Мәтінді есептерді екі айнымалысы бар сызықтық теңдеулер жүйелері арқылы шығару. Математика, 6 сынып, дидактикалық материал.

Математикалық қобдиша

Мысал – 1.

Екі трактор 7 күнде 147 га жер жыртты. Бірінші трактор үш күнде қанша жер жыртса, екінші трактор төрт күнде сонша жер жыртты. Бір күнде бірінші трактор неше гектар жер жыртады, екінші трактор неше гектар жер жыртады?

Мысал – 2.

Мұғалім бақылау жұмысын алу үшін сыныптағы оқушыларға дәптер парақтарын дайындады. Егер мұғалім сыныптағы оқушылардың әрқайсысына 2 парақтан таратса, 12 парақ артық қалады, ал әрқайсысына 3 парақтан тарататын болса, 16 парақ жетпейді. Сыныпта неше оқушы бар? Мұғалім неше парақ дайындаған еді?

Мысал – 3.

Егер бір жерден бір – біріне қарама –қарсы бағытта шыққан екі пойыз 3,2 сағ жүрсе, бір – бірінен 480 км қашықтықта болады. Ал егер бірінші пойыз 1,4 сағ жүрген соң оған қарсы бағытта екінші пойыз шықса, олар екінші пойыздың шыққан уақытынан 2 сағаттан кейін бір – бірінен 412 км қашықтықта болады. Бірінші және екінші пойыздың жылдамдықтарын табыңдар.