Кел, балалар, оқылық - Ыбырай Алтынсарин

Кел, балалар, оқылық - Ыбырай Алтынсарин

 Бір құдайға сиынып,
Кел, балалар, оқылық ,
Оқығанды көңілге
Ықыласпен тоқылық..
Істің болар қайыры
Бастасаңыз алдалап,
Оқымаған жүреді
Қараңғыны қармалап.
Кел, балалар, оқылық,
Оқығанды көңілге
Ықыласпен тоқылық..
Оқысаңыз , балалар,
Шамнан шырақ жағылар,
Тілегенің алдыңнан
Іздемей-ақ табылар.


Кел, балалар, оқылық,
Оқығанды көңілге
Ықыласпен тоқылық..
Мал дәулеттің байлығы,
Бір жұтасаң жоқ болар,
Оқымыстың байлығы,
Күннен- күнге көп болар,
Еш жұтамақ жоқ болар.
Кел, балалар, оқылық,
Оқығанды көңілге
Ықыласпен тоқылық..
Сиса көйлек үстіңде
Тоқуменен табылған...
Сауысқанның тамағы
Шоқуменен табылған...
Өнер- білім бәрі де
Оқуменен табылған.
Кел, балалар, оқылық,
Оқығанды көңілге
Ықыласпен тоқылық..
Надандықтын белгісі -
Еш ақылға жарымас.


Жайылып жүрген айуандай
Ақ, қараны танымас.
Аяңшыл ат арымас,
Білім деген қарымас...
Жөн білмеген наданға
Қыдыр ата дарымас.
Кел, балалар, оқылық,
Оқығанды көңілге
Ықыласпен тоқылық..
Оқу деген шыны - ды,
Тұрған сайын шыныққан...
Оқу білген адамдар
Май тамызған қылыштан...
Білмегенді білуге
Есті бала тырысқан,
Есер бала ұрысқан.
Кел, балалар, оқылық,
Оқығанды көңілге
Ықыласпен тоқылық..
Әлпештеген ата - ана
Қартаятын күн болар.
Қартайғанда жабығып,
Мал таятын күн болар.
Ата - енең картайса -
Тіреу болар бұл оқу,
Қартайғанда мал тайса
Сүйеу болар бұл оқу.
Кел, балалар, оқылық,
Оқығанды көңілге
Ықыласпен тоқылық..


Оқу білген таниды
Бір жаратқан құдайды,
Танымаған құдайды
Не ғылғанда ұнайды?
Шырағым абай болгай деп,
Ата - енең жылайды,
Баладан қайыр болмаса,
Баланы неге сұрайды.


Мақала ұнаса, бөлісіңіз:


Іздеп көріңіз:

Қарап көріңіз:

Пікір жазу

Пікірлер 5

  1. Гука Тоқталы
    Гука Тоқталы 28.11.2015 10:00
    1 + 0 -
    Керемет Ы.Алтынсариннын олены сондай адемы уйкас пен жазылган ол оленнын маны бар! Атадан балага калган!
  2. Zarina Kabataeva
    Zarina Kabataeva 06.11.2015 19:54
    1 + 0 -
    Керемет!!!
  3. Шаким. Уалиева.
    Шаким. Уалиева. 06.09.2015 11:00
    0 + 0 -
    Керемет!...Бәрі дәл айтылған!...Мектепте қысқартылып берілген түрін,яғни кейбір шумақтарын жатқа айтқанмен,дәп қазіргідей жете түсіне алмайсың!... Өте жас болғандықтан...
  4. Мадина Амангельды
    Мадина Амангельды 14.04.2015 17:20
    1 + 0 -
    привет
  5. Kuanish Bakituli
    Kuanish Bakituli 13.01.2015 16:31
    1 + 0 -
    Осы өлең маған қатты ұнайды:)
Келесі мақала жүктелуде...