Тура пропорционалдық және оның графигі. Математика, 6 сынып, сабақ жоспары.

Қысқа мерзімді жоспар

Ұзақ мерзімді жоспар бөлімі:

6.4В Шамалар арасындағы тәуелділіктер

Мектеп: Атырау қаласындағы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

Қатыспағандар саны:

Сабақ тақырыбы

Тура пропорционалдық және оның графигі.

Осы сабақта қол жеткізілетін оқу мақсаттары (оқу бағдарламасына сілтеме)

6.1.2.23 тура пропорционал тәуелділіктерді танып білу және мысалдар келтіру.

6.2.1.12 тура пропорционалдықтың формуласын білу және графигін салу.

6.5.2.11 тура пропорционал шамалардың арасындағы шынайы тәуелділік-тердің графиктеріне талдау беру.

6.5.2.12 сипаттамасы бойынша тура пропорционалдықтың формуласын жазу.

6.5.2.13 тура пропорционалдықтың графигін салу.

Сабақ

мақсаттары

Оқушылар:

- тура пропорционал тәуелділіктерді таниды;

- тура пропорционалдықтың формуласын біледі және тура пропорционалдықтың графигін салады;

- сипаттамасы бойынша тура пропорционалдықтың формуласын жазады;

- тура пропорционал шамалар арасындағы шынайы тәуелділіктердің графиктерін түсіндіріп береді.

Бағалау

критерийлері

Оқушылар:

- тура пропорционал тәуелділіктерді таниды;

- тура пропорционалдықтың формуласын біледі және тура пропорционалдықтың графигін сала алады;

- сипаттамасы бойынша тура пропорционалдықтың формуласын жаза алады;

- тура пропорционал шамалар арасындағы шынайы тәуелділіктердің графиктерін түсіндіріп бере алады.

Тілдік

мақсаттар

Оқушылар:

- осы бөлімнің терминдерін пайдаланады;

- шамалар арасындағы тәуелділіктерге түсіндірме жасайды.

Пәнге қатысты лексика мен терминология:

- формула;

- шамалардың арасындағы тәуелділік;

- қашықтық, жылдамдық, уақыт;

- жұмыс, өнімділік, уақыт;

- баға, мөлшер, құны;

- масса, тығыздық, көлем;

- аудан, ұзындық, ені;

- ерітіндідегі заттың массасы, концентрация, ерітіндінің массасы;

- өлшем бірліктері;

- мәндер кестесі;

- тәуелділіктің графигі;

- тура пропорционал шамалар;

- тура пропорционалдықтың формуласы;

- пропорционалдықтың коэффициенті;

- кері пропорционал шамалар;

- тура пропорционалдықтың графигі.

Диалогқа/жазылымға қажетті тіркестер:

- ... тәуелділігін формула арқылы береміз;

- … шамасын тәуелділіктің формуласынан … арқылы өрнектейміз;

- … тәуелділігін көрсететін формуланы жазамыз;

- … мен … арасындағы тәуелділіктің графигін саламыз;

- … тәуелділігінің кестесін толтырамыз;

- егер … , онда екі шама тура пропорционал деп аталады;

- егер … , онда екі шама кері пропорционал деп аталады;

- шамалар тура пропорционал болады, себебі …;

- шамалар кері пропорционал болады, себебі … .

Құндылықтарды дарыту

Топтық және жұппен жұмыс жасата отырып оқушыларда өзара сыйластық, сенімділік, қарым-қатынасты қалыптастыру

Пәнаралық

байланыстар

Физика.

Бастапқы

білім

Формулаларды білу (қашықтық, жылдамдық, уақыт, тіктөртбұрыштың ауданы және т.б.). Теңдеудің белгісіз компоненттерін таба білу, алгебралық өрнектің мәнін таба білу. Координаталары бойынша нүктені координаталық жүйеде сала білу.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

0 – 3 мин

Сабақтың ортасы

4 - 18 мин

19 – 28 мин

29 – 30 мин

31 – 37 мин

Сабақтың соңы

38 – 40 мин

Ұйымдастыру.

Сыныпта психологиялық ахуал тудыру үшін оқушыларға смайликтер таратып, көңіл-күйлерін анықтау.

Кәне, кәне тұрайық,

Үлкен шеңбер құрайық.

Тұрсақ енді шеңберге,

Алақанды ұрайық.

Үй тапсырмасын қатар отырған оқушылар бір-бірінің дәптерін тексереді.

«Миға шабуыл» - өткен сабақтан сұрақтар қойылып, жауап алынады.

С-1: Шамалар арасындағы тәуелділік дегеніміз не? Мысал келтір

С-2: Шамалар арасындағы тәуелділіктерді берілу тәсілдеріне мысал келтір.

С-3: Аналитикалық (формула арқылы) шамалар арасындағы тәуелділікті берілу тәсілдерінің бірін түсіндір және мысал келтір.

С-4: Кестелік шамалар арасындағы тәуелділікті берілу тәсілдерінің бірін түсіндір және мысал келтір.

С-5: Шамалар арасындағы тәуелділікті берілу графиктік тәсілді түсіндір және мысал келтір.

С-6: Нақты процестердің графиктерін қолданып шамалар арасындағы тәуелділіктерді зерттеуді бола ма, қалай?

Жаңа тақырып.

Тура пропорционалды тәуелділік.

y = kx сызықтық функциясы және оның графигі.

Видео түсіндіру https://bilimland.kz/kk/subject/matematika/6-synyp/tura-proporczionaldyq-zhane-onyng-grafigi

сілтеме бойынша.

y = –2x сызықтық функциясының графигін салу.

(видео түсіндіру https://bilimland.kz/kk/subject/matematika/6-synyp/tura-proporczionaldyq-zhane-onyng-grafigi

сілтеме бойынша.)

Тәуелсіз айнымалы шама неше есе өскеніне (кемігеніне) байланысты тәуелді айнымалы шама сонша есе өссе (кемісе), онда бұл шамалар өзара тура пропорционал деп аталады.

Мысалы, 10 км/сағ тұрақты жылдамдықпен өткен S жол осы жолды өтуге жұмсалған t уақытына тура пропорционал:

t = 2 сағат болғанда S = 20 км,

t = 10 сағат болғанда S = 100 км.

Уақыттың 5 есе өсуі өткен жолдың 5 есе өсуіне әкелетіні көрініп тұр. Сондықтан S = 10t формуласы тура пропорционал тәуелділікті сипаттайды.

Анықтама. y = kx формуласымен берілетін x және y шамалары арасындағы тәуелділік тура пропорционалдық деп аталады. k – пропроционалдық коэффициенті, k ≠ 0.

y = kx формуласымен берілген тура пропорционалдықтың графигі – координаталар басынан өтетін түзу.

Мысал. x және y шамалары арасындағы тура пропорционал тәуелділік кестемен берілген.

x	2
y	6

Тәуелділіктің формуласын,

x =1, x =3, x =4 және x =5 болғандағы y мәндерін тауып, графигін сызайық. Берілген тәуелділік тура пропорционал болғандықтан, оның формуласын y = kx түрінде құрастырамыз. Кестеде берілгені бойынша 6 = k ⋅ 2, осыдан пропорционалдық коэффициенті табылады: k =6 : 2 немесе k =3. Яғни тура пропорционал тәуелділіктің формуласы – y = 3x.

Формула бойынша ізделінді мәндерін табамыз:

x = 1 y = 3 ⋅ 1 = 3;

x = 3 y = 3 ⋅ 3 = 9;

x = 4 y = 3 ⋅ 4 = 12;

x = 5 y = 3 ⋅ 5 = 15.

Кестені толтырайық:

x	1	2	3	4	5
y	3	6	9	12	15

Нүктелерді координат жазықтығында белгілеп, графигін сызамыз:

Жұптық жұмыс.

№1. Графиктің бойында жатқан нүктені табыңыз.

№2. a-ның мәнін табу арқылы әрбір тура пропорционал функцияның теңдеуін табыңыз.

№3. Әрбір функция графигін оның теңдеуімен байланыстырыңыз:

y = 5x	қызыл түсті
y = 0,25x	көк түсті
y = 2x	жасыл түсті

№4. Әрбір функция графигінің бойында жататын нүктелерді таңдаңыз:

Сергіту сәті.

«Көңілді күн»

https://www.youtube.com/watch?v=TwD0jZdUuC8\

Өз бетімен жұмыс.

Тест.

№1. y = kx формуласымен берілген функция ... деп аталады, мұндағы x – тәуелсіз айнымалы, k – пропорционалдық коэффициенті.

a) кері пропорционалдық

b) тұрақты

c) квадраттық

d) тура пропорционалдық

e) тұрақсыз

№2. Төмендегі көрсетілген тәуелділіктің қайсысы тура пропорционалдық болады?

a) y = 2x

d) y = 2

№3. тура пропорционалдықтың графигі қандай ширекте жатады?

a) II және III

b) I және II

c) I және III

d) II және IV

№4. Графигі E(6; –9) нүктесі арқылы өтетін тура пропорционалдықтың формуласын көрсет.

a) y = –3x

b) y = 2,5x

c) y = 2x

d) y = –1,5x

№ 5. Бос орындарды толтырыңыз.

1) Егер a = … болса, онда y = ax функциясының графигі x осі болады.

2) y = 6x функциясының графигі y = 2x функциясының графигінен ....

3) y = –4x функциясының графигі ... және ... ширектер арқылы өтеді.

4) Кез келген y = ax сызықтық функциясының графигі (…; …) нүктелері арқылы өтеді.

Сабақты қорытындылау.

Үйге тапсырма.

Шығармашылық тапсырма «Тура пропорционалдыққа» есеп құрастыру және графигін салу.

Рефлесия: «Пантомима» .

Қолдарын жоғары көтерсе – сабақ жақсы өтті,

Басы төмен - қанағаттанған жоқ,

Беттерін қолымен жауып алса – ұнамады.

Презентация

Математика.

Жалпы білім беретін оқулық мектептің 6 - сыныбына арналған,

Алматы «Атамұра» 2015, төртінші басылымы.
Г.В. Дорофеев. Л.Г. Петерсон. Математика 6 класс 2ч. «Ювента» - 2010г.и.
Қосымша 1
Қосымша 2

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы.

АКТ-мен байланыстар

Саралау тапсырмалары жұптық жұмыста және жеке жұмыстарда беріледі. Жұптық жұмыста қабілеті жоғары оқушылар өз жолдастарына көмек жұмысын ұйымдастырады.

Бағалау сабақтың барлық бөлімінде жүреді, ауызша жауап берген оқушыларды мадақтау, жұптық және жеке жұмыстарда өзара бірін-бірі бағалайды.

Оқушылармен сергіту сәті жаттығу жұмысы жүргізіледі.

Толық нұсқасын 30 секундтан кейін жүктей аласыз!!!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

kz | ҰМЖ, ОМЖ, ҚМЖ - Ұзақ, орта, қысқа мерзімді жоспар | Математика

07.04.2023

Автор: aiym2023
20

Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру