Әдебиеттік оқудан сабақ жоспары: Шығарманы қайта құруға интерпретациялауға және бағалауға негізделген сұрақтар қою және жауап беру "Күмән" Машқар Гумеров (4 сынып, I тоқсан)

Әдебиеттік оқудан сабақ жоспары: Шығарманы қайта құруға интерпретациялауға және бағалауға негізделген сұрақтар қою және жауап беру "Күмән" Машқар Гумеров (4 сынып, I тоқсан)


ТАҒЫ ДА ОҚЫҢЫЗДАР:
Ағылшын тілі сабағында мультимедиялық дискілерді қолдану тиімділігі

Пән:Әдебиеттік оқу
Ұзақ мерзімді жоспар бөлімі: Құндылықтар
Сабақ тақырыбы: Шығарманы қайта құруға, интерпретациялауға және бағалауға негізделген сұрақтар қою және жауап беру "Күмән" Машқар Гумеров
Оқу мақсаттары: 4.2.2.1 шығарманы қайта құруға, интерпретациялауға және бағалауға негізделген сұрақтар қою және жауап беру;
4.2.1.1 мәтінді дауыстап түсініп,рөлге бөліп, мәнерлеп,теріп, шапшаң оқу.
Сабақ мақсаттары: Барлық оқушылар: қажетті ақпаратты тауып оқиды, шығарма мазмұны бойынша сұрақтар қоя алады;
Көптеген оқушылар: шығармадан қажетті ақпаратты анықтайды, қолдануға, бағалауға негізделген сұрақтар қояды және оған жауап бере алады.
Кейбір оқушылар: шығармадан қажетті ақпаратты тауып салыстырады, бағалауға негізделген сұрақтар қойып, жауап бере алады, мысалдар келтіре өз ойын айтады.
Сабақтың басы
Ширату тапсырмасы
(Ұ, МК, Т) «Сұрақтар жаңбыры» әдісі.
Сынып оқушылар санына қарай бірнеше топқа бөлінеді. Әр топқа мәтін бөлігі бойынша сұрақтар құрастыру тапсырылады. Ол үшін бірнеше қима қағаздарға бөлініп таратылады. Әр топ белгілі уақыт арасында сұрақтар құрастырып, бір-біріне лақтырады. Қағып алған сұрақтарға жауап береді, сол арқылы жаңа сабақтың тақырыбын ашылады.
Сабақ мақсатымен таныстыру. қажетті ақпаратты тауып оқиды, шығарма мазмұны бойынша сұрақтар қоя алады. Бағалау критерийімен таныстыру.
Сабақтың ортасы
1-тапсырма
(МК, Ұ)
«Сұрақ жауап» әдісімен оқылған мәтін мен құрастрыған сұрақтарын байланыстыратыны жайлы анықтау.
Сұрақтар үлгісі:
- Оқушылар сабаққа кіргенде қандай оқиғакға тап болды?
- Кезекші кім еді??
- Сынып ішіндегі жай күйді суретте.
- Рақила неге Боранбайды кіналады?
- Сыныптастары Дәуіттің мойындағанына неге таң қалды?
- Дәуіт қалай дәлелдеді?
- Рақиланы не күтіп тұр?
- Жалпы өзің «сеніміңді» қайтарып алу үшін не істер едің?
Саралау. Диалог және қолдау көрсету тәсілі арқылы оқушылардың сұрақтарға жауап беру кезінде ынталандыру үшін сөзбен қолдау көрсетіледі.
(ҚБ) От шашу» әдіс арқылы сұрақтарды талқылау кезінде дұрыс мағыналы жауап берген оқушылар қол шапалақтау арқылы бағаланады.
2- тапсырма
«Күмән» мәтінді оқу.
(Т,Ө) «Аялдама» әдісі бойынша оқушылар мәтінді аялдау арқылы бөліктерге бөліп оқиды.
1. Оқушылар мәтінді оқи бастағанда мұғалім аялдаманың белгісін көрсете отырып, тоқтатады.
1-аялдама: Алдымен бірінші бөлікті оқиды. Мұғалім сұрақ қояды. (Мәтін қалай басталады? Рақила неге састы? Ол неге Боранбайды кіналады?). Оқушылар сұрақтың жауабын мәтіннен тауып белгі қояды.
2-аялдама: Екінші бөлікті оқиды. Мұғалім тоқтатып, сұрақ қояды. (Сыныптағы оқушылардың жай-күйін суретте.? Мұғалім не істеді?). Оқушылар сұрақтың жауабын мәтіннен тауып белгі қояды.
3-аялдама: Үшінші бөлікті оқиды. Мұғалім тоқтатып, сұрақ қояды. (Дәуітке неге сыныптастары таң қалды?). Оқушылар сұрақтың жауабын мәтіннен тауып белгі қояды.
4-аялдама: Төртінші бөлікті оқиды. Мұғалім тоқтатып, сұрақ қояды. (Рақила неге өз ісіне ұялды? Сенімін жоғалтқан рақила ендігі жерде қалай тығырықтан шықпақ?). Оқушылар сұрақтың жауабын мәтіннен тауып белгі қояды.
2. Мәтінді тұтас оқып болған соң, қайта шолып оқуға уақыт беріледі. Түсініксіз сөздермен жұмыс жүргізіледі.
Саралау: қорытынды бойынша саралау жүргізіледі. Тапсырма барлық оқушыларға ұсынылады, бірақ әртүрлі нәтижелер күтіледі. Сұраққа жауап беруде, кейбір оқушыларға мұғалім қолдау көрсетеді.
Қ/Б: «Бағдаршам» әдісі арқылы оқушылардың қойылған сұрақтары мен жауаптары мұғаліммен бағаланады.
3-тапсырма
(Т) ««Жаңғақ» әдісі. Белгілеген ақпараттарды қолданып мәтін бойынша сұрақтар құрастыр.
1.Оқушылар өз қалауымен 6 адамнан топқа бірігеді.
2.Топтағы әрбір оқушыға қиылған қағаз беріледі, ал топтың ортасына сұрақтар салатын ыдыс қойылады (себет, қапшық, қорап т.с.с).
3.Әрбір оқушы кесілген қағазға 1 сұрақтан жазады, сонан соң кесілген қағазды жаңғақтың формасына ұқсатып бүктеп, ортадағы қорапқа салады немесе тастайды.
4.Топтағы әрбір оқушы кезегімен ыдыстан сұрақтар жазылған «жаңғақты» ашып, оқып және оған жауап береді. Егер оқушы сұраққа жауап берсе, онда сұрақ жазылған қағаз өзінде қалады. Егер оқушы сұраққа жауап бере алмаса, онда басқа оқушылар жауап береді.
«Жаңғақ» бір оқушыдан екінші оқушыға ретімен домалау қажет. «Жаңғақты» қораптан алар кезде де осы реттілік сақталуы тиіс.
5.Сұрақтарға жауап берілгеннен кейін, қай оқушыда «жаңғақ» саны көп болса, сол оқушыға баға қойылады.
Саралау: қарқын тәсілі арқылы саралауды қолдануға болады. Кейбір оқушылар басқаларына қарағанда жылдам жұмыс істейді. Қосымша тапсырмаларды көп күш жұмсауды талап ететін оқушылар үшін қолдануға болады. Негізгі тапсырмаларды түсіндіруде көмек қажет ететін оқушыларға біршама уақыт беріледі.
ҚБ: Бұл тапсырма «Жапондық бағалау» әдісі (оқушылар бір-біріне баға береді) арқылы бағаланады.
4-тапсырма
Ж. «ПОПС» формуласы. «Күмән» мәтінінің басты идеясы неде? Жұптағы талқылаудан соң өз ой қорытындысын «ПОПС» формуласы бойынша жазбаша түсіндіреді.
Бірінші сөйлем: «Менің ойымша мәтіннің басты идеясы - ....»
Екінші сөйлем: «Себебі,оны былай түсіндіремін...»
Үшінші сөйлем: «Оны мына мысалдармен, фактілермен дәлелдей аламын...»
Төртінші сөйлем: «Осыған байланысты мен мынадай қорытынды шешімге келдім...»
ҰЖ. «2 бұрыш» әдісі. Оқушылар қалаулары бойынша өз жазғандарын оқи алады. Қалған оқушылар сыныптасының позициясына келісу/келіспеуін лайықты бұрышты таңдау арқылы көрсетеді.
Саралау: Қорытынды саралау тәсілі. Бір тапсырма беріледі, бірақ жалғыз «дұрыс» жауаптың бағытында жұмыс істеуден гөрі оқушылар өздерінің мықты жəне əлсіз тұстарына қарай жауап берулері күтіледі.
Қ/Б: Мен ………. деген өз ойымды өзгерттім.
Мен …………. туралы көп білдім.
Мені …… таң қалдырды.
Мен … сездім.
Мен………… басқаша қарайтын болдым......

ТАҒЫ ДА ОҚЫҢЫЗДАР:
БАЛА БОЛМАУДЫҢ 50 пайызы ЕРЛЕРДІҢ ДЕНСАУЛЫҒЫНА БАЙЛАНЫСТЫ



Полную версию материала можете скачать на сайте zharar.com через 60 секунд !!!

00


Комментарии для сайта Cackle