Есептер шығару / Аулада демалу мәдениеті. Математика, 3 сынып, сабақ жоспары.

Тақырыбы: Есептер шығару / Аулада демалу мәдениеті

Мектеп:

Күні:

Мұғалімнің аты-жөні:Дастанбаева Ф.К

Сынып:3

Қатыспағандар саны:

Оқу мақсаттары

3.5.1.2 есептерді шығаруда «бір заттың массасы», «саны», «жалпы масса»/ «бір затқа жіберілген шығын», «заттардың саны», «жалпы шығын»/ ұзындығы, ені, ауданы ұғымдарының өзара тәуелділігін пайдалану

Сабақтың мақсаттары

Тілдік мақсаттар

Тірек білім, білік, дағдылар

Көбейту амалдарының орындалу тәртібі.

шамалар арасындағы қатынас: «бір заттың массасы», «саны», «жалпы масса»,уақыт өлшем бірлігі: мин, сағ, секунд.

Жоспар

Жоспарланған іс-әрекет

Ынталандыру.

Көп күттірген қоңырау соғылды,

Математика сабағы басталды.

Мысалдар мен есептер,

Ойындар да шытырман бәрі сендер үшін!

Барлығыңа табыс тілеп,сәт сапар тілеймін,шын!

Міне, балалар, шын жүректен табыс тілей отырып, сабағымызды жақсы көңіл күймен бастайық!

Өзектендіру.

Оқулықтағы 1-тапсырманы орындауды

ұсынылады. Оқушыларға үшбұрыштар таратады. Оқушылар үшбұрыштарға оқулықта берілген шамалардың ішінен өздері қалаған шамаларды жазады. Шамаларды қалай есептеуге болатынын түсіндіреді. Сол жазған шамаларына қатысты есептер құрастырады.

«Смайликтер» арқылы кері байланыс беру

Мақсатты бекіту (мәселелі жағдаяттар).

1-тапсырманың орындалуын тексергеннен кейін, мұғалім оқушылардан бүгінгі сабақтың мақсатын тұжырымдауды сұрайды (шамаларға байланысты есептер құрастыру және шығару).

Өзіндік жұмыс.

«Құрастыр,шығар» 2-тапсырманы оқушылар өз беттерімен орындайды. Кесте бойынша есеп құрастырып,шығарады.

Есептеу тәсілдерінен қателік жібермеген оқушылар келесі тапсырмаларды орындауға көшеді. Ал қателіктер жіберген оқушылар дәптердегі бағалауымен тапсырманы орындап, өзара тәуелді шамалар туралы білімдерін нақтылайды.

Сөздік бағалау «Жарайсың!», «Өте жақсы!», «Керемет!»

Ауданды тап. 3-тапсырма сызбаны пайдаланып, алдын-ала дайындалған тіктөртбұрыштар мен шаршыларды оқушыларға тарату.Алдымен жеке орындайды сонан соң жұппен бірін-бірі тексере отырып, ауданын табады.

«Шапалақ» арқылы бағалау

Егер жауап толық болса үш рет шапалақ ұру

Жартылай толық болса екі рет шапалақ ұру

Толық емес жауап болса бір рет шапалақ ұру арқылы бағалау

Өткенмен жұмыс

Осыған дейінгі тапсырмаларды сәтті орындаған оқушыларға 4-тапсырманың (а) нұсқасын ұсынуға болады. Есепті тақтада орындатуға болады. Мұғалім есепке талдау жасатады.

• Туған күнге барлығы неше шар әкелді? (10 данадан 5 қорап, 10 • 5=50 )
• Неше қалпақ әкелді? ( шардан 2 есе кем, 50: 2=25)
• Неше конфетти әкелді? (қалпақтан 5 есе аз, 25:5=5)

Оқушылардың назарын есептің шартын, сұрағын, шешуін, жауабын дұрыс жазуларына аудартады.

4-тапсырманың (ә) нұсқасын практикалық жұмыс ретінде орындайды. Оқушылар батпырауықтардың аудандарын анықтайды. Тапсырманы орындау үшін мұғалім жетекші сұрақтар қояды:

Бірінші батпырауық қандай пішінді? (үшбұрыш)

Біз берілген үшбұрыштың ауданын бірден таба аламыз ба? (Жоқ)

Берілген үшбұрыштың ауданын қалай табуға болады? (Екі тікбұрышты үшбұрыш ретінде қарастырып.)

Тікбұрышты үшбұрыш ауданын қандай формуламен табамыз? (S = (a · b) : 2)

Осыдан кейін, оқушылар өз беттерімен батпырауықтардың аудандарын табады.

Сөздік бағалау «Жарайсың!», «Өте жақсы!», «Керемет!»

(Ө.Ж) Амалдарды орындау. 5-тапсырманы өзіндік жұмыс түрінде орындау ұсынылады.. Оқушыларға амалдардың орындалу ретін сақтап, есептеуді орындайды.

«Өзара бағалау» Жұптар жұмыстарын ауыстырады да бір- бірінің жұмыстарына бағалау жасайды.Әр дұрыс жауап 1 баллмен есептейді

7 – 9 балл «өте жақсы»

4 – 6 балл «жақсы»

1 - 3 балл «талпын»

6-тапсырманы орындау зерттеушілік қасиетті талап етеді. Мұғалім оқушыларға екі алаңқайдың шаршы пішінді екенін ескертеді. Бір шаршының периметрін анықтап, оның цифрларының орнын ауыстырсақ екінші шаршының ауданы шығатынын түсіндіреді және бұл сан 90-нан аспайтын сан екенін айтады. Оқушылар әртүрлі нұсқаны ұсынуы мүмкін. Мысалы: бірінші шаршының периметрі-84см, цифрларының орындарын ауыстырсақ екінші шаршының периметрі – 48см.

«Смайликтер» арқылы кері байланыс беру

Сабақтың тақырыбы бойынша сұрақтар құрастыр.

Әр жаңа сабақта немесе бекіту сабағында оқушылар сұрақтар құрастырады. Бұл тақырыпты ұғынып, дұрыс қабылдауға мүмкіндік береді. Оқулықта берілген сөздермен сұрақтар құрастыру керек. Мына тәсілдерді қолдануға болады: түймедақ немесе Блум кубигі.

Кері байланыс

«Кеме» әдісі арқылы кері байланыс жасау.

Құмды жағалаудың суреті ілінеді.Сабақты жақсы түсінген оқушылар кемені теңізге орналастырады.Ал,сенімсіз оқушылар кемені құмды жағалауға орналастырады.