«Елімізде ескі несиелер кешіріледі»: министрлік өзгерістерді түсіндірді.


Қазақстанның Бюджет кодексіне «Үмітсіз берешек» түсінігін және ол бойынша кредитордың талаптарын тоқтатуды енгізу ұсынылды. Түзетулер жобасы туралы Қаржы министрлігі түсіндірді.

«ҚР кейбір заңнамалық актілеріне бюджет заңнамасын жетілдіру мәселелері бойынша өзгерістер мен толықтырулар енгізу туралы» заң жобасының тұжырымдамасы «Ашық НҚА» сайтында жарияланған.

«Елдің несие портфелін 90-жылдардағы өтелмеген қарыздармен байланысты мерзімі өткен берешектерден тазарту мақсатында «Үмітсіз берешек» түсінігі және олар бойынша кредиторлардың талаптарын тоқтату енгізілді», - деп көрсетілген құжатта.

Сондай-ақ, жобада жоғарыда аталған несиелер бойынша борышкерлердің құқықтық жағдайы туралы ешқандай ақпарат жоқ екені, Әділет министрлігінің деректер базасында да олар туралы ақпараттың жоқтығы атап көрсетілген.

«Осыған байланысты, қолданыстағы бюджет заңнамасы аясында бар берешектерді өндіріп алу, сондай-ақ оларды есептен шығару бойынша одан әрі жұмыс жүргізу мүмкін емес», - делінген хабарламада.

Қазақстанның Қаржы министрлігі ұсынылған тұжырымдаманы түсіндірді.

«Әңгіме халыққа (жеке тұлғаларға) берілген несиелер туралы емес. Әңгіме 90-жылдары тікелей бизнеске берілген бюджеттік кредиттер (кредитор-мемлекет, екінші деңгейдегі банктер емес) туралы болып отыр (әкімдіктер мен Үкіметтің кепілдігімен берілген, өз айналым қаражатын толықтыруға берілген директивтік кредиттер және басқалар)», - деді министрлік.

Ведомстводағылар бүгінгі күні есептен шығару сомасын нақты көрсету мүмкін еместігін түсіндірді.

«Қарыз алушылар мен растайтын құжаттарды іздеу жалғасып жатыр. 1 қаңтардағы жағдай бойынша қарыздың реттелмеген сомасы шамамен 120 миллиард теңге. Үкіметтің талаптарын тоқтатудың негіздері заңмен белгіленбеген», - деп толықтырды баспасөз қызметі.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады
Пікір жазу