Табиғи жағдайлар және адамның іс- әрекеттері. Дүниетану, 3 сынып, қосымша материал.

Сабақты ұйымдастырудағы әдістемелік нұсқаулар

• Топқа бөліну

Оқушылар туған күндері мен айларының кему ретімен қатар қатарға тұруы тиіс. Тапсырма шарты бойынша дауыстап сөйлесуге болмайды. Топқа бөлінудің бұл әдісі оқушылардың қаншалықты бір-бірін жақсы біліп түсінісетінін көрсетеді. Егер де тапсырманы орындауда қиналса, онда оқушыларға бір-бірімен жақсы араласып, бір-бірлері туралы көбірек білу қажеттігі туралы сөз еткен жөн. Тапсырма оқушыларға еркін атмосфера, жайдары көңіл-күй сыйлайды. Сондықтан сабақтың басы ретінде өте тиімді әдіс боп саналады.

• «Гүл сыйлау» стратегиясы

Жасанды гүлді қолыңызға алып бір сұрақ қойыңыз. Сұрақтың жауабын тыңдау үшін өзіңіз таңдаған оқушыға гүлді сыйлаңыз. Оқушы жауап бергеннен кейн тақтадан (не өзі құрастырған) сұрақты қойып, өзі таңдаған оқушыға ұсынады. Осылайшы ойын жалғаса түседі. Тақырыпты қайталау, бекіту кезеңдерінде аса оңтайлы тәсіл.

• Картамен жұмыс істеу оқушыларға халықтың әртүрлі қоныстану себебін анықтауға мүмкіндік береді. Халықтың әртүрлі қоныстануының себебі, табиғи климаттық жағдайларға байланысты екенін тапсырмалар арқылы түсіндіріледі. Оқушылар табиғи климаттық жағдайларға байланысты халық шаруашылығының әртүрлі болатынына көз жеткізеді. Бұл сабақта картамен жұмыс істеу барысында оқушылардың функционалдық сауаттылықтары дамиды. Физикалық картамен жұмыс сабақта алынған білімді бағалауға септігін тигізеді.

• «Екі жұлдыз, бір тілек» стратегиясын ұйымдастырудың тағы бір жолы: топтар бір-бірінің жұмысын бағалап екі сәтті және бір дамытуды қажет ететін аймағын айтады.

Пайдалы сілтемелер: