Қазақша өлең: Ақберен Елгезек (Тылсым түс) » ZHARAR © 2016 | ақберен елгезек Тылсым түс өлең акберен елгезек стих олен , ақберен елгезек өлеңдері , ақберен елгезек сайты , акберен елгезек сайты олен стих,акберен елгезек стихи на казахском




  • »

Қазақша өлең: Ақберен Елгезек (Тылсым түс)

Қазақша өлең: Ақберен Елгезек (Тылсым түс) казакша Қазақша өлең: Ақберен Елгезек (Тылсым түс) на казахском языке

Ғарыштан шашылған күйге бір,
Сенімен түсімде биледім.
Аппақ нұр дірілдеп иеді,
Біз тұрған нүктенің жиегін.
Сол бір сәт...шуақты түсімде,
Біз ендік періште пішінге.
Бұйығы бұлттардың ішінде,
Айналдық ақ көбік мүсінге.
О, қандай ғажап түс, киелі,
Ләззаттың отына күйемін!
Санамда мың шуақ түн түрсе,
Жұмбақтар жауабын білемін,
Қос қанат арқаңда сілкінсе,
Ұштарын құмартып сүйемін!
Дір етіп болмысты балқытсын,
Білекке тигенде білегің,
Гүлдердің жұпарын аңқытсын,
Қауызы ашылған жүрегім!
Мұнартып, көрінбей Жер мүлде,
Екеуміз биледік сеңгірде.
«Сүйем» деп тіл қаттың сен бірде,
Күбірлеп не айтты жел Күнге?
Жадымнан өкініш жоғалды,
Бәрі де, бәрі де оңалды.
Түстегі жолыққан сәттерім,
Өмірде өңімдей боп алды...
Ішімнен кеткендей торы мұң,
Сол түсті жақсыға жорыдым.
Түсімнен өңіме өтіп ап,
Қасымнан кетпеші жарығым!


Санат: KZ портал » Қазақша Өлеңдер жинағы | | 428
Рейтинг:
(голосов: 0)

.

. .