қарама-қарсы сандар;
• рационал сан;
• бүтін сандар жиыны;
• рационал сандар жиыны;
• координаталық түзу.

Диалогқа/жазылымға қажетті тіркестер:

• а санының модулі деп ... аталады;
• координаталық түзуде үлкен (кіші) сан ... кескінделеді;
• екі теріс санның ішінен ... үлкен;
• A(-3) жазуын «координатасы минус 3 болатын А нүктесі» деп оқимыз;
• C(2,6) жазуын «С нүктесінің координатасы екі бүтін оннан алтыға тең» деп оқимыз.

Топтық, жұптық тапсырмаларды орындағанда академиялық әділдікті сақтау, ынтымақтастық құндылықтарын дарыту. және қолдау, өзара жауапкершілікті қалыптастыру.

Бұл бөлімде алынған білім оқушыларға практикалық есептерді сонымен қатар рационал сандарға амалдар қолдану дағдыларды қажет ететін пәндерді жетік меңгеруге ықпал етеді.

Оқушылардың ActiveBoard белсенді тақтаны қолдану дағдыларын қалыптастыру, жетілдіру.

Координаталық сәуле туралы ұғым. Ондық және жай бөлшектерге арифметикалық амалдарды орындай алу. Жай және ондық бөлшектерді координаталық сәуледе кескіндей алу.

Сабақ барысы

Сабақтағы жоспарланған іс-әрекет

Ұйымдастыру кезені.

Бірлескен оқу ортасын құру.

Үй тапсырмасын тексеру:

№1. Рационал сандарды салыстыру ережелерін пайдаланып, дұрыс салыстыру таңбасын қойыңыз:

а) –1 > –2.5;

б) – 2,5 > – 4,5;

в) –1 > – 4,5.

№2. Сөйлемді аяқтап, қорытынды шығарыңыз:

Екі теріс таңбалы сандарды салыстырғанда, модулі кіші сан артық болып саналады.

Оқушылармен бірлесе бүгінгі сабақтың тақырыбын, мақсаттарын анықтаймыз.

Алған білімдерін жүйелеу.

1) Координаталық түзуде -5 және 3 сандары нөлге

қатысты қалай орналасады?

2) -5 санның модулі нешеге тең?

3 санның модулі нешеге тең?

3) Санның модулі дегеніміз не?

4) -5 саны қандай бүтін сандар арасында орналасады?

3 саны қандай бүтін сандар арасында орналасады?

5) Қандай сандарды бүтін сандар деп атаймыз?

6) -5 санына қарама-қарсы санды атаңыз;

3 санына қарама-қарсы санды атаңыз.

7) Қандай сандарды қарама-қарсы деп атайды?

8) -5 және 3; -5 және 0; 3 және 0 сандардын салыстырыңыз.

Жаңа тақырып.

Сыныппен жұмыс.

Ойын ұсыныңыз: Екі оқушыға координаталық түзудің макетін горизонталь қалыпта ұстап тұруды және осы түзудегі мәселен, А(-3) және В(4) «нүктелері» болуды сұраңыз.

Жүргізуші таңдалынады. Сынып мысалдар ұсынады, мәселен, - 3 + 2 және 4 + 2; –3 + (-2) және 4 + (-2); -3 + 5 және 4 + 5; –3 + (-6) және 4 + (-6)). Жүргізуші «нүктелерді» оң (сол) бағытта 2 бірлікке жылжытады, ал оқушылар жауаптарды тақтаға және дәптерге жазады.

Сыныппен талқылаңыз және жалпы қорытындыны жазыңыз.

Рационал сандарды координаталық түзудің көмегімен қосу ережелері.

Координаталық түзудің көмегімен – 4 және 3 сандарының қосындысын табайық:

1) А (–4) нүктесін координаталық түзуде белгілейміз;  

2) оңға қарай 3 бірлік кесіндіге жылжымыз;  

3) В (–1) нүктесін қоямыз.

а санын b бірлікке өзгеруі а санына b санын қосу болып табылады.

Координаталық түзудің көмегімен 2 және 4 сандардың айырмасын табайық:

1) А (2) нүктесін координаталық түзуде белгілейміз;  

2) солға қарай 4 бірлік кесіндіге жылжымыз;  

3) В (–2) нүктесін қоямыз.

• – 4 = 2 + (– 4) =  – 2. 

- Кез келген санға оң санды қосқанда, ол артады.

• Кез келген санға теріс санды қосқанда, ол кемиді.

Координаталық түзудің көмегімен және 1 сандарының айырмасын табайық:

1) А  нүктесін координаталық түзуде белгілейміз;  

2) солға қарай 1 бірлік кесіндіге (4 сызыққа) жылжытамыз;  

3) В нүктесін қоямыз.

2 – 4 = 2 + (– 4) =  – 2. Қарама-қарсы сандардың қосындысы нөлге тең:

a + ( - a) = 0;3 + (–3) = 0;         7 – 7 = 0.    Санға нөлді қосқанда, сол санның өзі болады: 

a + 0 = a;5 + 0 = 5;         9 – 0 = 9.

Жұптық жұмыс.

№1. Қай суретте 5 – 7 амалы дұрыс көрсетілген:

Жауабы: 3 сурет

№2. Координаталық түзудің көмегімен

а) А және В нүктелерінің координаталар қосындысын табыңыз;

б) А және С нүктелерінің координаталар қосындысын табыңыз.

Жауабы: - 5; - 2.

Дескриптор: Білім алушы:

• координаталық түзуде кесіндінің ұзындығын таба алады;
• рационал сандарды қосуды және азайтуды орындайды.

Жұптар арасында өзара бағалау жүргізіледі.

Жеке практикалық жұмыс.

№1. Қосу амалы көмегімен жазыңыз:

А (3) нүктесі солға 5 бірлікке жылжиды.

В (4) нүктесі оңға 2 бірлікке жылжиды.

С (-3) нүктесі оңға 3 бірлікке жылжиды.

D (-7) нүктесі солға 4 бірлікке жылжиды.

№2. Бос орынды толтырыңыз:

- 3 + … = 4

4 + … = - 2

- 1 + … = - 4

«Карусель» әдісі бойынша бірін – бірі бағалау жүргізіледі.

Шағын топта ТАРСИЯ құрастыруды ұсыну:

Дайын жауаптары арқылы топтар арасында өзара бағалау жүргізіледі.

Сабақты қорытындылау:

• координаталық түзуде бүтін және рационал сандарды кескіндеу және салыстыру
• координаталық түзуде кесіндінің ұзындығын табу;
• рационал сандарды қосуды және азайтуды орындау.

Үй тапсырмасы.

№1. Координаталық түзудің көмегімен

а) С және В нүктелерінің координаталар қосындысын табыңыз;

б) С және А нүктелерінің координаталар қосындысын табыңыз.

Рефлексия.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

Сабақ үрдісінде ұсынылған тапсырмалар біртіндеп күрделеген. Көмек қажет оқушыларға сабақты жетік меңгерген оқушылардан көмек ұйымдастыру.

Жұптық жұмыста бірін-бірі бағалау,өзін өзі бағалау, топтық жұмыста өзара, мұғалімнің бағалауы. Әр жұмыстан кейін кері байланыс жасап отыру.

Оқушылар ТАРСИЯ құрастырған кезде, тапсырмалар орындаған кезде емін еркін қозғалыста болуына көңіл аудару..