Бекіту / Көлдер. Математика, 3 сынып, қосымша материал.

Тақырып: 138-сабақ. Бекіту / Көлдер

Оқу мақсаттары: 3.1.2.13 бөліндінің бір разрядында нөл болатын кезде үш таңбалы санды бір таңбалы санға бөлу алгоритмін және кері амал алгоритмін қолдану

3.2.1.5 әріпті, санды өрнектерді (үш амалдан артық) салыстыру

Тірек сөздер:

• бірлік
• ондық
• жүздік
• көбейту алгоритмі
• бөлу алгоритмі.

Ресурстар:

• Қазақстан көлдерінің суреті
• карточкалар
• баалықтар суреттері
• тақта, үлестірмелі материалдар
• жұлдызша
• смайликтер
• сигналды карталар
• тапсырма жазылған қима қағаз
• оқулық
• өрнектер жазылған қима қағаз
• кесте
• есеп макеті
• шаблондар
• орындық
• сызба

Сабаққа қатысты деректі материалдар

• . Бұл сабақта оқушылар екі таңбалы сандарды

бір таңбалы санға баған түрінде жазып көбейтуді

меңгеруі тиіс.

• . Бірліктерді көбейтіп, бірліктердің астына

жазамын.

• Ондықтарды көбейтіп, ондықтардың астына

жазамын..

Сабаққа арналған ескертулер

Сабақтың басында оқушылар көбейтудің

компоненттерін түсінгенін тексеру

ұйымдастырыңыз. Ол үшін көбейту

компоненттерінің қалай аталатынын, белгісіз

көбейткішті қалай табуға болатынын сұраңыз

Ынталандыру.

 «Қос шеңбердегі комплименттер» әдісін қолданыңыз.

 Оқушылар екі шеңберге (ішкі және сыртқы) бірігіп, бір-біріне жүзін қаратып тұрады. Ішкі және сыртқы шеңберде бір-біріне бет қаратып тұрған оқушылар кезектесіп бір-біріне комплимент айтуы керек. Содан кейін ішкі шеңбердегілер оң жаққа бір адым жасап, алдында алмасып тұрған басқа оқушымен комплименттермен алмасады.

Оқушылармен көлдер туралы әңгімелесіңіз.

- Көлдер туралы не білесіңдер?

- Қазақстанда қандай көлдер бар?

Көлдер: Балқаш, Алакөл, т.б.туралы әңгімелеңіз, суреттермен таныстырыыңыз.

Өзектендіру.

1-тапсырма

Өрнектердің мәнін тауып, өсу ретімен орналастырып, емдік қасиеті бар көлдің атауын анықтауды ұсыныңыз.(Алакөл)

154∙5=770 580:4=145

740.4=185 145∙6=870

235∙4=940 350:2=175

"Отшашу"арқылы бағалауды ұсыныңыз.

Оқушылар орындарынан тұрып,еңкейген қалпында шапалақ ұрады, бойларын бірте-бірте көтерген күйі шапалақ соғуды жалғастырады.Соңында тік тұрған бойы үздіксіз шапалақ соғады.

Мақсат қою (проблемалық жағдаят)

Қандай жаңа жазбаша көбейту және бөлу алгоритмдерін үйрендік?

Бұл алгоритмдерді есептеуде, есептер шығаруда қолдана аласыздар ма?

Бүгінгі сабақта бұл алгоритмдерді қолданатын боламыз. Оларды барлығыңның меңгергендеріңді тексереміз.

Бүгінгі сабақтың мақсаты қандай?

Оқушылар сабақ мақсатын анықтайды.

2 -тапсырманы орындамас бұрын талдау жасап,қысқаша шарт жазуды тапсырыңыз.

а)Көлде демалушылардың 126-сы әйел адамдар,115-і-ер адамдар.Демалған балалар ер адамдардан 4 есе артық.Көлде барлығы неше адам демалып жүр?

Қысқаша жазылуы:

Әйел адамдар-126

Ер адамдар-115

Балалар-?, 4 есе артық

Барлығы-?

115∙4=460 б.

126+115+460=701ад

Жауабы: көлде барлығы 701 адам демалып жүр.

(Ө.) 3-тапсырма

Баған түрінде жазып, есептеп, дұрыстығын тексеру

135∙2=270 125∙4=500

370:2=185 774:6=129

Жұмыстарын тексеріп, смайликтермен бағалаңыз.

Қиындықтарды түзету

Тапсырманың орындалу дұрыстығын тексеру.

– Кімде қиындық туындады?

– Ққай жерде қателік жіберілді?

– Жіберілген қателіктің себебі неде?

– Өзіндік жұмыс кезінде қиындық туындамаған балалар өз іс-әрекетіңіздің мақсатын құрастыру.

(Қосымша тапсырманы орындау).

– Қиындық туындаған балалардың алға қойған мақсаты қандай?

(Қатені түзету).

– Қателерді түзету алгоритмін қолдану.

– Әркім өзінің оқу мақсатын айтады.

Дәптермен жұмысқа формативті бағалауы бар тапсырманы орындатыңыз..

5-тапсырманы «Ойлан, бірік, жұптас» әдісі бойынша жүргізіңіз.

Сызба бойынша өрнектер құрастырып, олардағы амалдардың орындалу ретін атауын және мәнін табуын сұраңыз.Оқушылар жұпта талқылай отырып орындайды.

175∙4=700 225∙4=900

115∙6=690 114∙5=570

870:6=145 920:8=115

690:5=138 390:2=195

Жұпта бағалау

Жұптар бір-бірінің жұмысын тексеріп,жұлдызшамен бағалайды.

Өткенмен жұмыс.

Өзіндік жұмыста есептеу тәсілдерінен қателік жібермеген оқушылар оқулықтағы 4-7-тапсырмаларды орындауға көшеді. Ал қателіктер жіберген оқушылар дәптердегі тапсырмаларды немесе карточкалардағы қосымша материалдарды орындап, алгоритмді нақтылайды.

4-тапсырманы "Галереяға саяхат"әдісін пайдаланып орындатыңыз.

Оқушылар топта жұмыстарын жасап болған соң тақтаға, сыныптың қабырғаларына іледі де, топ болып галереяға саяхат жасап, басқа топтардың жұмыстарын бағалайды.Есепке талдау жүргізіңіз, қысқаша шарт құрғызыңыз.

а) Көлде демалушылардың 330-ы теплоходпен, ал олардан 2 есе кем адам желкенді қайықпен серуендеді. Көлде барлығы неше адам теплоходпен және желкенді қайықпен серуендеді?

Қысқаша жазылуы:

Теплоходпен-330ад.

Желкенді қайықпен-?,2 есе кем

Барлығы-?ад

Шешуі:330+(330:2)=495ад.

Жауабы: барлығы 495 адам серуендеді.

Сергіту сәтіне "Қошемет" тренингін жүргізіңіз.

Оқушылар шеңберге жиналады, жүргізуші "Шашы ұзын қыздарға қошемет дегенде "ортаға шашы ұзын қыздар шығады, қошемет көрсетіп, барлығы шапалақ ұрады.Әрі қарай "Галстук таққандарға қошемет", "Белбеу таққандарға қошемет", "Көзілдірік таққандарға қошемет" деген коментарийлер айтылып, қошемет жасалады.

) 8-тапсырма

Үш бағанды үш топқа бөліп беріңіз.Амалдардың орындалу ретін анықтауын сұраңыз және өрнектердің мәнін табуды ұсыныңыз..

660:5+530=662 215∙2-(847-462)=45

920:8+405=520 245∙4-(97+487)=396

750:2+317=692 670:5+(76+376)=586

580:4+209=354 115∙8-(77+245)=598

(567-398)-640:5=41

(1000-876)+355∙2=834

(701-36)660:5=533

1000-390:2=805

"Елшілік "әдісі арқылы бағалауды тапсырыңыз

Әр топтан бір оқушы елшілікке сайланып, басқа топтарға барып, жұмыстарын тексеріп, бағалап, өз тобына оралып, баяндап береді.

7-тапсырма

Сызба бойынша өрнек құрастырып, амалдардың орындалу ретін анықтауға тапсырма беріңіз.Мәнін табуды айтыңыз.

750:6=125 118∙5=590

125∙2=250 250+590=840

Жұмыстарын тексеріп,бармақ арқылы бағалаңыз.

Тапсырма дұрыс болса, бармақ жоғары қарай, қате болса, бармақ төмен қарай бағытталады.

9-тапсырма

Зерттеуді талап етеді.Бұл тапсырманы орындауда оқушылардың назарын кілттік сөздерге аударыңыз:

• Балалар балықтардың қандай түрлерін аулады? (таутан, алабұға, мөңке)
• Тікенекті жүзбеқанат қандай балықтарда бар? (алабұға, таутан)
• «Тікенекті жүзбеқанаты бар бірде-бір балық ауламады» деген сөйлем нені білдіреді? (Алабұғаны да, таутанды да ауламады.)

Арман,Болат және Қайсар көлденқармақпен балық аулады.Олардың әрқайсысы не таутан, не мөңке, не алабұға аулады.егер төмендегілер белгілі болса, онда олардың әрқайсысы қандай балық аулады?

1) алабұға мен таутанда тікенекті жүзбеқанат бар,ал мөңкеде жоқ;

2) Армен тікенекті жүзбеқанаты бар бірді-бір балық ауламады;

3) Болат арманның аулаған балықтарына қарағанда 2 алабұға артық аулады;

Егер Арман 3 балық ауласа, ал барлық балық 10-нан кем болса, онда балалардың әрқайсысы неше балықтан аулады?

Арман-3 мөңке балық

Болат-2 алабұға, 3 мөңке

Қайсар-1 таутан

Тапсырмаларын тексеріп,"Бағдаршам" арқылы бағалауды ұсыныңыз

Оқушылар бағдаршам көзіне сәйкес сигналды карталарды көтеру арқылы бағалайды.

Жасыл түс- "Түсіндім"

Сары түс-"Сұрағым бар"

Қызыл түс- Түсінбедім

Сабақтың тақырыбы бойынша сұрақтар құрастыр.

• Әр жаңа сабақта немесе бекіту сабағында оқушылар сұрақтар құрастырады. Бұл тақырыпты ұғынып, дұрыс қабылдауға мүмкіндік береді. Оқулықта берілген сөздермен сұрақтар құрастыру керек. Мына тәсілдерді қолдануға болады:

"Авторға сұрақ"әдісі

Бір оқушыны автор орындығына отырғызып, оқушылар бүгінгі сабаққа қатысты сұрақтар қояды.Автор-оқушы жауап береді.

Рефлексия.

Сабақ соңында көңіл-күй бет-әлпеті салынған суреттермен рефлексия жасатыңыз.