Статистикалық деректер және олардың сипаттамалары: арифметикалық орта, мода, медиана, құлаш. Математика, 6 сынып, сабақ жоспары.

Ұзақ мерзімді жоспар бөлімі:

6.4А Статистика. Комбинаторика

Мектеп: Химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Шайхиева Н.Ш.

Сынып:

Қатысқандар саны:

 Қатыспағандар саны:

Сабақ тақырыбы

Статистикалық деректер және олардың сипаттамалары: арифметикалық орта, мода, медиана, құлаш

Осы сабақта қол жеткізілетін оқу мақсаттары (оқу бағдарламасына сілтеме)

6.4.3.1

бірнеше сандардың арифметикалық ортасы, санды деректердің құлашы, медианасы, модасының анықтамаларын білу;

6.4.3.2

статистикалық санды сипаттамаларды есептеу;

 Сабақ мақсаттары

Оқушылар:

•  арифметикалық орта, сандық деректер қатарының құлашы, медианасы, модасы ұғымдарын біледі;
•  арифметикалық ортаны табады;
•  сандық деректер қатарының құлашын, медианасын, модасын табады.

 Бағалау критерийлері

Оқушылар:

•  арифметикалық орта, сандық деректер қатарының құлашы, медианасы, модасы ұғымдарын біледі;
•  арифметикалық ортаны таба алады;

- сандық деректер қатарының құлашын, медианасын, модасын таба алады.

 Тілдік мақсаттар

Оқушылар:

• осы бөлімге қатысты терминологияны қолданады;
• екі немесе одан да көп сандардың арифметикалық ортасын қалай табу керектігін түсіндіреді;
• сандық деректердің құлашын, модасын және медианасын есептеуге түсінік береді;

Пәнге тән лексика мен терминология:

- екі (үш және т.б.) сандардың арифметикалық ортасы;

- қатардың құлашы, модасы, медианасы;

Диалог пен жазу үшін пайдалы сөздер мен тіркестер:

- екі санның арифметикалық ортасын табу үшін ...;

- сандық қатардың құлашын табу үшін ... ;

- ... саны сандар қатарының модасы болып табылады;

- ... саны сандар қатарының медианасы болып табылады, себебі ...;

 Құндылықтарды дарыту

Топтық және жұппен жұмыс жасата отырып оқушыларда өзара сыйластық, сенімділік, қарым-қатынасты қалыптастыру.

 Пәнаралық байланыстар

Бастапқы білім

Сан құрамының разрядтарын біледі; «сан» және «цифр» ұғымдарының арасындағы айырмашылықты түсінеді.

Сабақ барысы

Сабақтағы жоспарланған іс-әрекет

Ұйымдастыру.

Сыныпта психологиялық ахуал тудыру үшін оқушыларға смайликтер таратып, көңіл-күйлерін анықтау.

Психологиялық ахуал

Керемет Тамаша Орташа

Кәне, кәне тұрайық,

Үлкен шеңбер құрайық.

Тұрсақ енді шеңберге,

Алақанды ұрайық.

Үй тапсырмасын қатар отырған оқушылар бір-бірінің дәптерін тексереді.

«Миға шабуыл» өткен сабақ бойынша қайталау сұрақтары:

С-1: Статистикалық шамаларға қандай шамалар жатады?

С-2: Сандардың арифметикалық ортасы дегеніміз не? Мысал келтір.

С-3: Өзгеріс ауқымы дегеніміз не? Мысал келтір.

С-4: Медиана дегеніміз не? Мысал келтір.

С-5: Мода дегеніміз не? Мысал келтір.

Сыныпты топтарға бөлу.

Себетпен конфет әкелу. Оқушыларға себеттен конфет алуларын сұраймын.Конфеттің түрлеріне қарай 3 топқа бөлініп отырады.

1-топ «Сары кәмпиттер»

2-топ «Көк кәмпиттер»

3-топ «Қызыл кәмпиттер»

Топқа арналған ереже:

• белсенді болу;
• шыдамдылық таныту;
• достық қарым-қатынаста болу;
• бір-бірінің ойын сыйлау;
• басқа адамды тыңдай білу;
• барлығын бірге жасау;

ынтымақтастықта жұмыс жасау.

 «Ой - қозғау» (ребусты шеше отырып тақырыпты ашу)

 Сандарда құпия көп жасырылған

 Жауабы: Санды дөңгелектеу

 Жауабы: Арифметикалық орта

 Жауабы: Өзгеріс ауқымы. Мода.

 Топтық жұмыс

Оқушылар топтық жұмыстарын постерде жазып, қорғайды. Оқушылар өткен сабақ бойынша өз түсініктерін постерге түсіреді.

 1 топ

№1. Бірнеше сандардың арифметиклық ортасы туралы айту, мысал келтіру.

№2. Арифметикалық ортасын табуға өмірмен байланысты есеп құрастыру, сынып қыздарының шаштарының ұзындықтары бойынша.

№3. Данияр аулаған балықтарын жеке-жеке өлшегенде, массалары: 1,2 кг; 3,24 кг; 1,9 кг; 2,16 кг; 2 кг болды. Даниярдың аулаған бір балығының орташа массасы неше килограмм? Балықтардың массаларының өзгеріс ауқымы неше килограмм?

 2 топ

№1. Сандардың өзгеріс ауқымы туралы айту, мысал келтіру.

№2. Өзгеріс ауқымын табуға өмірмен байланысты есеп құрастыру, сынып оқушыларының бойларының ұзындықтары бойынша.

№3. Комбайншы егін жинау кезінде: бірінші күні 15,2 га; екінші күні 16,2 га; үшінші күні 18,6 га; төртінші күні 16,2 га; бесінші күні 17,3 га жерден егін жинады. Комбайншының бір күнгі егін жинайтын егіс алқабының орташа ауданын табыңдар. Оның өзгеріс ауқымын есептеңдер. Модасы бар ма? Медианасы неге тең?

 3 топ

№1. Сандардың модасы, медианасы туралы айту, мысал келтіру.

№2. Сандардың модасын, медианасын табуға өмірмен байланысты есеп құрастыру, сынып оқушыларының аяқ киімдерінің өлшемдері бойынша.

№3. Қараша айының бір күнінде ауаның температурасы таңертенгілік 2⁰С, түсте 6⁰С, кешке 3⁰С, түнде 0⁰С болды.

• Ауаның тәуліктік орташа температурасы неше градус?
• Тәулік ішіндегі температураның өзгеріс ауқымы неше градус?
• Сол күнгі ауа температурасының модасы бар ма? Медианасы неге тең?

Сергіту сәті: «Көңілді қалпақ» ойыны.

Басына қалпақ түскен жеті оқушы жеті байлықты табады.

Бірінші байлық - денсаулық.Екінші байлық - еркіндікҮшінші байлық - тіл байлықТөртінші байлық - қайрат-күшБесінші байлық - ақ жаулықАлтыншы байлық - балаңызЖетінші байлық - жүз саулық

Шығармашылық жұмыс

Статистикалық шамалар бойынша топтарға әр түрлі

суреттер бере отырып, есептер құрастыру. Құрастырған есептерді топтар арасында бір-біріне бере отырып шығарту және оларды өз шығарғандары бойынша тексеру.

1 топ

2 топ

3 топ

Үйге тапсырма: №659

Рефлесия: «Білім теңізіне кеме жіберіңіз»

Тақырыпты жақсы меңгердім деген оқушылар кемелерін теңізге орналастырады,өзіне сенімсіздер жағаның шетінде қалады

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Саралау тапсырмалары жалпы сыныптық және жұптық жұмыста көрінеді. Қабілеті жоғары оқушылар жалпы және жұптық жұмыста бір-біріне көмек жұмыстарын ұйымдастырады.

Бағалау сабақтың әр бөлімінде жүреді. Оқушыларды әр түрлі смайликтермен немесе ауызша мадақтау.

Көзге жаттығу жұмыстары жүргізіледі.