Кешкі ас мәзірін жазу№2. Қазақ тілі (орыс сыныбы), 1 сынып, сабақ жоспары.

Ұзақ мерзімді жоспар бөлімі:

7-бөлім: Тамақ және сусын

Мектеп: Талдықорған қаласындағы физика-математикалық бағытындағы Назарбаев Зияткерлік мектебі

Мұғалімнің аты-жөні: Кушерова Л.К.

Күні:

Сынып: 1

Қатысқандар саны:

Қатыспағандар саны:

Сабақтың тақырыбы

Кешкі ас мәзірін жазу№2

Осы сабақта қол жеткізілетін оқу мақсаттары (оқу бағдарламасына сілтеме)

4.2 Көркемдегіш құралдарды пайдаланып жазу

1.4.2.1 Қарапайым, түсінікті тілмен жазады.

4.1 Әр түрлі стильде жазу

1.4.1.1 Білетін әріптерді пайдалана отырып, сөздер құрастырып жазады

Сабақтың мақсаттары

Барлығы: Қарапайым тілмен жазады. Мұғалімнің көмегімен білетін әріптерді пайдалана отырып, сөздер құрастырып жазады

Көбі: Қарапайым, түсінікті тілмен жазады. Өздері білетін әріптерді пайдалана отырып, сөздер құрастырып жазады

Кейбірі: Қарапайым, түсінікті тілмен жазады. Білетін әріптерді пайдалана отырып, сөйлемдер құрастырып жазады

Жетістік критерийлері

Әңгімені қарапайым, түсінікті тілмен жүйелі және сауатты жаза алады.

Білетін әріптерді пайдалана отырып, сөздерді өздігінен дұрыс жаза алады.

Тілдік мақсаттар

Пәнге тән лексика мен терминология:

Кешкі асқа анамен бесбармақ дайындадық. Бесбармаққа су, ет, тұз, бұрыш, пияз, қамыр саламыз. Дайын болғанда үстелге қоямыз. Ас дәмді болсын!

Құндылықтарды дарыту

Дұрыс тамақтануға үйрету, денсаулықты бала кезінен күтуге тәрбиелеу.

Пәнаралық байланыс

Сауат ашу сабағы

АКТ қолдану дағдылары

Бастапқы білім

Кешкі ас мәзірін жазу№1

Сабақ барысы

Сабақтағы жоспарланған іс-әрекет

Ертеңгілік шеңбері

(Ұ) Сынып оқушылары шеңбер бойымен отырып, «Менің ұнататын/ұнатпайтын тағамым, сусыным» деп, кезекпен кеспе қағазда жазылған тағамдарды атап мысал келтіреді.

(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.

(Ж) Оқушылар жұптасып ас мәзірін құру барысында қандай тағамдарды жазатындарын талқылайды. Олар дәптерлеріне тағамның суретін салып, астына аттарын жазады.

(Ұ) Кейбір оқушылардан ас мәзірі бойынша пікірлерін айтуды сұрау.

(Ө) Оқушылар қажет болса кеспе қағаздарды қолданып, кешкі ас мәзірін дайындайды.

СЕРГІТУ СӘТІ.

Қантты қытыр-қытыр жейміз. (ерінді қимылдату арқылы көрсету)

Шайды үрлеп-үрлеп ішеміз. (ерін алға жылжиды)

(ҚБ) Оқушылар үлгіге қарап, кешкі ас мәзірін жазады.

ҮЛГІ:

Кешкі асқа анамен бесбармақ дайындадық. Бесбармаққа су, ет, тұз, бұрыш, пияз, қамыр саламыз. Дайын болғанда үстелге қоямыз. Ас дәмді болсын!

Жетістік критерийі:

• Әңгімені қарапайым, түсінікті тілмен жүйелі және сауатты жаза алады.
• Білетін әріптерді пайдалана отырып, сөздерді өздігінен дұрыс жаза алады.

Дифференциация:

Қабылдау деңгейі жоғары оқушылар:

әсем безендірілген ас мәзірінің мұқабасын, тамақты сипаттайтын сөйлемдерден тұратын қызықты ас мәзірін дайындайды.

Қабылдау деңгейі орташа оқушылар:

тамақ туралы жазу үшін үлгідегі сөздер мен тіркестерді пайдаланады.

Рефлексия

Мен бүгін сабақта ..., ..., ... үйрендім.

Бағалау – оқушылардың материалды меңгеру деңгейін тексеру жоспарыңыз?

Бірнеше тапсырмаларды жоспарлау кезінде олардың бір-бірімен байланысты болуына баса назар аударамын. Мысалы, бірінші тапсырмада ақпарат берілсе, келесі тапсырманы сол алған ақпараттарды қолдануға құрамын.