Әмірхан Балқыбек (Хат)

 Әмірхан Балқыбек (Хат)

Сен сұлусың,
Сабырлымын мен бiрақ,
Әнге айналсаң,
Еститұғын мен құлақ.
Бұлтсың ба,
Тосқауылың тау да мен,
Сенi қуған желдi демен
жау көрем.

Бозара атқан таңым болсаң,
Ертеңмiн,
Көрiктiсiң,
Күлкiң оттай.
Өртендiм.
Өртенiп ем өшкенiм жоқ,
Қайтаға
Жалындаған жырға айналдым
жайқала.

Сенi көрсем өзектi өртер шоқтай мұң,
Сырымды ұқсаң менiңдағы жоқ қайғым.
Сен көксiң бе, ернi кепкен жерiң мен
Саған содан бар құпиям көрiнген.

Биiктесiң,
Төмендемiн.
Бар ма амал
Сұлулыққа сезiм барда арбалар,
Жан-жағымнан жетi ел сәлем берсе де
Жалғыздыққа болып алдым арланар.

Ғашық адам не демейдi,
Күлмегiн.
Жасып айтқан сөзiм емес бұл менiң.
Қалай сүйем
Бiле алмадым, бiлмедiм
Болмаса да ерiнде айып, тiлде мiн.

Шешiмiңдi айт,
Бос сөздi ұғар жоқ шама,
Мен қақсадым,
Ал сен бiрақ қақсама.
Сенде анар,
Алақан бар ал менде,
Арыстанмын
Жеме-жемге келгенде.

Тыңдаушым сен,
Содан болар,
Кергiдiм.
Төрттағанмен төрттабандап қалатын
Хаям болмай
Көп бөскенiм –
Ерлiгiм.

Апта тастап келдiм тағы араға,
Сен де менi жайымды ұғып бағала.
Айлы түнде әңгiмем бар айтатын
Иттi үргiзбей шықсаңшы ендi далаға.

Мақала ұнаса, бөлісіңіз:


Ұқсас мақалалар:
» Әмірхан Балқыбек (Шын ғашықтарда болмайды екен ес мүлде)
» Әмірхан Балқыбек (Баба-ырым)
» Исраил Сапарбай (Менiң мұңым тек қана, менiң қайғым емес қой)
» Әмірхан Балқыбек (Сағди ғазалы)
» Әмірхан Балқыбек (Қатардағы өлең + видео)
» Сезiмiңе сенемiн. . .
» Әмірхан Балқыбек (Арман қуу шынымен күйiк кей күн)

Іздеп көріңіз:

Жаңалықтар:
» 2021 жылы пітір садақа мөлшері 420 теңге болып белгіленді (фото) 04.04.2021, 0
» Алматыда жоқ көлік үшін алдын-ала төлем алған жігіт ұсталды 02.04.2021, 0
» "Дәл мені ұстағысы келді ме": Мейрамханада ұсталған Қайрат Нұртас оқиғаға пікір білдірді 26.03.2021, 2

Келесі мақала жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы