Іңкәр есімінің мағынасы – қазақтың төл есімі. «Құштарлық, ынтызарлық» дегенді білдіреді. Қазақ қыз балаға бұл ныспыны «өмірге құштар, нәзік те сұлу, жан дүниесі бай болып бойжетсін» деген ниетпен қояды. Ел ішінде жиі кездесетін есімнің бірі.
Алан есімінің мағынасы – қазақ халқында жолбарыстың күшігін алан деп айтады. Бұл сөздің араб, көне славян тілдерінде де бірнеше нұсқасы бар. Ел ішінде дүние есігін жаңа ашқан сәби қайратты, жолбарыс жүректі болсын деп осы есімді береді.
Гүлшара есімінің мағынасы - "гүл" және "шара" деген қос түбірден тұрады. Гүлдің қандай мағына беретіні баршаға мәлім болса, "шара" сөзі парсы "Сара" сөзінен шықса керек. Оның мағынасы "пәк, бекзат".
Иманғали есімінің мағынасы - "Иман" араб сөзі, ол "Аллаға сену" мағынасын береді, ал "ғали" сөзінің мағынасы "асқақ, еңселі".
Айтөре есімінің мағынасы - "ай" мен "төре" сөздерінен жасалған есім, сәби айдай болсын, өз ортасында төредей сыйлы болсын деген ниетпен қойылады. Төре – толық мағынасы «Төрдің иесі» деген екі біріккен сөзден тұрады.
Омар есімінің мағынасы – «өмір сүретін, өмірі ұзақ»; Мұхаммед пайғамбардың (с.а.с.) ең жақын сахабасының есімі.
Амир есімінің мағынасы – араб тілінен аударғанда "билеуші", "әкім" деген мағына береді. Бұл ат, көбіне әйгілі билеуші Әмір Темірдің құрметіне беріледі.
Али есімінің мағынасы – "әли" араб тілінен аударғанда зор, заңғар, биік деген мағына береді.
Нұрмұхаммед есімінің мағынасы - Арабша нур (نور) сөзі «жарық» деген мағына береді.Қазақша нұр «жарық»,«жарқыраған»,«күн сәулесі».Ал Мұхамед-деген Пайғамбардың (с.с.а) аты екенін баршамызға белгілі,оның мағынасы жан-жағындағылар мақтап жүретін, үлгі боларлықтай, енді барлығы мақтап жүреді деген мағынаны білдіреді.
Қасым-Жомарт есімінің мағынасы - Қасым сөзі араб тілінен аударғанда "әдемі, сұлу" мағынасын береді. Жомарт есімі "дарқан және бекзат" мағыналарын біреді.
