Қазақша Бата - тілек: Тілашар тойы » ZHARAR © 2017 | Қазақша Бата - тілек: Тілашар тойы, Қазақша Бата - тілек, Тілашар тойы, тiлашар казакша , тілашар той тілектер, тілашар той құттықтау тілек, тилек тилашар тойы, тілашар тойы туралы тілектер, тілашар той тілектері, тілашар тойы құттықтау тілектер,




  • »

Қазақша Бата - тілек: Тілашар тойы

Қазақша Бата - тілек: Тілашар тойы казакша Қазақша Бата - тілек: Тілашар тойы на казахском языке

Адам болар баланың,
Қайтармайық талабын.
Мектепті алғаш аттаған,
Құтты болсын қадамың.

Сәбиліктен марқайып,
Өскендігі санаңның.
Әріптерден сөз құрап,
Жорғаласын қадамың.

Үміттерін ақтай біл,
Әкең менен анаңның.
Жүрегіңе сақтай біл,
Жақсы сөзін дананың.
Сондай бала болсын деп,
Тілек айтар қазағым.
Балалы үйлер көбейіп,
Бола берсін базарың.

Осындайға жеткізсін,
Әрбір үйдің адамын.
Жастар өсіп қалқан боп,
Болса деймін қамалың.

Қой үстінде бозторғай,
Жұмыртқалар заманың.
Сол замандай болса екен,
Егеменді қазағым.

Бастарыңа бермесін,
Қыйыншылық азабын.
Жастарыма қонса екен,
Даналығы бабамның.

Әмин, Аллаһу Әкбар!

Мектепке алғаш барғанда
Ұатаздарды мақтаймын,
Сенімдерін ақтаймын.
Біздікіндей мектепті
Әлем шарлап таппаймын.

Сәлем беріп өтейін,
Биіктерге жетейін.
Алдыңызда өзімді
Таныстырып кетейін.

Мектеп, менің мектебім,
Ақылсыздан шеттедім.
Білімдімен дос болып,
Сенен аттап өтпедім.

Қару-жарақ – сабағым,
Қалам-парақ – садағым.
Жалқау менен наданды.
Білімменен қададым.

Тақпағымды жаттаймын,
Сабағымды баптаймын.
Біздікіндей мектепті
Ешбір жерден таппаймын.

Таң қалдырып әлемді,
Айтайын мен өлеңді.
Қабыл алғын, жамағат,
Қызың берген сәлемді.

Күн көзімен таласқан,
Ай мен күнге жол ашқан.
Қазақ қызы мен болам,
Білімменен санасқан.

Есін допқа жеңдірген,
Бала емеспін сен білген.
Алтыға кеп, алып боп,
Біріншіге келдім мен.

Еркелік жоқ кешегі,
Оқушымын көшелі.
Білім алып бойыммен
Ойым да енді өседі.

Салтанаты бек керім,
Міне, сынып-мектебім.
Ұстаздарым аялы,
Достарым да көп менің.

Мен оқушы баламын –
Оқып, білім аламын.
Мектеп-ұям, өзіңе
Арналады бал әнім.

Шаттыққа толы болсын келер күндер,
Нұры ғой көзіміздің көгершіндер.
Аман қыл құртақандай құлындарды,
Аруақтар, желеп-жебеп жүресіңдер?!

Адамдар артқан екен ұрпаққа үміт,
Солардың арқасы ғой, тұрсақ күліп.
Еңбектеп,
Тәй-тәй басып,
Мектеп барып,
Сұңқардай
Шыңға қонар шырқап шығып.

Желкілдеп жігіт болды тайға мінер,
Күй болып шалқы көңіл, қайна жігер.
Алдынан арайланып бақыт таңы,
Азамат болсын аузын айға білер.

Көргендер бақытты ғой немересін!
Көгерсең немереңнен көгересің...
Ертең-ақ мақтанышқа айналады,
Ат ерттейтін Азамат деген есім.

Ұрпақпен ұласады мұрат арман,
Бәйтерек бой көтерер құба талдан.
Тойлаңдар,
Қуаныңдар, ағайындар,
Шалқып қайт, шаттық тойы -
Тілашардан!

Өмірдің жолы күрделі, әрі бұралаң,
Жаратушымыз оны ақ-қарадан құраған.
Қарасына пенде қамығып, кейде қан жылап,
Тағдыр талқысына еріксіз көніп шыдаған.

Сондайсыз сіз де, қайғы да өткен басынан,
Мұхитың өтті, жұлдыздай ағып тосыннан.
Орнында қалған тұяғы-жалғыз немере,
Батырды көрсем Мұхитым ба деп қуанам.

Батырың енді көзіңнің ағы-қарасы,
Кішкене ғана ата-апасының баласы.
Мектепке бармақ, ордасына еніп білімнің,
Өсіріп, баптап ақылы мен санасын.

Кешегі қайғы бүгінгі осы қуаныш,
Көңілді демеу, жүрекке медеу жұбаныш.
Өткенді бүркеп, келешектен үміт қып,
Тілашар тойға келдік біз де қуанып.

Батырың болсын оқушы үздік, бақытты,
Саналы болсын бағалар мына уақытты.
Таудай талап, бармақтай бақ тілейміз,
Азаматы болсын еліміздің бай-қуатты!!!
Автор: Айгуль Нургалиева

Таудай болсын арқалаған талабың,
сезін өмір құпиясын, ғажабын!
Айнұрдайын періштеге тілек сол -
Құтты болсын, мектеп аттар қадамың!


Санат: KZ портал » Қазақша Баталар жинағы | | 60 338
Рейтинг:
(голосов: 97)

.

MixAdvert

MarketGid

Соңғы пікірлер:

. .