Жақсы деген немене, жаман деген немене? 3 сынып

Тарау: Жақсыдан үйрен, жаманнан жирен

Сабақ тақырыбы Жақсы деген немене, жаман деген немене?

Оқу мақсаттары

3.1.5.1 өз ойы мен сезімін көркем-бейнелі сөздерді қолдана отырып жеткізу

3.2.4.1 мақал-мәтел, жұмбақ, ертегі, тұрмыс-салт жырлары, әңгіме, өлеңнің жанрлық ерекшеліктерін анықтау

Сабақ мақсаттары

Барлық оқушылар: шығарманың жанрлық ерекшелігін анықтай алады;

Көпшілік оқушылар: көркем -бейнелі сөздерді қолдана отырып,өз ойын жеткізеді;

Кейбір оқушылар: көркем – бейнелі сөздерді қолдана отырып, өз йын айтады, мысалдар келтіріп дәлелдейді.

Бағалау критерийлері

Көркем -бейнелі сөздерді қолдана отырып,өз ойын жеткізеді

Жанрлық ерекшеліктерін анықтайды

Сабақ барысы

Сабақтың басы

Ширату тапсырмасы

«Мен қандаймын» ойыны.

Мақсаты: Адам бойындағы жақсы қасиеттерді айту.

Ойын барысы: балалар шеңберге тұрып, бір - біріне допты беріп, сол бала жайлы пікірін айтады.

Мысалы: Айгүл, сен әдемі, ақылды қызсың.

Қанат сен тәртіпті, ұқыпты баласың.

Топқа бөлу: «Қимылды көрсет» ойыны

Мұғалімнің нұсқаулығымен оқушылар әр түрлі қимылдарды көрсетеді.

1.«Адамдар» дегенде барлығы жүреді,

2.«Үй» дегенде 2 адамнан үй жасап тұрады,

3.«Тұрғын» дегенде үй ішіне 1адам кіреді.

4.«Қонақ» дегенде 5 адамнан қол ұстасып тұрулары керек.

5.Осы қонаққа жиналған бес оқушы 1 топ болып топтасады.

Сабақтың тақырбы мен оқу мақсатымен таныстыру. Бағалау критерийін оқушылармен бірлесе құрастыру немесе таныстыру,

Сабақтың ортасы

Білу

«Жақсылық жасау әр адамның қолынан келе ме?» пікірталас өткізу.

Сынып оқушылары екіге бөлінеді. Бірі жақсылық жасау әр адамның қолынан келеді деген пікірді қолдаса, екінші топ жақсылық жасау әркімнің қолынан келмейді деген пікірді дәлелдер келтіре отырып қорғайды.

Саралау: Тапсырма барлық оқушыға ұсынылады,бірақ әртүрлі нәтиже күтіледі.

2-тапсырма

Мақал- мәтелдер беріледі, оқушылар өз ойларын айтады. Тақырыбын анықтайды.

Мұғалім топтағы оқушыларға кестені таратып беріп,жұмыстың орындалуын түсіндіреді. Оқушылар мақал-мәтелдегі негізгі ойды анықтайды

ҚБ «Бағдаршам»

Жасыл түс(тапсырманы толық, дұрыс орындаса)-Өте жақсы

Сары түс(тапсырманы толық орындамаса)-Жақсы

Қызыл түс(тапсырма толық емес және қателіктер болса)-Орташа

3- тапсырма Мақалдардағы негізгі ойды білдіріп тұрған сөздерді кестеге түсір. Кестені толтыр

ҚБ «Қол шапалақтау»

Тапсырманы дұрыс орындағандарды қол шапалақтау арқылы бағалау

4- тапсырма «Мозайка» әдісі

Мұғалім әрбір топқа сурет қиындыларын таратады. Оқушылар сурет қиындыларынан сурет құрастырып,суретке қарап әңгіме құрастырады. Әңгіме құрастыру кезінде мақал – мәтелдерді қолдану ескертіледі.

ҚБ «Бір-бірін бағалау»

Топтар бір-бірінің жұмысын бағалау арқылы әр топ өз жұмысында нені жақсарту керектігін анықтайды.

Сабақтың соңы

«Шеңбердегі доп» әдісі

Шеңберлене отырып, бір-біріне кішкене допты лақтырады. Доп қолына тиген оқушы сабақ туралы бір сөйлем айтады.