Отбасының берекесі бәрінен де қымбат. Дүниетану, 3 сынып, қосымша материал.

Сабаққа арналған әдістемелік нұсқаулар

• «Алтын шеңбер» стратегиясы (ұжымда)

Талқылау кезінде оқушылардың назарын рухани құндылықтарға аудартыңыз.

Рухани құндылықтар:

• жауапкершілік,

• сүйіспеншілік,

• кешірім,

• отбасына қамқорлық жасау және қызмет көрсету,

• шыдамдылық,

• өзара түсіністік,

• құрмет,

• қарым-қатынас,

• қолдау,

• адалдық және шынайылық,

• сенім және т.б.

• «Бақыт деген не?» (жеке, ұжымда)

Оқушылардың жауаптарына негіздей отырып, тақтада "бақыт" сөзіне қатысы бар барлық ұғымдардың тізімін жасаңыз. Оларды маңыздылығы бойынша сұрыптауды сұраңыз. Мысалы: демалыс, мансап, отбасы, балалар, ақша және т. б. "Отбасы бақыты" ұғымын енгізіңіз. (Отбасы мүшелерінің барлығы бір-бірін жақсы көретін, құрметтейтін және бағалайтын отбасыны бақытты деп санауға болады).

• Рөлдік ойында оқушыларға сахналауды бағалау критерийін дайындау ұсынылады. Оны дайындауда қиындық туса оқушыларға келесі бағалау критерийлерін ұсыныңыз: "тақырыпты ашу", "өзектілік", "әртістік", "ерекшелік", "тартылу", "уақытты тиімді пайдалану".
• Шығармашылық тапсырма (жұпта)

Оқушыларға «Отбасылық бақыт құпиясы» тақырыбында постер-кластер құруды ұсыныңыз. Сабақта тапсырма негізгі болып табылады, сондықтан оқушыларға осы тақырып бойынша барлық білім мен тәжірибені қолдану қажеттілігі туралы еске салыңыз. Олармен бағалау критерийлерін талқылаңыз: бақытты отбасы белгілерін анықтайды. Барлығы "белгілер" сөзінің мағынасын түсінгеніне көз жеткізіңіз. Бағалауды "Галерея" стратегиясының көмегімен жүргізіңіз: барлық постерлер сынып бөлмесінің қабырғаларына ілінеді және оқушылар стикерлермен кері байланыс қалдырады. Бағалау қорытындысын шығарып, бақытты отбасы белгілерін көрсететін үздік жұмыстарды атаңыз.

• Рефлексияға арналған тапсырманы оқушылар жеке орындайды. Ол үшін дидактикалық материалдан дайын үлгіні таратыңыз. Тапсырманы орындау алдында жақсылап ойлануды сұраңыз. Кейін кестені толтырады. Оқушылардың рефлексия нәтижелерін келесі сабақты жоспарлау кезінде ескеріңіз.

• Пайдалы сілтемелер

https://bilimland.kz/kk/courses/education-movies/tema-klassnogo-chasa/lesson/biz-birgemiz

https://bilimland.kz/kk/courses/education-movies/tema-klassnogo-chasa/lesson/qazaqstan-xalqy-assambleyasy

Отбасы туралы ән-жыр:

https://yandex.kz