Махаббатсыз дүние бос


Махаббат туралы талай ақын мен жазушылар жазатынның бәрін жазып тауысқан секілді. Бұл тақырыпқа келгенде Абай атамыздың «Махаббатсыз дүние бос, хайуанға оны қосыңдар» деген сөзі есіме түседі. Меніңше махаббат деген «сүйемін» деген сөзбен, бірге болып, үйленумен анықталмайды, шектелмейді. Ол ғашықтықтан да, сүюден де артығырақ, ауқымдырақ ұғым. Адам махаббатты сезіне білу үшін ең біріншіден ол Жаратушыға оған өмір бергені үшін, адамзатқа табиғатты мінсіз етіп жатарқанын бағалап, соған шүкіршілік ете білу арқылы, анасына алпыс екі тамыры иіп, түн ұйқысын төрт бөліп, осы күнге дейін жеткізгені үшін оны сыйлау арқылы сезіне алады.
Адал махаббат, пәк махаббат тек қана Жаратушыға, ана мен бала, әке мен бала арасында болатын секілді. Бала анасын сұлулығы үшін, мінезі үшін, не байлығы үшін жақсы көрмейді, тек қана анасының бар болғаны үшін жақсы көреді.Махаббатсыз дүние бос
Ана да баласын бір қасиеті үшін емес, тіпті баласы кім болса да аман жүруін тілеп, жақсы көреді. Яғни бұл махаббаттың ешқандай шарты жоқ.
Ал ер мен әйелдің арасында адал махаббат болуы мүмкін бе? Мүмкін болса, ол қандай? Қазіргі таңда жалпы махаббат ұғымы құнсызданып кетті деп жүрміз. Меніңше оның себебі қазіргі қоғамда адамгершіліктің төмендеуі, сыйластықтың жоқтығы. Қарапайым сыйластықсыз махаббат болуы мүмкін емес. Демек өз ата-анасын сыйлай білмеген ұл не қыз өз жұбайын сыйлауы, араларында махаббаттың болуы екіталай нәрсе. Махаббат деген «сүйдім, күйдім, сенсіз маған өмір жоқ» деген құр сөз емес. Ол қарапайым күйбең тіршілік кезінде сүйеу бола алу, өзінің талаптарың мен қажеттіліктеріңді дауламай, керісінше жұбайыңа мейірім, түсіністік сыйлай білу. Әрине қазіргі нарық заманында бұның бәрі бағалана бермейді. Жастар көбіне-көп нәпсісіне еріп, я белгілі бір есепке салынып кетеді. Сөйтіп жұбай таңдайды, үйленеді, үй болады. Бірақ уақыт өте келе сұлулығына не байлығына/ауқатты туысы болғанына т.б қызығып қосылған адамының қарапайым адамгершілігінің төмен/жоқ екеніне көзі жеткеннен кейін от болып жанған ғашықтық/сүйіспеншілік су сепкендей басылады. Кішкене қиындыққа төзе алмай немесе өзін ғана ойлап жұптар айрылысып жатады.
Сондықтан, жеке менің ойымша, махаббат қол ұстасып өмірбойы құанышың мен қайғыңды бірге бөлісіп, біріне-бірі сүйеу бола білген, сатқындық жасамай, бірін-бірі бағалай білген адамдардың арасындағы ғашықтық пен сүйіспеншіліктің жалғасы іспеттес болуы мүмкін. Яғни махаббат болуы үшін көпті бірге көріп, оған еңбегің сіңіп, өміріңнің қымбат бөлігі арналуы шарт.
Жақындарыңызды, жарыңызды бағалай біліңіз!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады
Пікір жазу

Ілмектер: махаббат