👈 қаріп өлшемі 👉

Қадыр Мырза Али (Не қалады?)

 Қадыр Мырза Али (Не қалады?)

Не қалады?
Шаң қалады көштерден.
Майы біткен шам қалады кештерден.
Не қалады?
Қалады тек қи ғана
Қотандарда
Қойлар өрген,
Ешкі өрген.
Не қалады?
Тас қалады таулардан.
Қурап кеткен бас қалады жаулардан.
Не қалады?
Қалады тек арамшөп
Бір кездегі бақша менен баулардан.
Не қалады?
Тат қалады темірден.
Не қалады?
Күл қалады көмірден.
Сондықтан ба,
Бәрі керек болғанмен,
Көп алуға құмартпадым өмірден.
Екі қолды жылы суға малуға
Үйренбедім,
Үйренбедім әлі «уға».
Өзгелердей
Ағыл-тегіл өмірден
Алам десем болар еді алуға!
Сайтан айтқан сайқал сөзге сенем бе?
Байлықсыз да бағалымын мен елге.
Мен қаншалық алсам жомарт өмірден,
Сонша алады сараң өлім менен де!
Уақыт әлі сылып көзден шеліңді,
Шығарады кеудедегі желіңді.
Ертегі айтып,
Шеһаризада сияқты
Алдарқату мүмкін емес өлімді!

Кейінірек оқу үшін сақтап қойыңыз:


Қарап көріңіз 👇



Жаңалықтар:
» «Елімізде ескі несиелер кешіріледі»: министрлік өзгерістерді түсіндірді. 27.07.2022
» Кәрім Мәсімовтың шетелдегі 3 млн доллары елге қайтарылды 19.07.2022
» Түркістандық өртеніп жатқан ғимараттың төбесінен туды алып шықты 19.07.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы