Жаңбыр. «Жаңбыр жауды» Н. Әлімқұлов. «Нөсер» А.Сопыбеков. Әдебиеттік оқу, 3 сынып, нұсқаулық.

Бөлім: Су- тіршілік көзі

Сабақтың тақырыбы: Жаңбыр. «Жаңбыр жауды» Н. Әлімқұлов. «Нөсер» А. Сопыбеков Оқу мақсаттары:

3.2.8.1 эпизодтерді салыстыру, сюжеттің дамуындағы өзгерістерді анықтау

3.1.5.1 өз ойы мен сезімін көркем-бейнелі сөздерді қолдана отырып жеткізу

Сабақ мақсаттары:

• өлеңдерді мәнерлеп оқиды
• сюжеттің дамуындағы өзгерістерді анықтайды;.
• өлеңнен көркем бейнелі сөздерді табады;
• өз ойын көркем бейнелі сөздерді қолданып жеткізеді.

Бағалау критерийлері:

• өлең мазмұнын түсінеді;
• екі өлеңнің мазмұнын салыстырады, өзгерістерді анықтайды;
• өз ойын көркем бейнелі сөздерді қолданып жеткізеді.

Қажетті ресурстар: Қосымша 1, 2; презентация; оқулық, 90-92 беттер.

Мұғалімге арналған ұсыныстар

І. Сабақтың басы

Ширату тапсырмасы

https://www.youtube.com/watch?v=msSIH7WNuJA

Бейнероликті 0,33 секундынан бастап көрсету ұсынылады.

• Жаңбыр туралы не білесіңдер?
• Оның қандай пайдасы мен зияны бар?

Сабақтың тақырыбы мен мақсатын таныстыру. Бағалау критерийлерін оқушылармен бірлесіп құрастыру немесе мұғалім дайын критерийді беру ұсынылады.

ІІ. Сабақтың ортасы

1- тапсырма. (Ж,ЖЖ) Н. Әлімқұловтың «Жаңбыр» өлеңін мәнерлеп оқу. Өлең жолдарынан көркем сөздерді тауып белгілеу.

Оқушылар өлеңді оқу барысында түсініксіз сөздердің мағынасын сөздіктен табады, дәптерлеріне жазып алады. Белгілеген көркем сөздерді жұпта оқиды, ой бөліседі.

(Б) «Қошеметтер бұрқасыны» әдісі арқылы өзара жұпта бағалайды.

Топтасу. Берілген түрлі-түсті қима сөздердең сөйлем құрастыру арқылы 6 топқа бірігеді.

Ақ жаңбыр — бірқалыпта толассыз ұзақ жауатын жаңбыр.Қара жаңбыр — күзгі қалың жаңбыр.Нөсер — төгіп-төгіп жауып, тез аяқталатын будақ жаңбыр.Өткінші жаңбыр — аспан күмбезі көшпелі ала бұлттанып, тез жауып өтетін жаңбыр.Соқыр жауын — күн кезі шығып тұрғанда жауатын ұсақ тамшылы өткінші жаңбыр.Сылбыр жаңбыр — желсіз күнгі жай жаңбыр

2 –тапсырма

(Ж, Т) А. Сопыбековтың «Нөсер» өлеңін жеке түсініп оқиды. Екі өлеңді салыстырып, кестені толтырады.

Үлгі:

(Б) «Бағдаршам» әдісі арқылы топтар бірін-бірі бағалайды.

3- тапсырма.

(Ж) Өлең жолдарын өз сөзімен жеткіз.

Үлгі:

• Жаңбырға қатысты: Жаңбыр себелеп жауды.
• Бұлтқа қатысты: бұлт аспанды қаптады.
• Тамшыға қатысты: тамшы жерге секірді.
• Шыққа қатысты: шық гүлге қонды.

4-тапсырма.

(Ж) «Жаңбыр жауды» атты мәтін құрастыру.

Алдыңғы тапсырмадағы сөйлемдерді пайдаланып, мәтін құрастырады.

(Б) дескрипторлары:

1. Мәтін тақырыпқа сәйкес келеді.

2. Көркем-бейнелі сөздерді қолданады.

3. Мәтіннің құрылымы сақталған.

4. Тапсрыма ұқыпты, қатесіз орындалған.

Саралау: үлгерімі төмен оқушыларға қажет болған жағдайда мұғалімнің қолдауы көрсетіледі

ІІІ. Сабақтың соңы

Рефлексия

Рефлексия «Табыс сатысы». Оқушылар өздерін «Табыс сатысының» қай баспалдағында орналасқанын ауызша айтып кетеді, себебін түсіндіреді.