Базар Жырау Оңдасұлы (Әр нәрсенің парқы бар)

 Базар Жырау Оңдасұлы (Әр нәрсенің парқы бар)

Жақсы менен жаманның
Арасы жер мен аспандай.
Байқарсың бір күн, басыңа
Іс түскен кезде, сасқанда - ай
Мырза менен сараңды -
Өлшестіріп қарасаң,
Ылди мен зәулім асқардай.
Ғалым менен наданды -
Салыстырсаң білерсің,
Дария шіреп тасқандай.
Әр нәрсенің осындай,
Алғандарға парқы бар,
Қадірін білсең, мысалы,
Кәрілік пен жас қандай?
Өздеріңдей жақсының
Оңай емес алдында
Татаусыз сөзді табуға,
Кібіртіктеп жасқанбай.
Топқа кисе толымды,
Тозбайтын бектік тоңдайсың,
Мен сендерге - астардай.
Ойдағы менен қырдағым,
Қуан менен Сырдағым,
Қуанып бүгін отырмын,
Есен - сау басты қосқанда - ай!
Опасы жоқ дүниенің
Өлшеулі өмірің таусылса,
Өте шығад бір күні
Көзіңді жұмып, ашқандай.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі