Алтын

Алтын

Қолда барда алтынның қадірі жоқ.

Ақыл айнымас, алтын шірімес.

Қонағыңның алтынын алма, алғысын ал.

Алтын тапсаң, санап ал.

Алтын белдік — бел сәні,
Асы жігіт — ел сәні.

Түйе алтын артып жүрсе де,
Жантақ жеуін қоймайды.

Жоғалған пышақтың сабы алтын.


Қарап көріңіз:



Қайыптан тапқан алтыннан
Ақсақал берген бата артық
Қайыры жоқ жақыннан
Жаны жақсы жат артық.

Алтын ерің атқа тисе,
Алтынын ал да отқа жақ.

Алтын балтаның да сабы ағаш.

Алтынды еріткенмен,
Жез болмайды
Жібекті жуғанмен,
Бөз болмайды.

Жылтырағанның бәрі алтын емес.

Көп сөз — күміс,
Аз сөз — алтын.

Ат тұяғы—алтын,
Алысқа алып баратын.
Адам тілі алтын,
Алысты сұраптабатын.

Таздың тарағы алтын,
Мергеннің садағы алтын.

Алтын отта сыналар,
Адам жоқта сыналар.

Алтын тыққан адам арықтап өлер.

Кестешінің бізі — алтын,
Кемеңгердің сөзі — алтын,
Көрегеннің көзі — алтын.

Алтын алма, ақыл ал.

Ақыл тозбайды,
Алтын шірімейді.

Бір жерде алтын сыйлы,
Бір жерде халқың сыйлы.

Көп жасап, күміс болғанша
Аз жасап, алтын бол.

Алтын базарында бағалы.

Алтын кемер белге сән,
Алтын қылыш ерге сән.

Сабы алтын болса да,
Көсеудің көсеу аты қалмайды.

Алтын отпен, әйел алтынмен, еркек әйелмен сыналады.

Алтын пышақ өтпесе,
Алтынын ал да отқа жақ.

Үйі жоқтың көңлінде
Алтын сарай жүреді.

Алтын деген жер сыйы,
Алғыс деген ел сыйы.

Өз елің - алтын бесік.

Өнерлінің қолы алтын,
Өлеңшінің сөзі алтын.

Өлең — алтын,
Сөз — күміс.

Білмегенді білдір, қолына алтын жүзік ілдір.

Алтын шірімес,
Дау қалмас,
Жан сасымас.

Алтын алма, дұға ал.

Өлмеген құл алтын аяқпен су ішер.

Жақсының алтын басы еңкейсе,
Білімсіздің басы шалқаяды.

Ақылмен алтын табылар,алтынмен ақыл табылмас.

Алтын жерде жатпайды,
Жаман ұста суын таппайды.

Алтынды ерiте бiлмеген iрiтер,
Терiнi илей бiлмеген шiрiтер.

Өнерлiнiң қолы алтын,
Өлеңшiнiң сөзi алтын.

Таза алтын топырақсыз да тазарады.

Алтын беріп,
Ауру алды.

Уақыт – алтын.

Алтын басты әйелден,
Бақыр басты еркек артық.

Жинау мақсат болса –
Алтын ба, тас па – бәрібір.

Қолдағы бар – мыс,
Қолдағы жоқ – алтын.

Алтын, алтын –
Жоғалтпайды нарқын.

Аппақ алтын қаралы күнге қажет.

Алтын табылса, түйерге түйіншек табылмас.

Сабыр түбі — сары алтын.

Аштықта алтыннан жарты уыс жарма артық.

Алтын тастан шығады,
Ақыл жастан шығады.

Айтылмаған сөздерің саф алтындай,
Тістен шықса, қалар бақыр қалпында-ай.

Алтын — жай тас, босқа жатқан жердегі,
Қазып алса — бек тәжінің өрнегі.

Алтын алма, алғыс ал.
Алғыс алтын емес пе!

Алтын сырға құлақты ауыртады,
Алтындаған етік аяқты ауыртады.

Алтын-күміс жиғандар үй салады.

Алтын-күміс тас болар.
Арпа-бидай ас болар.

Алтын-күміс әманда таспен бірге жүреді.

Алтынның құны түспейді,
Тастың бағасы артпайды.

Алтынның шыққан жерін белден қаз.

Алтының көп те болса, ішке сақта.

Арамзаның тіліне нанба,
Алтын берсе алма.

Асыл айнымас,
Алтын шірімес.

Алтынды ала білген бөле де біледі.

Алтын белдік — бел сәні,
Асы жігіт — ел сәні.

Қайыптан тапқан алтыннан
Ақсақал берген бата артық
Қайыры жоқ жақыннан
Жаны жақсы жат артық.


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 5 036



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі