Әлібек – әдепті бала № 3. Қазақ тілі (орыс сыныбы), 3 сынып, дидактикалық материал.

Дидактикалық материалдар

Тыңдалым мәтіні

«Әдептілік» Бір күні ғалым мен бай сөйлесіп тұрады. Қастарынан бір жарлы адам өтіп бара жатып, ғалымға басын иіп сәлем береді.

Ғалым басын одан да төмен иіп сәлемдеседі. 

Қасындағы бай: - Тақсыр, біліміңіз бар ғалымсыз. Жарлы адамға соншалық иіліп сәлемдесуіңіздің мәні қалай? - деп сұрайды. 

Сонда ғалым: Ешбір ғылым - білім үйренбеген ол кісі әдептілік көрсеткенде, мен одан әдепсіз болып көрінсем, лайық па? - деген екен. 

Ы. Алтынсарин 

Таратпа материалдар

Сергіту сәті

Қолды алға созайық,

Қайшы кескен болайық.

Бір, екі, үш, төрт,

Бір, екі, үш, төрт.

Енді еркін тыныстап

Демалайық дұрыстап.

Бір, екі, үш, төрт,

Бір, екі, үш, төрт.

Оқылым мәтіні

Әлібек пен Марат киноға барады. Үйлеріне автобуспен қайтты. Келесі аялдамадан автобусқа әжей мінді. Марат орын бермеді. Әлібек орнынан тұрып:

- Әже, мына жерге отырыңыз! – деді.

Әжей Әлібекке:

- Өркенің өссің, балам! Әдепті бала екенсің! – деп, алғыс айтты.

Қолдануға болатын суреттер (әдепті/әдепсіз)