Ән өнері «Аққұс туралы аңыз» Оразбек Бодықов. Әдебиеттік оқу, 3 сынып, нұсқаулық.

Пән: Әдебиеттік оқу

Бөлім: Өнер

Сабақ тақырыбы: Ән өнері «Аққұс туралы аңыз» Оразбек Бодықов

Оқу мақсаттары:

3.2.5.1 көркем шығармадағы оқиғаның басталуын, дамуын және аяқталуын анықтау

3.2.6.1 кейіпкерлердің іс-әрекеті, мінез-құлқының өзгеру себептерін мәтіннен дәлелдер келтіріп бағалау

Сабақ мақсаттары

Барлық оқушылар: мәтіннің мазмұнын түсінеді, құрылымдық бөліктерін (басы, ортасы, соңы) ажыратады

Көпшілік оқушылар: мәтіндегі негізгі ойды білдіріп тұрған сөйлемді анықтайды, кейіпкерлерге мінездеме бере алады;

Кейбір оқушылар: кейіпкердің іс- әрекетінің, мінез-құлқының өзгеру себептерін анықтайды, дәлелдер келтіріп бағалайды, өз ойын айтып, қорытынды жасайды.

Бағалау критерийлері

• Мәтінді түсініп оқиды
• Мәтіннің құрылымдық бөліктерін (басы, ортасы, соңы) ажыратады
• Мәтіннен негізгі ойды білдіретін бөлікті анықтайды
• Кейіпкердің іс-әрекетіне, мінез-құлқына баға береді

Сабақ барысы

Сабақтағы жоспарланған іс-әрекет

Сабақтың басы

Ширату

Құлақтан кіріп, бойды алар,

Жақсы ән мен тәтті күй.

Көңілге түрлі ой салар,

Әнді сүйсең, менше сүй

Топқа бөлу «Түс таңдау» әдісі

Сары, көк, жасыл, қызыл-4 топ құру

Сурет бойынша болжам жаса

Тақырыпқа болжам жасайды.

Мәтінмен жұмыс - Тірек сөздер құру 3 мин

Мәтінді орындамас бұрын сурет бойынша өтетін сабаққа болжам жасайды.Суретке қарап өз ойларын айтады

Сабақтың ортасы

1-тапсырма

(Т,Ұ) «Әдеби шеңбер» әдісі

1-топ Белгілеуші

Мәтінге көз жүгіртіп, әңгіменің жалпы тақырыбы мен маңызына қатысты 3 немесе 4 маңызды бөліктерін белгілейді. Олар қызықты, күлкілі, ой тудырарлық болуы мүмкін. Бөліктерді өз топтарында дауыстап оқиды және олардың маңыздылығын талқылайды. Мәтіндегі негізгі ойды анықтайды

Оқиғаның басталуы:

Жалғасуы:

Аяқталуы:

2-топ Байланыстырушы

Мәтін мен шынайы өмір арасындағы 2 немесе 3 байланысты анықтайды. Бұл оқиғаларға өзінің жеке өмірінен, мектепте болып жатқан іс-шаралардан, басқа адамдар өмірінен, күнделікті жаңалық тақырыптарынан немесе тіпті теледидар бағдарламаларынан алынған оқиғалар жатуы мүмкін. Оларды тізіп жазады, тобымен пікір алмасады және сынып алдында жұмысын қорғайды.

3-топ Қорытындылаушы

Мәтіннің мазмұнын қорытындылайды, шығарма композициясына тоқталады және шығарманың маңызды жерлерін атап өтеді.

4-топ Суреттеуші

Мәтінге қатысты нақты немесе абстрактілі сурет салады. Сурет салу қабілеті бұл жерде басты емес; мәтіннің басты оқиғасын немесе кейіпкерін суреттеп жеткізе алуы маңызды. Мультфильм бейнелерін, диаграмма , сызбанұсқа, кесте арқылы беруге де болады.

Саралау: Топта ой бөлісіп, ойларын ортаға салып, ортақ шешімге келеді.Көмек қажет ететін оқушыларға қосымша уақыт беріледі

Нұсқаулық

Тапсырманы парақшаға жазып беру. Топтар өздеріне берілген тапсырманы оқиды. Ұйымдаса отыра орындап болған соң жұмыстарын қорғайды

ҚБ «Бір- бірін бағалау»

Топтар бір -бірінің жұмысын бағалау арқылы әр топ жұмысында нені жақсарту керектігін анықтайды

2-тапсырма

(Т,ЖЖ) Ой қозғау” әдiсi:

Топтарға:

1.Шәмші Қалдаяқов кім?

2. Оның қандай әндерін білесің?

3.Халық композиторды неліктен жақсы көреді?

4.Өз сөзіңді «Шәмшінің әндері мәңгі жасайды. Ән де, әнші де туған еліне құс сияқты қалықтап, биікке ұша береді» деген пафоспен аяқта

Әншінің бір әнін орындау

Саралау:Баланың тәжiрибесiне сүйене отырып, жеке, топтық және ұжымдық талқылау арқылы берiлген тақырып мазмұнымен өз бетiнше жұмыс жасауына бағыттап, қызығушылықты ояту

Нұсқаулық

Топтарға бірдей тапсырма беріледі.Топтан бір оқушы шығып, жауаптары оқиды. Топтар бірігіп әншінің бір әнін орындауларына болады.

ҚБ «Екі жұлдыз,бір тілек»

3-тапсырма

(Т,Ұ) “Вен диаграммасы” әдiсi

Әннің құдіреті Ұқсастығы Күйдің құдіреті

Саралау

Екi нәрсенi, екi мәселенi қиылысқан екi шеңбердi сызбамен салыстыруға бағытталған, мағынаны тануға арналған

ҚБ «Бас бармақ»

Оқушылар мәтінді оқып болған соң, қаншалықты түсінгендерін бағалау.

Сабақтың тақырыбы мен оқу мақсаты таныстырылады. Бағалау критерийімен таныстыру немесе бірлесе құрастыру.

4-тапсырма

(Ж)"Шың" әдісі

Пайдаланатын мақсаты: шығарма кейіпкерлеріне талдау жасауға, мінездеме беруге арналған.

Орындау барысы: Әр оқушының дәптерінде шыңырауға апаратын жолаяғы бар Биік Шыңның суреті салынады. Шыңырау – жаман адам/кейіпкер, ал Биік шың – мінсіз адам/кейіпкер болып табылады. Өтіліп жатқан шығарманың кейіпкердің орнын осы суретте нүкте арқылы белгілеу керек. Дәптерге тапсырманы орындайды. Шығарманың бірнеше кейіпкерін алатын орны, маңыздылығына қарай шың басына не шыңырауға орналастыруға болады.

Саралау: Шығармадағы кейіпкерлердің алатын орны, маңыздылығына қарай орналастыру жұмысында барлық оқушыға бағытталған нұсқау бере отырып, не күтетіндігін түсінгендеріне көз жеткізу.

Нұсқаулық

Дайын суретті де беруге болады. Суретке шығарманың бірнеше кейіпкерін алатын орны, маңыздылығына қарай шың басына не шыңырауға орналастыруға болады.

Шыңдағы өздерінің орындарын көрсетуді сұрауға да болады.

ҚБ «Смайликтер»

Сабақтың соңы

“Пайымдау сұрақтары” әдісі:

Сабақ соңында мұғалім оқушыларды ой-толғаныс жасауға итермелейтін сұрақтар қояды: Сабақта не маңызды болды, не қызық болды, жаңадан не білдіңдер, не үйрендіңдер т.с.с. Бір сұраққа бірнеше оқушы жауап беруі мүмкін.