Мезгілді сипаттап жазу. Қазақ тілі (орыс сыныбы), 2 сынып, сабақ жоспары.

Ұзақ мерзімді жоспар бөлімі:

7-бөлім «Табиғат және қоршаған орта»

Мектеп: Талдықорған қаласының физика-математика бағытындағы Назарбаев Зияткерлік мектебі

Мұғалімнің аты-жөні: Бердібаева А.М.

Күні:

Сынып: 2

Қатысқандар саны:

Қатыспағандар саны:

Сабақтың тақырыбы

Мезгілді сипаттап жазу

Осы сабақта қол жеткізілетін оқу мақсаттары (оқу бағдарламасына сілтеме)

2.4.2.1 Сипаттау сөздері мен сөз тіркестерін пайдаланып, жай сөйлемдерді жазады

Сабақтың мақсаттары

Барлығы: тақырыпқа байланысты сипаттау сөздерді жазады.

Көбі: жай сөйлем құрап жазады, сипаттау сөздерді жазуда орынды қолданады,

Кейбірі: көлемді сипаттау мәтінін жазады,басқа жыл мезгілдерімен салыстырады.

Жетістік критерийлері

Сөйлемдегі сөздердің орын тәртібін біледі

Сипаттау сөздерін қолдана алады

Сөздік

Төрт мезгіл бойынша өткен сөздерді еске түсіру, сөйлемде қолдану

Құндылықтарды дарыту

Қоршаған ортаға деген сүйіспеншілік сезім, денсаулықты шыңдау.

Пәнаралық байланыс

дүниетану

АКТ қолдану дағдылары

Компьютерде мәтінді теріп жазады.

Бастапқы білім

Жыл мезгілі –идеялар жинау

Сабақ барысы

Сабақтағы жоспарланған іс-әрекет

Сабақтың мақсатымен таныстыру

Мезгілді сипаттап жаза аламын.

(Ұ) Шеңберге тұрып, төрт мезгіл туралы бір сөйлем айтады, келесі тұрған оқушы қай мезгіл екенін анықтайды. Мысалы, қар жауады.

.

(Ұ) Вивалдидің «Төрт мезгіл» шығармасынан үзінділер тыңдату. Өздеріне ұнайтын мезгілдер туралы сөздерді парақшаларына жазады. Жазған сөздерімен бөліседі және сыныптың тізіміне қосады.

(МК) Бірлесіп жазу.

• Бір таңдап алған мезгіл туралы бірнеше сөйлемнен тұратын қысқа сипаттаманы жазудың үлгісін көрсету.
• Қажетінше, зат есім, етістік және сын есімдерге тоқталу.
• Сөздер тізімін қолдану
• Пунктуацияны (нүкте, бас әріп, сұрақ белгісі, леп белгісі және үтірді) оқушылармен бірлесе отырып белсенді қолдану.

Сергіту сәті

Ендi бiз демаламыз,

Айналаны шоламыз.

Қол-аяқты кезекпен,

Оңға-солға созамыз.

Күн шыққанда сүйiнiп, 

Бәйшешектей иiлiп,

Бiз тынығып аламыз.     

Жиi-жиiжаттығып,

Үлкен кiсiболамыз.

(Ө, Қ) Мезгілге байланысты суреттерді сипаттап жазады.

(Т, Қ) Бағытталған жазу

Оқушылардың төмендегідей дағдыларын бағалау:

• мезгілдің қысқаша сипаттамасын жазу/сөздерін талдау;
• қарапайым сөйлемдерді жазу/сөздерін талдау;
• дыбыстау тәсілдерін қолданып жаңа сөздерді дыбыстап айту;
• сұрақ белгісін , леп белгісін және үтірді, сондай-ақ нүкте мен бас әріптерді қолдану.

(Ұ) Қалаулары бойынша бір-екі оқушы сипаттамаларын сыныпқа оқиды, ал оқушылар пікір айту арқылы бағалайды.

Дифференциация:

қабылдау деңгейі жоғары оқушылар көлемді сипаттама жаза алады/мезгілдерді салыстыра алады;

қабылдау деңгейі орташа оқушылар үйренген негізгі сөздерін өздерінің суреттері туралы сөйлемдерді құруға қолданады.

Рефлексия

«Бағдаршам» әдісі

Жасыл түс – толық түсіндім

Сары түс – сұрақтарым бар

Қызыл түс - түсінбідім

Бағалау – оқушылардың материалды меңгеру деңгейін тексеру жоспарыңыз?

Бірнеше тапсырмаларды жоспарлау кезінде олардың бір-бірімен байланысты болуына баса назар аударамын. Мысалы, бірінші тапсырмада ақпарат берілсе, келесі тапсырманы сол алған ақпараттарды қолдануға құрамын.