Көлік туралы жазу үшін ақпараттар №1. Қазақ тілі (орыс сыныбы), 1 сынып, сабақ жоспары.

Ұзақ мерзімді жоспар бөлімі:

5-бөлім: Саяхат

Мектеп: Талдықорған қаласындағы физика-математикалық бағытындағы Назарбаев Зияткерлік мектебі

Мұғалімнің аты-жөні: Кушерова Л.К.

Күні:

Сынып: 1

Қатысқандар саны:

Қатыспағандар саны:

Сабақтың тақырыбы

Көлік туралы жазу үшін ақпараттар №1

Осы сабақта қол жеткізілетін оқу мақсаттары (оқу бағдарламасына сілтеме)

4.4 Грамматикалық нормалар және сауатты жазу.

1.4.4.1 Дыбыстар мен әріптер арасындағы байланысты біледі, жазуда саналы түрде ескеріп отырады

4.5 Тыныс белгілерін және сөйлем құрылымын нормаға сай қолдану.

1.4.5.1 Жай сөйлемді жазуда бас әріптер мен нүктені қолданады.

Сабақтың мақсаттары

Барлығы: Мұғалімнің көмегімен дыбыстар мен әріптер арасындағы байланысты біледі. Жай сөйлемді жазуда бас әріптерді қолданады.

Көбі: Дыбыстар мен әріптер арасындағы байланысты біледі, жазуда саналы түрде ескеріп отырады. Жай сөйлемді жазуда бас әріптер мен нүктені қолданады.

Кейбірі: Дыбыстар мен әріптер арасындағы байланысты біледі, жазуда саналы түрде өзі ескеріп отырады. Өзі жай сөйлемді жазуда бас әріптер мен нүктені қолданады.

Жетістік критерийлері

Есту арқылы сөздерді, қарапайым сөйлемдерді сауатты жаза алады.

Сөйлемдерді бас әріптен бастап жаза алады;

Нүкте қою арқылы қарапайым сөйлемдердің ара жігін ажырата алады.

Тілдік мақсаттар

Пәнге тән лексика мен терминология:

Бұл – спорт машинасы. Бұл –жүк машинасы. Бұл –жеңіл машина.

Бұл – адам таситын машина.

Құндылықтарды дарыту

Ұқыптылыққа, тазалыққа тәрбиелеу.

Пәнаралық байланыс

Бейнелеу өнері, сауат ашу сабағы

АКТ қолдану дағдылары

Бастапқы білім

Көлік – идеяны түсіну №3

Сабақ барысы

Сабақтағы жоспарланған іс-әрекет

Ертеңгілік шеңбері

Өлеңді қимылмен көрсетіп айту.

Бір, екі, үш

Ұшақ болып ұш.

Төрт, бес, алты,

Тікұшақ болып қалқы.

Жеті, сегіз, тоғыз, он,

Қане жерге қон.

(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.

«Мен жай сөйлемді жазуда бас әріптер мен нүктені қолданады»

(К) Бірлесіп жазу жаттығулары. Көлік туралы ақпарат жазуға мысал ретінде бір сөйлем жазып көрсетіңіз. Сөйлемдегі әр сөзді жекелей дыбыстап, оқушыларға дауыстап оқып беріңіз. Мысалы, Бұл – спорт машинасы.

(Ұ) Бірлесіп жазу жаттығулары. Оқушылар көбірек идея тастап, пікір білдіреді, мұғалім жазып отырады.

(Ө) Оқушылар таңдаған көліктері бойынша шағын кітап дайындайды. Оның әдемі мұқабасы, іші суретке, фотоға толы болуы керек. Суреттерді журналдан немесе интернеттен алады, суреттердің астыңғы жағына міндетті түрде көлік туралы сөздік қорынан алынған сөзді жазады.

СЕРГІТУ СӘТІ.

Өте биік аспанда/қолын жоғары-төмен сермейді/

Ұшақпен мен ұшамын /ирелектеп көрсетеді/

Жұмсақ, жеңіл бұлттарды/қолдарымен көрсетеді|

Қолдарыммен ұстаймын ./ирелектеп көрсетеді/

(ҚБ) Оқушыларға көліктер боямағынан жасалған кітапша беріледі. Оқушылар суреттерді бояйды және әр көліктің астына қажетті мәтінді басты әріптері мен нүктесін қойып жазады.

мынау - кеме капитан кемені жүргізеді мен кемеге мінемін.

мынау – пойыз пойызды машинист жүргізеді мен пойызға мінемін.

мынау - автобус автобусты жүргізуші жүргізеді мен автобусқа отырамын

Жетістік критерийі:

• Есту арқылы сөздерді, қарапайым сөйлемдерді сауатты жаза алады.
• Сөйлемдерді бас әріптен бастап жаза алады;
• Нүкте қою арқылы қарапайым сөйлемдердің ара жігін ажырата алады.

Дифференциация:

Қабылдау деңгейі жоғары оқушылар: өздігінен тақырыпқа сай сөздерді қолдана отырып, сөйлемдер құрайды.

Қабылдау деңгейі орташа оқушылар:

өз кітаптарына сөйлемдерді үлгіден алып жазады.

Рефлексия

- толық түсіндім;

– сұрақтарым бар.

- түсінбедім;

Бағалау – оқушылардың материалды меңгеру деңгейін тексеру жоспарыңыз?

Бұл бөлімде оқушылардың сабақ барысында үйренгенін бағалау үшін қолданатын әдіс-тәсілдеріңізді жазасыз

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.