Иіссуды дұрыс қолданудың 6 құпиясы


Иіссуды дұрыс қолдана білудің 6 құпиясы.

Иіссуды дұрыс қолданудың 6 құпиясы Түрлі опа-далаптарды дұрыс пайдалана білудің маңызы қандай зор болса, иіссуды да дұрыс қолдана білудің маңызы сондай зор. Ендеше төмендегі 6 тәсілді оқып көріңіз, сізге аз да болса пайдасы тиеді деп ойлаймын.


Бірінші. Иіссу хош иісін жоғалтпасын десеңіз денеңіз таза болуын қадағалаңыз. Душқа түсіп шыққаннан соң, таза денеге себу орынды болады.
Екінші. Әрдайым иіссуді себерде тамырдың теріге жақын орналасқан жерін таңдаңыз. Терінің бұл жері жылы болуы әсерінен хош иістің аңқуы жоғары болады. Бұл жерлер білектің ішкі жағы, шынтақтың ішкі жағы, иық және мойын. Сонымен қоса, құлақтың арты, бұл жерге себілген иіссудың хош иісі ұзақ уақыт сақталады екен. Таңдаған жерге иіссудың бір - екі тамшысын сепсеңіз жеткілікті.
Үшінші. Иіссуды кез - келген матаға себе беруге болмайтынын біле жүрген абзал. Табиғи матаға себілген иіссу өзінің бастапқы хош иісін жоғалтпайды (жүн, мақта маталары ). Жүннен тоқылған және аң терісінен тігілген киімдерде жылдар бойы иіс жоғалмайды. Алайда, иіссу ашық түсті матада дақ қалдыруы мүмкін, ал аң терісінен тігілген киіміңіз бастапқы түсін жоғалтуы мүмкін. Сондықтан, иіссуды киімнің ішкі көрінбейтін бөлігіне сепкен дұрыс.
Төртінші. Дәл бүгінгі күні тұрақты бір иіссу пайдалану шарт емес. Бір күн ішінде бірнеше түрлі иіссу түрлерін пайдалануға болады. Күндіз пайдаланатын әтірдің иісі нәзік әрі жұмсақ болғаны жөн. Ал кешкісін қолданатын иіссу хош иісті, күндізгі қолданған иіссудан өзгеше болғаны жақсы. Негізі иіссудың сақталу уақыты 4 - 6 сағат аралығында, кешкілік пайдаланатын иіссу одан ұзақ уақыт сақталады екен. Иістің сақталу уақытына қарай 4 категорияға бөлінеді: хош иісті иіссу, парфюмериялық иіс су, әтір, жай иіссу.
Бесінші. Кез келген иіссуды қараңғы жерде сақтаған дұрыс. Сонда булану әсерінен спирт тез ұшып кетпей, ауамен қосылысы нәтижесінде бұзылмай ұзақ уақыт сақталуы мүмкін.
Алтыншы. Хош иіссулар мен дезодорантты пайдаланарда бір түрін ғана қолданған жөн, ең дұрысы әлемдегі ең үздік компаниялардың парфюмериялары. Бір уақытта бірнеше түрлі иістерді араластыра қолдану дұрыс емес.

Соңғы айтарым, барлық нәрсенің шегін білген жөн. Қандай қымбат хош иісті иіссу болмасын шамадан артық сепкен жағдайда айналаңызға жағымсыз әсер етуі мүмкін. Сондықтан мөлшерін білген жөн.


Мақала ұнаса, бөлісіңіз:


Іздеп көріңіз:

Қарап көріңіз:

Пікір жазу

Келесі мақала жүктелуде...