алу
👈 қаріп өлшемі 👉
қосу

Сайын Мұратбековтің «Жусан иісі» хикаятындағы кейіпкерлер бейнесі. Қазақ әдебиеті, 6 сынып, сабақ жоспары.


Қысқа мерзімді сабақ жоспары

Ұзақ мерзімді жоспар бөлімі:

Мен балаң жарық күнде сәуле қуған...

Мектеп:

Күні:

Мұғалімнің аты-жөні: .

Сынып: 6 Т1

Қатысқан оқушылар саны: 20

Қатыспағандар:

Сабақтың тақырыбы

Сайын Мұратбековтің «Жусан иісі» хикаятындағы кейіпкерлер бейнесі

Оқу бағдарламасына сілтеме

6.А/И2.Эпикалық,поэзиялық шығармалардағы автор бейнесін анықтау.

Сабақтың мақсаты

Оқушылардың барлығы орындай алады:

Шығармадағы автор бейнесін анықтаймын.

Оқушылардың көпшілігі орындай алады:

Шығармадағы автор бейнесін өзге кейіпкермен салыстырамын.

Кейбір оқушылар орындай алады:

Шығармадағы кейіпкер бейнесін өз ойыммен, көркем тілмен жалғастырамын.

Бағалау критерийлері

Білім алушы

  • үзіндіден автор бейнесін анықтайды;
  • кейіпкерлер бейнесін өз ойымен жалғастырады;
  • көркем тілмен бейнелей алады.

Тілдік мақсаттар

жусан, шілбиген ақсақ қара бала, кекіл шаш, жұлдыздың нуы...

Сабақта қамтылатын құндылықтар

өзгеге құрмет, өзара ынтымақтастық

Пәнаралық байланыс

тарих

АКТ қолдану дағдылары

интерактивті тақтамен жұмыс

Осыған дейін меңгерілген білім

Т/Ж3.Әдеби туындыдағы кейіпкердің типтерін тек тұрғысынан сипаттау.

Жоспар

Жоспарланатын уақыт

Жоспар бойынша орындалуы тиіс іс-әрекеттер

Дереккөздер

Басы

Топқа бөлу. Ынтымақтастық атмосферасын қалыптастыру. Оқушылар шеңбер бойымен тұрып, бір-бірінің иығына қолын қойып, жақсы тілектер айтады.

Ой шақыру

  • Сайын Мұратбеков туралы не білеміз?
  • Жазушының қандай шығармаларын білесіздер?
  • Жусан дегеніміз не?
  • Жусанның иісі қандай болады?

http://adebiportal.kz/kz/authors/view/1819

https://yvision.kz/post/777635

Ортасы

Топтық тапсырма

Берілген үзіндіні оқыңыз. «Даналық кілті» әдісі арқылы

үзіндімен жұмыс жасаңыз.

1-топ. «Салыстыру» кілті.

Аян мен өзге балалардың бет-бейнесін, киімін, өзін ұстай білу қасиетін салыстырыңыз. Шығармада автор өз бейнесін қалай көсетеді? Себебін түсіндіріңіз.

Бағалау критерийлері:

  • үзіндіден автор бейнесін анықтайды;
  • кейіпкерлерді салыстырады.

2-топ. «Бағалау» кілті.

Жаңадан келген бейтаныс балаға өзгелердің жатырқай қарауының себебін анықтаңыз. Алғашқы таныстықты автордың ерекше бейнелеуіне баға беріңіз.

Бағалау критерийлері:

  • үзіндідегі автор бейнелеуіне баға береді;
  • іс-әрекеттің себебін анықтайды.

3-топ. «Егер де...» кілті.

Егер де автор болсаңыз Аян мен өзге балалардың алғашқы таныстығын қалай суреттер едіңіз.

Бағалау критерийлері:

  • автор бейнелеуінен өзгеше суреттейді;
  • қызықты етіп бейнелейді.

4-топ. «Керісінше» кілті.

Аян мен өзге балаларды керісінше бейнелеп, алғашқы таныстықтың қалай болғанын баяндаңыз.

Бағалау критерийлері:

  • автор бейнелеуін керісінше суреттейді;
  • ерекше көзқарас ұсынады.

Үзінді:

…Біз, балалар, көшеде екіге жарылып ап, қағазға топырақ орап, бұрқылдата лақтырып, атысып ойнап жүргенбіз. Ары өтіп, бері өткен кемпір-шал: «Желкең қиылғырлар-ай, соғыс аздай, бұл атысып ойнады дегенді қадай шағарды осылар, басқа ойын аз ба-ей!..» - деп ұрсып-ұрсып қуып тастайды. Бірақ олар кетісімен қайта жиналамыз. Қайта атысамыз. Желсіз тымырсық күнде бұрқылдаған май топырақ тұманша қалқып, шаңытып тұрып алады. Жуық арада сейіле қоймайды. Соның арасында тұншыға жүріп, көзіміз ғана жылтырап, бір-бірімізге «уралап» ұмтыламыз. Ойынның осындай бір қызу шағында біздің «атаман» - Садық кілт тоқтай қап:

- Әй, анау кім-ей? - деген.

Бәріміз сол нұсқаған жаққа қарадық. Анадай жерде: шолақ жең ақ жейде, тізеден жоғары қысқа қара шалбар киген, кекіл шашы бар, мұнтаздай таза бір бала тұр екен. Біз қараған кезде ол өзінше әлдеқандай боп кейкиіп, екі қолын қалтасына сап шіреніп қойды. Ойынды тастай сала бәріміз бірдей топырлап жүгіріп әлгінің қасына келдік. Адам көрмегендей бір-бірімізді кимелеп, қоршалай тұра қалдық. Үстіміздегі киімнің кімдікі қара, кімдікі ақ екенін біліп болмайды, баттасқан шаң-топырақ. Шетімізден ит талағандай алым-жұлым, алқа-салқамыз. «Бұл кім-ей? Қайдан келген-ей?» - деп бірімізді біріміз түртпектей береміз. Өзіне бастан-аяқ шұқшия қарап шықтық. Ол да сынағандай әрқайсымызды бір-бір шолып өтті. Біздің ұсқынсыз түрімізге көңілі толмаған сияқты, шолақ танауын тыржитып қойды. Қоңырқай жүзі тершіп, маңдайындағы біркелкі етіп қиылған кекіл шашын үрлеп тұрды. Кекіліміз жоқ бізге оның сол қылығының өзі кереметтей сүйкімді көрініп, қызыға қарадық...

Дифференциациялық тапсырма.

Есікбай мен Аянның бейнесін өз ойыңызша жалғастырыңыз. Көркем тілмен бейнелеңіз.

Есікбай - сидаң бойлы, қол-аяғы қара қайыстай қатқан ұзын, жүгіргенде алдына жан салмайтын, өзі төбелесқор, сотқар бала еді. Кейде қараптан-қарап келе жатып әркімге бір ұрынатын жаман әдеті бар. Әлі жеткенді аяқтан шалып қап, болмаса басынан тоқай алып жылатып жіберетін...

________________________________________________________________________________________________________________________________________________________________________

Аян өте ақ көңіл, ақылды бала екен. Адамды іш тартып тұратын жайдары жүзі, не десең де тез көне кететін жұмсақ мінезі бізді бірден үйіріп әкетті. Ең жақсы қасиеті - ешкіммен төбелесіп, сөзге келмейтіндігі еді. Бір-екі рет кейбір шатаққұмар балалар тиісіп ие көрген өзіне. Аян үндеместен қабағын түйіп, ондайлардан сырт айналып кетіп жүрді....

________________________________________________________________________________________________________________________________________________________________________

Бағалау критерийлері:

  • кейіпкерлер бейнесін өз ойымен жалғастырады;
  • көркем тілмен бейнелей алады.

«Ыстық орындық» әдісі. Оқушылар өз жазғандарын автор орындығына отырып, оқиды. Не себепті олай жазғанын түсіндіреді.

https://kitap.kz/books/zhusan_iisi

Сабақтың соңы

Кері байланыс

«Табыс сатысы»

Мен............. БІЛЕМІН,

Мен ............ ТҮСІНЕМІН,

Мен ...............  ЖАСАЙ АЛАМЫН.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Бағалау – Оқушылардың ақпаратты қаншалықты меңгергенін қалай тексересіз?

Пәнаралық байланыс

Қауіпсіздік ережелері

АКТ-мен байланыс Құндылықтармен байланыс (тәрбиелік элемент)

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланғануақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз.

Жалпы баға

Сәтті өткен екі нәрсені атап көрсетіңіз (сабақ беру және оқытуға қатысты)?

1:

2:

Қандай екі нәрсе сабақтың одан да жақсы өтуіне ықпалын тигізер еді (сабақ беру және оқытуға қатысты)?

1:

2:

Осы сабақ барысында сынып немесе жеке оқушылар туралы менің келесі сабағыма дайындалу үшін қажет болуы мүмкін қандай ақпарат алдым?


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Оқушылардың соңғы қоңырау мерекесі 1 маусымда өтеді 05.02.2023
» Ультракүлгін лак кептіргіштер қатерлі ісік ауруын тудыруы мүмкін 02.02.2023
» Қазақстанға 5G қашан келеді? 28.01.2023

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы