Уақыт өлшем бірліктерін қолдану. Математика, 4 сынып, сабақ жоспары.

Пән: математика

4 В бөлім: Уақытты анықтауға берілген есептер

Күні:16.04.18

Сынып: 4В

Мектеп: Талдықорған қаласы физика-математикалық бағыттағы Назарбаев Зияткерлік мектебі

Мұғалімнің аты-жөні: Құрмансеитова Р.М.

Қатысқандар саны:

Қатыспағандар саны:

Сабақ тақырыбы

Уақыт өлшем бірліктерін қолдану

Осы сабақта қол жеткізілетін оқу мақсаттары (оқу бағдарламасына сілтеме)

4.1.3.4 уақытты: секунд, мин, с, тәулік, жыл, ғасыр олардың арасындағы арақатынастар негізінде түрлендіру

Сабақ мақсаттары

Уақыт өлшем бірліктерін пайдаланып логикалық есептер шығару.

Бағалау критерийлері

Уақыт өлшем бірліктер арасындағы арақатынастар негізінде түрлендіруді орындайды;

Уақыт өлшемдерінің жүйесін құрай алады.

Тілдік мақсаттар

Тапсырмаларды орындау барысында математикалық тілді дамыту.

Миссия. Пайымдау. Жаһандық азаматтық.

Өз уақытын үнемдей алатын, адами қасиеті жоғары тұлға тәрбиелеу.

Құндылықтарды дарыту

Сабақ барысында ұйымшылдыққа, ұқыптылыққа дағдыланады.

Пәнаралық байланыстар

Дүниетану, өнер пәндері көрініс табады.

Бастапқы білім

Уақыттың әртүрлі өлшем бірліктерін пайдаланып, уақытты анықтай білу дағдылары бар.

Сабақ барысы

Сабақтағы жоспарланған іс-әрекет

(Ж/Т) Оқушылардан үш адамнан құралған топта немесе жұпта олар отбасыларымен уақытты есептей отырып күн тәртібін қалай құрғандарын талқылауды сұрау. Өз ойларын флипчартта жазу.

(МК) Уақыт туралы деректер.

Сағат жоқ кездегі уақыт өлшемдері

Тарихи деректерге сүйенсек, ертедегі халық уақытты анықтауда өзіндік бай тәжірибе жинақтаған. Сондай-ақ, әр уақыт өлшемінің сөз өрнектерін таба білген. Шаруашылыққа сай ыңғайын қарастыра отырып, тәулік, апта, ай, тоқсан, жыл ұғымын қалыптастырды. Сондықтан да, тіліміз мезгіл өлшемдеріне қатысты атауларға бай. Ұлт танымында мерзім – уақыттың шамасын мен ұзақтығын білдіреді. Мәселен, сүт пісірім уақыт, бие сауым уақытт.б.

Мезгіл дегеніміз – уақыттың белгілі бір сәтін ғана білдіреді. Айталық, апақ-сапақта, екі кештің ортасында, елең-алаңда, түс кезінде т.б. Көктем, жаз, күз, қыс – мезгіл өлшемі болып саналады.

Мерзім өлшемін білдіретін тіркестер:

Бір сәт, қас қағым сәтте, ә дегенде – шамамен қазіргі 1 секундты білдірген;

Сүт пісірім уақыт – 5-10 минут;

Шай қайнатым – 40-60 минут

Бие сауым уақыт – 1,5 сағат;

Ас пісірім уақыт – 1,5-2 сағат;

Ет пісірім уақыт – 2-2,5 сағат;

Жарты күн – тәулік, яғни 24 сағат т.б.

Сәске – күннің бойы көтерілген мезгіл;

Ұлы сәске – түске жақындаған мезгіл;

Екінті – күн батуға жақындаған мезгіл;

Ақшам – күн батып, шам жағар  мезгіл. 

Ертеде бабаларымыз күндіз көлеңкеге, түнде жұлдызға қарап уақытты анықтаған көрінеді.

(Ө, Дифф.Қ) Оқушылар өз беттерімен жұмыс жасауы үшін басқа логикалық есептер мысалын беру.

• Бес адам 5 сағаттың ішінде 5 метр жерді қазады. Неше адам 100 сағаттың ішінде 100 метр жерді қазады?
• Сәкен мен Гүлжан таңертеңгі сағат 9-да мектептің жанында кездеспекші болып келісті. Олардың сағаттары дұрыс болмай шықты. Сакеннің сағаты 3 минутқа қалып қойған, бірақ ол, керісінше, 2 минутқа алда деп ойлайды. Ал Гүлжанның сағаты 2 минутқа алда, бірақ ол 3 минутқа қалып қойған деп ойлайды. Қалай ойлайсыңдар, олардың қайсысы кешігіп келеді?
• Әлішер,тәуліктің аяқталуына дейін қалған уақыттан гөрі тәуліктің басынан бастап өткен уақыт екі есе кем дейді. Әлішер мұны тәуліктің қай кезінде айтты?
• Ерте өткен заманда бір хан «Кімде кім 840 метр жүгіріп озып келсе, хандығымның жартысын және сұлу қызымды беремін» деп жар салыпты. Сонда тазша бала атына мініп жарысқа қатысып, 1 минутта 210 метр жүгіріпті. Ал 840 метрді жүгіріп өту үшін неше минут керек еді?
•  Бір түлкі ауылға кіріп әтеш ұрлап қашыпты. Қуғыншыдан қатты қорыққан түлкі сағатына 18 км жолды жүгіріпті. Ал ит түлкінің соңына 2 сағаттан кейін түседі. Түлкіні қуып жету үшін сағатына 24 км жүгіру қажет болса, ит оны неше сағаттан кейін қуып жетеді?
•  Мәдина Асқардан «Сенің жасың нешеде?» деп сұрады. Асқар: «Егер менің жасымды 3 есе көбейтіп, сосын 16 - ға азайтсаң, менің жасым 17 - де болар еді», - деп жауап берді. Демек Асқардың жасы қаншада екен?

(Ө,Қ) Қандай себеппен сағатқа (немесе ұялы телефонның сағатына) жиі қарайтындарын бақылауға оқушыларға үйге тапсырма беру.

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Логикалық тапсырмаларды деңгейлеріне сәйкес беру.

Есептерді талдау барысында қауіпсіздік ережелері ескертіледі.