Қазақша өлең: Ғафу Қайырбеков ("Кітапхана" журналына) » ZHARAR © 2017 | ғафу қайырбеков Кітапхана журналына өлең стихи на казахском гафу каирбеков олен казакша, гафу каирбеков олендери, Кітапхана журналына, кітапхана туралы өлеңдер, кітапхана туралы әндер




  • »

Қазақша өлең: Ғафу Қайырбеков ("Кітапхана" журналына)

Қазақша өлең: Ғафу Қайырбеков (

Сәлем, саған - сағындырған жас перзент!
Сен қарыштап туа салып, өс, ержет!
Бүкіл қазақ кең даласын арала,
Малшылармен тауға шығып, төске өрлеп!
Егіншілер, балықшылар, кеншілер,
Оқыр сені, өз мүлкіндей еншілер.
Жарқылдашы сен жастардың қолында,
"Кел білімнің шарайнасы, келші",- дер.
Солар ертең болашақтың тірегі -
Өз ұлтымен бірге соққан жүрегі.
Біз мемлекет бола алмаймыз білімсіз,
Білім ғана - бар құрылыстың сүйегі.
Білім ғана - өркендеудің ақ жолы,
Содан ғана елдігіңнің бар, жоғы.
Көрінеді көлденеңнің көзіне,
Осы бастан келешекке қамда оны!
"Кітапхана" - атың сенің тым ыстық,
Жаңа таңда жарқыраған күміс шық,
Секілденіп жанымызға нұр тамыз,
Сен құстай боп көзімізде жүр ұшып.
Сені Абайдың аруағы жебесін,
Сені Ыбырай ықыласы демесін,
Сен айналып шағаладай шарықта
Біздің жаңа ғылым, білім кемесін!
Енді алдыңда айдай анық жол жатар,
Сен арқылы ел сәлемін жолдатар!
Сен жасай бер, жақсылықтың жаршысы,
Саған бүгін мен тілеймін оң сапар!


Санат: KZ портал » Қазақша Өлеңдер жинағы | | 344
Рейтинг:
(голосов: 0)

.

MixAdvert

MarketGid

Соңғы пікірлер:
. .