Зиянды, пайдалы әдеттер. Қазақ тілі, 10 сынып, сабақ жоспары.

Пән: қазақ тілі

1-нұсқа

Мектеп:

Ұзақ мерзімді жоспар бөлімі:

Адам өмірін сақтау. Тілдік жүйе және норма.

Күні:

Мұғалімнің аты-жөні:

Сынып: 10 Т1

Қатысқан оқушылар саны:

Қатыспағандар:

Сабақтың тақырыбы

Адам өмірін сақтау.

Зиянды, пайдалы әдеттер.

Осы сабақта қол жеткізілетін оқу мақсаттары

10.3.3.1 қажетті клишелер мен лексикалық құрылымдарды қолданып, көтерілген мәселе бойынша өз ойын дәлелдеп эссе жазу;

10.4.4.1 сөзжасамдық және синтаксистік нормаларды сақтай білу

Сабақтың мақсаттары

Лексикалық құрылымдарды қолданып, сөзжасамдық және синтаксистік нормаларды сақтай отырып, көтерілген мәселе бойынша өз ойын дәлелдеп эссе жазу.

Бағалау критерийі

• лексикалық құрылымдарды тиімді қолданады
• көтерілген мәселе бойынша өз ойын дәлелдеп жазады;
• сөзжасамдық және синтаксистік нормаларды сақтайды.

Тілдік мақсаттар

Тақырып аясында оқушылар клишелер мен лексикалық құрылымдарды орынды қолдануға үйренеді, өзге пәндер бойынша меңгерген білімін, алған ақпараттарын қазақ тілінде сауатты қолдана алады.

Құндылықтарды игерту

Жауапкершілік (өз тапсырмасын жауапкершілікпен орындау).

Құрмет (бір-бірінің ойына, пікіріне құрметпен қарау).

Пәнаралық байланыс

Валеология. Зиянды әдеттер және адам денсаулығына олардың әсер етуі. Оқушылардың зиянды әдеттерге кері қатынасын қалыптастыру, олардан бас тарту дағдыларын қалыптастыруға ықпал ету.

Бастапқы білім

Тілдік жүйе және норма.

Жоспар

 Жоспар бойынша орындалуы тиіс іс-әрекеттер

Қызығушылықты ояту

Оқушыларға бөлім атауына сай суреттер көрсетіледі. Суреттерге қарай отырып, оқушылар сабақтың тақырыбын анықтайды. Әңгімелесу, сұрақ-жауап жұмыстары жүргізіледі.

• Суреттерде не бейнеленген?
• Суреттер туралы не айта аласыз?
• Суретке қарай отырып сабақтың тақырыбын

айқындаңыз (қосымша басқа да жетелеуші сұрақтар қоюға болады).

Сабақтың оқу мақсаты таныстырылып, бағалау критерийлері оқушылармен бірге талқыланады.

Мағынаны тану

Жазылымға дайындық

Оқушылар әдеттер (пайдалы, зиянды) туралы не білетіндерін ортаға салады.

Оқушыларға зиянды әдеттер және олардың адам денсаулығына ықпалы туралы мәтін ұсынылады.

Оқушылар мәтінді оқып, зиянды әдеттердің өмір сапасына әсерін, ықпалын талдап, шағын пікірталас ұйымдастырады.

 Ой-талқы сұрақтары:

• Әдет деген не?
• Қандай әдеттерді зиянды деп атайды?
• Жақсы (пайдалы) әдеттер бола ма?

Жазылым тапсырмасы

«Зиянды әдеттерге «Жоқ!» деп айт» тақырыбында өз ойын дәлелдеп эссе (130-150 сөз) жазады. Эсседе ұсынылған тірек сөздерді орынды пайдаланады.

Тірек сөздер: зиянды әдеттер, шылым шегу, ішімдік ішу, есірткі және улы заттарды қолдану. Дене, психикалық, әлеуметтік тәуелділік.

Дескриптор:

• эссе құрылымын сақтайды;
• ұсынылған тірек сөздер мен тіркестерді орынды қолданады;
• өз ойын және шешімдерін дәлелді жеткізеді;
• сөзжасамдық және синтаксистік нормаларды сақтайды.

Таныстырылым. Бағалау.

«Шеңбер» әдісі бойынша оқушылар бір-бірінің эссесін оқып шығады. Жұмыстардағы үздік ой және идеялармен бөліседі.

Рефлексия. «Екі жұлдыз, бір тілек» әдісі.

Эссе жұмыстары бойынша өз ұсыныстары мен тілектерін айтады. Жазба жұмысында ескеретін жайттарға талқылаулар жасайды.

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді көздеп отырсыз?

Денсаулық және қауіпсіздік ережелерін сақтау

Ойлану

Сабақ мақсаттары/оқу мақсаттары жүзеге асырымды болды ма?

Бүгін оқушылар нені үйренді? Сыныптағы оқу атмосферасы қандай болды? Дифференциацияны жүзеге асыру қолымнан келді ме? Мен жоспарланған уақытымды ұстандым ба? Мен жоспарыма қандай өзгерістер енгіздім және неліктен?

Төменде берілген бөлімді осы сабақ туралы ойларыңызды жазу үшін пайдаланыңыз. Сол жақ бағанда берілген сабағыңызға қатысты ең маңызды сұрақтарға жауап беріңіз