Мезгілді сипаттап жазу (4-сабақ). Қазақ тілі (орыс сыныбы), 2 сынып, сабақ жоспары.

Пән: Қазақ тілі (Т2)

Ұзақ мерзімді жоспар бөлімі: 7. Қоршаған орта

Күні:

Сынып: 2 С

Мектеп: Көкшетау қ. ФМБ НЗМ

Мұғалімнің аты-жөні:

Қатысқандар саны:

Қатыспағандар саны:

Сабақ тақырыбы

Мезгілді сипаттап жазу (4-сабақ)

Осы сабақта қол жеткізілетін оқу мақсаттары (оқу бағдарламасына сілтеме)

2.5.1.3 мұғалімнің көмегімен сөйлемдегі етістіктің шақтарын, бұйрық райдың болымды, болымсыз формаларын ажыратып, ауызша сөйлеу тілінде қолдану.

Сабақ мақсаттары

Барлық оқушылар: мұғалімнің көмегімен болымды, болымсыз формалы етістіктерді ауызша сөйлеу тілінде қолданады.

Көптеген оқушылар: болымды, болымсыз формалы етістіктерді ауызша сөйлеу тілінде қолданады.

Кейбір оқушылар: болымды, болымсыз формалы етістіктерді ауызша сөйлеу тілінде еркін қолданады.

Бағалау критерийлері

Сөйлеу барысында болымды және болымсыз формалы етістіктерді қолданады.

Тілдік мақсаттар

Жыл, төрт баласы, қатал, мейірімді, көңілді, алтын, бай

Құндылықтарды дарыту

Құрмет көрсету

Пәнаралық байланыстар

Дүниетану

АКТ қолдану дағдылары

Презентация

Бастапқы білім

Жыл мезгілдері туралы мәтіннің мазмұнын айта алады.

Сабақ барысы

Сабақтағы жоспарланған іс-әрекет

(Ұ) Қызығушылықты ояту. «Дұрыс/бұрыс» ойыны. Оқушылар сөйлемдерді тыңдай отырып, дұрыс/бұрыстығын ажыратады.

• Көктемде көп қар жауады.
• Жазда күн ыстық болады.
• Қыста қар ериді.
• Күзде жапырақтар сарғаяды, ал күн ыстық болады.
• Жазда күн суық болады және жидектер піседі.
• Қыста құстар ұшып келеді.

Оқушыларды сабақтың тақырыбы және мақсатымен таныстыру.

(Ұ) «Жұбын тап!» ойыны. Оқушылар кездейсоқ таңдау арқылы сөз орамдарын алып, ілулі тұрған сөздердің біреуімен сәйкестендіреді және өз ойын дәлелдейді. Өздігінен мысалдар келтіріп көреді.

Тапсырманың мақсаты – оқушылардың айтылым дағдысын дамыту, болымсыз формалы етістіктерді еске түсіру.

(Ж) «Мен білемін!» Оқушылар жұптасып, берілген мәтіндегі көп нүктелердің орнына тиісті сөздерді қойып жазады. Жұмыстарын шағын топтарда тексеріп, салыстырады.

Тапсырманың мақсаты – болымды және болымсыз формалы етістікті ажыратып, іс-жүзінде қолдану.

Жыл мезгілдері – көктем, жаз, күз және қыс. Қыста жаңбыр ...................., өйткені қыста ақ қар ................ Жазда күн ыстық ........................, ал қыста күн ыстық .....................

Күзде құстар .........................., ал көктемде құстар .............................. Көктемде жапырақтар ...................., өйткені көктемде жасыл жапырақтар шығады. Көктемде жемістер мен көкөністер ...................., өйткені жемістер мен көкөністер күзде ...................

Қажетті сөздер: жауады / жаумайды, болады/ болмайды, ұшып кетеді/ ұшып кетпейді, сарғаяды/ сарғаймайды, піседі/ піспейді.

Кері байланыс. «Бағдаршам» арқылы жұмысына кері байланыс жасайды.

Жасыл түс – жеңіл болды

Сары түс – аздап қиын болды

Қызыл түс – қиын болды.

(Ө) «Ойлан, жаз». Оқушылар болымды және болымсыз формалы етістіктерді пайдаланып, берілген тапсырмалардың бірін орындайды. Тапсырмалар қиындық деңгейіне сай сараланған.

Тапсырманың мақсаты – оқушылардың жазылым дағдысын дамыту, болымды және болымсыз формалы етістіктердің тәжірибеде қолдануын пысықтау.

ІІІ Жақшадағы сөздердің біреуін таңдап, сөйлемдерді көшіріп жаз.

Қыста жылы жаңбыр (жауады, соғады, соқпайды, жаумайды).

Көктемде құстар (ұшып келеді, ұшып келмейді, ұшып кетеді).

Жазда түндер ұзақ (болады, болмайды, жылынады).

Күзде күн (жауады, жылынады, жылынбайды).

ІІ Сөйлемдерді аяқтап жаз.

Көктемде құстар ұшып келеді, ал күзде ............................

Жазда күн ыстық болады, ал қыста ыстық ...............................

Қыста жылы жаңбыр ..............................., ал жазда .............

Күзде жапырақтар ..................................., ал жазда ...............

І Жыл мезгілдері туралы сөйлемдер құрастыр. (Мысалы, ......жауады, ал .......жаумайды.)

Дескриптор:

• сөйлемдерді дұрыс құрастырады;
• сөйлемдерді бас әріптен бастап жазады;
• сөйлем соңына тиісті тыныс белгісін қояды;
• қатесіз жазады.

Рефлексия. «Жетістік баспалдағы» арқылы сабақтағы жұмысын қорытындылайды.

Саралау –оқушыларға қалай көбірек қолдау көрсетуді жоспарлайсыз? Қабілетіжоғарыоқушыларғақандайміндетқоюдыжоспарлапотырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ бойынша рефлексия

Жалпы баға

Сабақтың жақсы өткен екі аспектісі (оқыту туралы да, оқу туралы даойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?