Ә.Кекілбаев «Аңыздың ақыры» повесі. Қазақ әдебиеті, 10 сынып, нұсқаулық. 7 сабақ.

Сәлемдесу.

Оқушылар түрлі-түсті таяқшаларды алу арқылы үш топқа бөлінеді.

Қызығушылықты ояту:

Ой сергек

Берілген авторлардың тақырыпқа қатысты көзқарастарына болжау жасайды

Бұл тұста өз идеяңызды қолдануға болады

Тапсырма.

Шығармадан берілген үзіндіні мұқият оқып, әміршінің ішкі жан дүниесін берудегі автордың идеясын өмір шындығымен байланыстыра отырып , айқындап төмендегі кестеге түсіруіңізге болады.

ТЖ. Әмірші арқасынан ауыр жүк түскендей, орнынан атып тұрды. Шуылдақ тобырдың айтып жүргені, шынында да, миға қонады. Біресе күлімдеп жайнап шығатын, артынша-ақ өкпелеген жас баладай жәудірей қалып, қырық құбылып тұратын мынау сиқыр мұнараны тек аспан астындағы ең ауыр тәж бен ең биік тақты иемденген бұның ғана астанасында тұруға лайық екені де рас. Ондай әсем мұнараны басқа қалаларға да салып, бағасын түсірмеу керек дегендерінің де әбден жаны бар. Ендеше мынау жарық жалғанда енді мұндай мұнара салынбауға тиісті. Ондай аса сирек өнер қонған бір туар шеберлердің қашанғы киетін кебін әлгі жас жігіт те кисін. Қай-қай Әмірші де ондай шеберді өзінен басқа ешкімнің қолына түсіргісі келмейді. Ендеше сол көп шуылдақтың дегендері-ақ болсын! Дәл мынадай көрікті мұнара бәрібір аңыз таратпай тұра алмайды. Ендеше оған лайық аңыз табылды. Естіген құлақтың қай-қайсысына да бірден қона кететін әбден қисыны бар.