Мәтіннің түрлері (2 сынып, II тоқсан )

Пән: Қазақ тілі
Ұзақ мерзімді жоспар бөлімі: Менің мектебім
Сабақ тақырыбы: Менің мектебім. Мәтіннің түрлері.
Осы сабақта қол жеткізілетін оқу мақсаттары: (оқу бағдарламасына сілтемеу) 2.2.5.1* сұрақ қою арқылы (не істеді? қандай? неліктен?) мәтін түрлерін (әңгімелеу, сипаттау, пайымдау) және құрылымдық бөліктерін (басы, негізгі бөлім, соңы) анықтау, азат жолдың рөлін білу
2.4.1.3* «у», «и, й» әріптерінің емлесін сақтап жазу
Сабақ мақсаттары: Сұрақ қою арқылы мәтіннің түрін анықтап үйренеміз. Мәтіннің бөлімдерін және негізгі ойды анықтаймыз.
Сабақ барысы: Психологиялық ахаул
Сабақты оқимыз
Көңілге тоқимыз
Қазақ тілін үйреніп
Қазақша сөйлейміз
Ережелерді еске түсіру.
(МК, Т) тыңдалымалды дайындық Мәтіннің түрлерін еске түсірейік
Мұғалімнің көмегімен мәтін түрін анықтау.
«Өткен тақырыпты қайталау»
Оқушылар шеңберге тұрып, бірін-біріне сұрақтар қояды.
/өзара бағалау/
Оқушыларды сабақтың тақырыбымен, мақсатымен таныстыру
Мәтіннің түрін және бөлімдерін анықтаймыз.
(ӨЖ) Сөздік диктант.
Үйрену, армандау, оқушы, сипаттау.
Дауысты дыбыстардың астын қызыл, дауыссыз дыбыстардың астын көк қарындашпен сызу.
/өзара бағалау/
(Ж) Жұптарға мәтіндерді таратып беру.
Мәтін түрін анықта
Айнұрдың сыныбы екінші қабатта орналасқан.
Сынып бөлмесі таза, кең және жарық. Сынып бөлмесіндегі терезелер үлкен. Терезеде әдемі гүлдер өсіп тұр. Сыныпта жиырма ыңғайлы парта мен орындықтар тізіліп тұр.
- Бұл мәтіннің қай түріне жатады?
- Мәтін не туралы?
- Сұрағы (Қандай?)
ххххххххх хххххххх хххххх ххххххххххх хххххххх
Мектеп ережесін бұзуға болмайды. Себебі мектепте тәртіп болу керек. Ережені сақтау арқылы мектеп оқушылары тәрбиелі болуға үйренеді. Ережені сақтау- әр оқушының міндеті.
- Бұл мәтіннің қай түріне жатады?
- Мәтін не туралы?
- Сұрағы (Неліктен?)
/мұғалімнің кері байланысы, өзара бағалау/
Саралау.
Сынып 5 топқа бөлінеді. Әр топ басшысы тақырыпты таңдайды. (Менің дәптерім. Менің қаламым. Менің оқулығым. Менің партам.)
Нұсқаулық:
 Тақырып таңдап алыңыздар;
 Сипаттау мәтінін құрастырыңыздар;
 Топта талқылаңыздар;
Бағалау: Бағалау критерийлері бойынша топтар бағалайды.
В тобы сурет бойынша мәтін құрастырады.
С тобына тірек сөздер беріледі.
(МК) Үй жұмысы.
Сапарғали Бегалин
Зеректік
Әубәкір молда бұрынғыдай ауыл арасының шақыруынан босады. Шоқанға парсы тіліндегі кітаптардан уақиғалы хикаяларды оқытып, білім өрісін кеңейте түсуде. Әжесі айтқан «Байлық та, бақыт та тиянақсыз, ең тиянақты қасиет-өнер-білім» деген сөзді Шоқан өзінің күнделік дәптеріне жазып қойған-ды.
Шоқанның күзден бергі оқуға деген ыждаһатына Әубәкірдің өзі де іштей таңданатын. Ол тек жай оқып қоймайды. Оқыған кітабының уақиғасын бажайлап, түпкі мәнін білуге ізденеді.
Шоқанды аса қызықтырған Жәми ақынның «Ескендірнамасы» болды. Оны оқығаннан кейін Шоқан әжесіне:
Әже, сіз Жәми ақынның «Ескендірнамасын» оқыған ба едіңіз? – деді.
- Қарағым, оны неге сұрадың?
Шоқан жымиып:
- Әже, Ескендірдің шешесі ақылды болған екен. Ескендірді ең үлкен данышпан ғалымның қолына беріп оқытыпты. Сол оқу-білімінің арқасында бар әлемді билемек болып, үлкен жорық жасапты, - деп, Шоқан әжесінің өңіне қарады.
- Қарағым, ол дастанды мен оқығам. Сен де жақсы түсініпсің. Білімділік жақсы, мансапқорлық жаман емес пе. Ол әлемді аузына қаратам деген озбырлықтан апатқа ұшырады ғой, - деп, әжесі сөзін аяқтады. Шоқан ойланып қалды. ......