«Ата-анасы вакцина алмаған оқушылар мектепке кірмейді»: Ақпаратқа түсінік берілді


Елорда мектептерінің бірінің ата-аналар чатында вакцина алмаған ата-аналардың балалары мектепке кіргізілмейтіні туралы ақпарат тарады. Бұған қатысты қалалық Білім басқармасы түсінік берді.


«1 қыркүйектен бастап балалар мектепке барады. Ата-анасы вакцина алмаған балаларды мектепке кіргізбейді. Ата-аналардың бәрін вакцина алуға шақырыңыздар», — делінген WhatsApp арқылы тараған мәліметте.

Нұр-Сұлтан қаласы Білім басқармасының баспасөз қызметі бұл мәліметтің фейк екенін мәлімдеп отыр.

«Нұр-Сұлтан қаласында оқу жылын дәстүрлі форматта бастау жоспарлануда. Ата-анасы вакцинация қабылдамаған бала 1 қыркүйекте мектепке қабылданбайды деген шешім шыққан жоқ», - деп жауап берді ведомстводан.

Еске салсақ, 11 тамызда өткен Үкімет отырысында Премьер-Министрі Асқар Мамин Білім және ғылым, Денсаулық сақтау министрліктеріне, өңірлердің әкімдіктеріне жаңа оқу жылының дәстүрлі форматта басталатындығына байланысты бірқатар тапсырма берген болатын.

1 қыркүйекте салтанатты қоңырау соғу шарасы тек 1-сынып оқушылары үшін ғана өтеді. Ал 2-11 сыныптар тікелей бекітілген кабинеттерге барып, сынып сағаттарына қатысады.

Білім және ғылым министрі Асхат Аймағамбетов, сондай-ақ мектептерде енгізілген Ashyq қосымшасы кімдерге қолданылатынын айтты.

Барлық білім беру ұйымдарында қызметкерлер мен білім алушылар маска киюге міндетті.

Мектептерде қосымша ауысымдар ұйымдастырылады, үзілістер уақыты әр уақытқа белгіленіп, «1 сынып - 1 кабинет» жүйесі іске қосылады.

Ал жаңа оқу жылында 1 оқушыдан коронавирус шықса бүкіл сынып қашықтан оқыту форматына көшіріледі.

9 тамыздағы жағдай бойынша, білім мекемелеріндегі педагогтердің 93,1 пайызы коронавирусқа қарсы вакцина алған.


Мақала ұнаса, бөлісіңіз:


Қарап көріңіз 👇



Жаңалықтар:
» Қазақстан Тәуелсіздігіне 30 жыл: Білім саласында қандай жетістік бар 21.09.2021, 0
» Мамин: Білім мекемелерінде санитария нормаларының сақталуын ерекше бақылауда ұстау керек 21.09.2021, 0
» Сүйінші! Хан Кененің бас сүйегі табылды 24.08.2021, 0

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы