Ғабиден Қожахмет (Қыз ұзатып жатқан ата-анаға өз перзенттерінің тілегі)

 Ғабиден Қожахмет (Қыз ұзатып жатқан ата-анаға өз перзенттерінің тілегі)

Осылай өмір сыйын ұсынғаны,
Парыз ғой қызды ұядан ұшырмағы.
Мінеки, ата-анамыз балапанын
Ниет қылды ұясынан ұшырғалы.

Сіңіп еді бізге ардақты сөздеріңіз,
Сіздерден тәлім жолын сезгеніміз.
Аяулы, асыл жандар ретінде
Әр шақта тек жақсылық көздедіңіз.

Жылдарға жүгін артқан көшті ұғыңыз,
Өсіп еді аялаумен бес қызыңыз.
Екеу боп екі жақтан сол шаттыққа
Тағы да қос қуаныш қосты ұлыңыз.

Бес қыздың бірі ұзап барады енді,
Өз орнын жаңа өмірден табады енді.
Осынау тойдың үлкен қуанышы
Сіздерге бір толқыныс ала келді.

Біздерге ардақты еді сеніміңіз,
Бақытты болсын мәңгі елігіңіз.
Қыз өсірген ата-ана шын ардақты,
Әрдайым сауапты іске жолығыңыз.

Ұзады бақыт жолға тағы бір із,
Бойында сіздер берген тәліміңіз.
Әрдайым құдалардың арасында
Ұл мен қыз арқылы артсын қадіріңіз.

Өмірде орындалып ойларыңыз,
Мәңгілік тарқамасын тойларыңыз.
Үмітін ата-ананың ақтайтұғын
Бақытты болсын ұл мен қыздарыңыз!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады