Таңдау операторы. Информатика, 8 сынып, дидактикалық материал.

Таңдау операторы

Таңдау операторы (ауыстырып қосқыш операторы) бірнеше мүмкін нұсқалардың ішінен біреуін немесе бірнешеуін таңдау үшін пайдаланылады.

Таңдау құрылымының жазылуы

switch (өрнек)

  {

 case константа1 : оператор1 ; break;

case константа2 : оператор2 ; break;

  . . . . . . . . . . .case константаN : оператор2 ; break;

default: операторлар;]

}

Мұнда:

өрнек - бүтін айнымалы немесе шарт;

константа№ –константа немесе константалық өрнек түріндегі белгі;

default –бұл егер өрнек ешқандай да константамен сәйкес келмеген жағдайда орындалатын операторға белгі;

break – ауыстырып қосқыштан шығу операторы.

Switch операторының орындалуы:

• Switch операторы орындалған соң, switch (мәні әрдайым тек бүтін сан болуы тиіс) операторынан кейін тұрған әрекет орындалады.
• Алынған нәтиже біртіндеп case соң орналасқан тұрақтылармен салыстырылады.
• Бірінші сәйкестік табылған кезде, сонан соң орналасқан оператор орындалады.
• Егер орындалған операторлар ауысу операторына сай келмесе, онда келесі жағдайлар қарастырылады. Және бұл әрекет барлық варианттар үшін қарастырыла береді, ауыстырып қосқыш кездескенге дейін.
• Егер switch сөзінен кейінгі өрнек ешқандай да тұрақтымен сәйкес келмесе, онда default белгісінен кейінгі команда орындалады. Кейбір жағдайларда default белгісі болмауы да мүмкін.

Таңдау конструкциясының блок-схемасы

Таңдау конструкциясына мысал

char ZNAC;

int x,y,z;

switch (ZNAC)

{

case '+': x = y + z; break;

case '-': x = y - z; break;

case '*': x = y * z; break;

case '/': x = u / z; break;

default : ;

}