Қазақша өлең: Мағжан Жұмабаев (Жолдасқа) » ZHARAR © 2017 | мағжан жұмабаев Жолдасқа өлең олен магжан жумабаев стихи на казахском, мағжан жұмабаев өлең олен стих, казакша олен магжан жумабаев, магжан жумабаев стихи на казахском языке




  • »

Қазақша өлең: Мағжан Жұмабаев (Жолдасқа)

Қазақша өлең: Мағжан Жұмабаев (Жолдасқа) казакша Қазақша өлең: Мағжан Жұмабаев (Жолдасқа) на казахском языке

Әй, әй, жолдас, жас жігіт
Қиқу салған, лепірген,
Кетті ме әлде жын соғып,
Аузын, мұнша көпірген!
Дүниенің діңгегі
Қарын дейсің жалғыз-ақ.
Күнді көрмей көктегі,
Болма, жаным, жапалақ.
«Идеал да жоқ, Тәңір де...»
Енді не бар? Доңыз ба?
Адамсың ғой сен енді,
Ұқсама шын доңызға!
Мейлің, мейлің, доңыз бол,
Жүр қорсылдап қорада.
Сасық соқыр қоңыз бол,
Жаныма бірақ жолама.
Мен киелі Алашпын,
Іргемді, сасық, ластама.
Ойнама, жолдас, менімен,
Бар бұзыққа, басқаға.
Кіршіксіз ақ ордамын,
Сала алмассың бір тап та.
Бұзылмаған қордамын,
Бөле алмассың тап-тапқа.
Тапсыз, бүтін бір елмін,
Тәңіріге жалғыз ұсармын.
Көбікті күміс бір селмін,
Сасықты сендей басармын.
Құдықтан ішіп, жас жігіт,
Оған, сірә, түкірме.
Кетер сені сел соғып,
Басыл, жаным, көпірме.


Санат: KZ портал » Қазақша Өлеңдер жинағы | | 263
Рейтинг:
(голосов: 0)

.

MixAdvert

MarketGid

Соңғы пікірлер:

. .