Жазықтықтардың параллельдігі 1-сабақ (Геометрия, 10 сынып, I тоқсан)

Пән: Геометрия
Ұзақ мерзімді жоспар бөлімі: Стереометрия аксиомалары. Кеңістіктегі параллельдік
Сабақ тақырыбы: Жазықтықтардың параллельдігі 1-сабақ
Осы сабақта қол жеткізілетін оқу мақсаттары (оқу бағдарламасына сілтеме): Оқушылар: 10.1.2.5 - жазықтықтардың параллельдік белгісін және қасиеттерін білу, оларды есептер шығаруда қолдану;
Сабақ мақсаттары: Есептер шешуде параллель жазықтықтардың анықтамасын, қасиеттерін және белгілерін қолданады;

Ұйымдастыру кезеңі
Сабақ басында оқушылардың зейінін шоғырландыруға көңіл бөлу. Сабақтың мақсатын оқушылармен бірге анықтау

I Қайталау. Өзін-өзі тексеру.
Математикалық диктант.
Оқушылар келесі сұрақтарға жауап береді:
Кеңістіктегі екі жазықтықтың өзара орналасуы.
Қандай екі жазықтық параллель деп аталады?
Түзу мен жазықтықтың параллельдік белгісі.
Екі жазықтықтардың параллельдік белгісі.
Түзулердің параллельдік белгісі.
Кеңістіктегі екі түзудің өзара орналасуы.
Түзулердің айқас болу белгісі.
Айқас түзулердің анықтамасы.
Параллель жазықтықтардың қасиеттері.
Сөйлемді аяқта: «Егер екі параллель түзулердің біреу
жазықтықты қиып өтсе, онда...»
Сөйлемді аяқта: «Егер α жазықтық басқа жазықтыққа
параллель болатын түзу арқылы өтсе және басқа жазықтықты
қиып өтсе, онда...»
Параллель түзулердің анықтамасы.
II Білімдерін бекіту.
Практикум. Есептер.
α және β өзара параллель жазықтықтар ABC бұрышының
қабырғаларын сәйкесінше A_1,C_1 және A_2,C_2 нүктелерде қиып өтеді.
Егер A_1 B:A_1 A_2=1:3, BC_2=12 см болса, BC_1 табыңдар.
Жауабы: 3 см.
α және β өзара параллель жазықтықтардың арасында K нүктесі жатыр.
K нүктесі арқылы өтетін a және b түзулері α және β параллель
жазықтықтарды сәйкесінше A_1,B_1 және A_2,B_2 нүктелерде қиып өтеді.
Егер A_1 K:A_1 A_2=1:3, B_1 B_2=15 см болса, KB_1 табыңдар.
Жауабы: 5 см.
K нүктесі арқылы өтетін a және b түзулері α және β өзара параллель жазықтықтарды сәйкесінше A_1,A_2 және B_1,B_2 нүктелерде қиып өтеді.
Егер A_1 A_2:B_1 B_2=3∶4,A_1 B_1=7см,〖KA〗_2=12см болса, 〖KA〗_1 және 〖KB〗_2 ұзындықтарын табу керек. Екі жағдайды қарастырыңдар.
Жауабы: а)21 см,16см; б) 3 см,16см;.....