👈 қаріп өлшемі 👉

Жандарбек Бұлғақов (Валентин түні – қоштасу ар-ұятпенен)

 Жандарбек Бұлғақов (Валентин түні – қоштасу ар-ұятпенен)

Албырт жастар дүкенге аптығып барып,
Валентин күнін тойлайды открытка алып.
Жатқанын-ай аузымен мұсылмандардың,
Бір дінсіздің есімі қатты ұлықталып.

Сүйем десе де басында бақ тұрмайтындар,
Ажырасу мен жанжалды жат қылмайтындар.
Валентинканың жәшігін нығыздап жатыр,
Садақаның жәшігін жақтырмайтындар.

Үйіп-төгіп 14-ші ақпан күнәні,
Шайтан малғұн жастарға қақпан құрады.
«Ғашықтар хаты қызыма көп келіпті» деп,
Ессіз ана ел-жұртқа мақтан қылады.

Төлі жоғалса қалайша бейғам қарасын,
Шарқ ұрып іздейді айуан баласын.
Кеш бата кеткен ұлына іздеу салмайтын,
Айуан құрлы жоқ әкеге қайран қаласың.

Валентин күні – достасу коньякпенен,
Валентин түні – қоштасу ар-ұятпенен.
Некесіз жүрмек түгілі ата-бабамыз,
Жарына деген сезімін жария етпеген.

14-ші ақпан! Қызың мен ұлыңа қара,
Некесіз туса немерең ірі бола ма?
Күнәға толы мейрамға тыйым салмасаң,
Мұсылмандықтың тиындай құны бола ма?

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстанда қайырымдылық саласындағы тұлғаларға арнайы атақ беріледі 17.06.2022
» “Қорықпай Солтүстік өңірге көшуге шақырамын”: Солтүстіктен пәтер алған отбасылар алғысын білдірді 12.06.2022
» МӘМС бойынша жеңілдікке ие 15 санаттың тізімі белгілі болды 12.06.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы