Жұмбақтар жауабымен: Әдеби жұмбақтар

Жұмбақтар жауабымен: Әдеби жұмбақтар

Жүздесесің,
Үлкенге де, кішіге.
Үнсіз күтсең,
Құрметсіздік ісі де.
Құрметіңді сезіндірер кісіге,
Не екенін білесің бе түсіне?!
Сәлемдесу

Жел соқса,
Жайқалып толқиды.
Ел оқыса,
Тұла бойың балқиды.
Өлең

Пешсіз піскен
Ыдыссыз ішкен.
Ана сүті

Қашық жердің сәлемін,
Тез-ақ алып келемін.
Телеграмма

Абылай айтқан жұмбақ,
Тоғай толған жұмбақ,
Біреуін бірі өлтірді,
Ақылды кісі шешкен жұмбақ.
Мал сойған адам

Көзі — төбесінде,
Көлі — түбінде.
Құдық

Ұшып түсер күн бiтсе,
Жоғалады жыл бiтсе.
Күнтізбе

Қашық жердiң сәлемiн,
Тез-ақ алып келемiн.
Телеграмма

Жаңалықты
Үн-түнсiз таратады,
Барша жұртты
Бiр өзiне қаратады.
Газет

Мөлдiреп жатқан қос көлге,
Шыныдан тұттым қос перде.
Көзәйнек

Өзi сырық,
Басқан жерi құдық.
Таяқ

Әжем бұрымын,
Қазыққа кередi.
Жылжытам деп алға,
Қылышпен передi.
Өрмек

Бесiкке iледi,
Әнiн де,
Дәмiн де,
Сәбилер бiледi.
Сылдырмақ

Күндiз шырақтай,
Тұрады түгел жадырап.
Түнде, бiрақ та,
Түндiгi жабық шаңырақ
Жарық пен қараңғы

Шаруасы әр салалы,
Он екi балалы,
Бәйтеректей атам бар.
Әр баласың
Отыздан серiгi,
Өзiне лайық көрiгi бар.
Жыл он екі ай

Жартысы
Жадыратып нұр себедi,
Қалғаны
Қара мақпал бүркенедi.
Тәулік

Мөлдір судың түбінде қиял қабық,
Үміттенер қалың жұрт қиялданып.
Маржан

Көлденең ілген ақ таяқ,
Тұтанар отпен жақпай-ақ.
Күндізгі сәулелі шам

Қадалды бір ине
Нүктедей түймеге.
Леп белгісі

Сырғалы құлақ бір,
Үн-түнсіз сұрап тұр.
Сұрақ белгісі

Тілден ұшып,
Құлаққа қонады.
Сөз

Бір жыланды таяққа іліп алдым,
Ерге қона, пайдасын біліп алдым.
Қамшы

Есімінде екі сөз бірігіпті,
Балалар бірін ұқпай, бірін ұқты.
Ақпанда Арқа жақтан барған кісі
Бұл қала тұрған маңда жылыныпты.
Шымкент

Алаудай туымыздың түсіменен
Есімін бұл қаланың мүсіндеген.
Күрішті, ырысты деп және айтамыз,
Ұл-қызы атына дақ түсірмеген.
Қызылорда

Жетісу мен Арқаның арасында,
Сынаптай көлбеген көл жағасында.
Орналасқан қаланың есімі де
Көл аттас, ойлансаң, сен, табасың да?
Балқаш

Тауы жоқ маңайында, қырат бәрі,
Бұл қала тау есімді бірақ тағы.
Қорытқан шойын, болат домнасының
Табысы тау міндетін тұр атқарып.
Теміртау

Аты оның тәтті жеміс есіміндей,
Жемісі халқының мол несібіндей.
Білмесең бұл қаланы, онда сенің
Қалады қателігің кешірілмей.
Алматы

Аяқтарым қалтылдап,
Қос тай міндім жалтылдақ..
Шапса, жұбын жазбайды,
Бір-бірінен озбайды.
Коньки

Дауысы бар, жаны жоқ,
Шертсең күйі, әні көп.
Құлағын он бұра.
Ол не?....
Домбыра

Торы тай,
Табанында төрт ай.
Таға

Елқорғайтын ерліке
Әуенімен шақырған.
Батылдыққа, елдікке
Әуенімен шақырған
Дабыл

Он екі бием бар еді, алтауы буаз,
Екеуі неғайбыл, екеуі тесік өкпе,
Екеуі күн қақты.
Қойда он екі мүше бар. Алты буаз бие деген ішінде майы бар алты жілік - екі асықты, екі тобықты, екі ортан жіліктер. Тесік өкпе – екі жамбас, күн қақты –екі жауырын.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады